Baga 1 8:9 - Katɔti Ɔku Kedee

⁹ Na Bunyimi Adaka ɔmmɔ kemmo ni, lɛla biala liiibo liiitulo atabi anyɔ ani na Mose úti ɔ́kya-nwu kemmo na Horeb uwi ɔni bási baalɛ́ Egyipte kalɔ lɛlɔ.

Baga 1 8:9 ပူးပေါင်းရင်းမြစ်များ

Baga 1 8:21

Na lɛ́wia kesekɔ lɛnɔ líte Bunyimi Adaka ɔmmɔ na kakpakɔ kammɔ kemmo. Bunyimi Adaka ɔmmɔ kemmo na atabi anyɔ ani ndanku Unwoti bunyimi bɔni na únyimi-ku bula bati kuuku uwi ɔni na ɔ́da-ma údie Egyipte kalɔ lɛlɔ akya.”

Ala Alɛdi 2 5:10

Na ala ani kani nkya adaka ɔmmɔ kemmo ndi atabi bɛbɛɛbɛ anyɔ ani na Mose úti ɔ́kya mmɔ uwi ɔni na Katɔti únyimiku Israel bekyuli bammɔ bunyimi bɔmɛni na Sinai Kɔbi lɛlɔ uwi ɔni na ɔ́kpanku-ma ɔ́lɛku Egyipte kalɔ lɛlɔ.

Ala Alɛdi 2 5:9

Na ligyii lɛmmɔ lɛ́kuku ɔni na akana na anu-ni si enye katɔma kammɔ anumi na ɔɔɔdi kesi kesii. Na mmɔ na ala ammɔ ese ɔ́si uwi ɔmmɔ lɛlɔ úbedu ɔmwi.

Israelƒuɔ Bɔlɛ 13:21

Si bakɛ ɔƒiiwi ni, Unwoti ɔɔtɔ-ma anumi aani liƒlukutu lɛkpa bonwu lɛdi. Lɛni kani na ɔɔtɔ-ma anumi usien lɛnɔ aani lɛgyavonku bonwu na uute-ma bukeye kalɛ na bakana na besie usien ku ɔƒɛ.

Israelƒuɔ Bɔlɛ 14:24

Na asa kadi keteegye ni, Unwoti ɔ́nu Egyipteƒuɔ bekpone bamɛni úmene ɔ́siku nwuna lɛgyavonku ku liƒlukutu bonwu lɛmmɔ kemmo na ɔ́ya na béƒu bábla susuusu.

Israelƒuɔ Bɔlɛ 16:10

Uwi ɔni na Aaron ɔkya ɔɔtɛmi teete bekyuli bammɔ ni, bénwini anumi bátina ketele kammɔ. Mmɔ na Unwoti bukeye bonwu bɔ́bwɛ bɔ́lɛ kɔnakunwi na liƒlukutu kemmo.

Israelƒuɔ Bɔlɛ 16:33

Amu na Mose ɔ́su Aaron ɔnini, “Wia ɔsii ɔdi na eti manna ɔmmɔ ɔdi aani omar bɔkɔku akya-nwu kemmo. Na eti ese Unwoti anumi. Ɔmɛni ɔdubuse bute bula bawɔ bawɔ.”

Israelƒuɔ Bɔlɛ 25:16

Ɔmmɔ kama ndubuti atabi anyɔ ani lɛlɔ na ɔda bubo etemila asia lite-ɔ na eti-nya akya adaka ɔmmɔ kemmo.

Israelƒuɔ Bɔlɛ 25:21

Ti ɔda bubo etemila ani na líte-ɔ na asia atabi ammɔ lɛlɔ kya adaka ɔmmɔ kemmo na eti libila lɛmmɔ ebi-nwu kenye.

Israelƒuɔ Bɔlɛ 40:20

Na uti atabi anyɔ ani na ɔda bubo etemila ásia-nwu lɛlɔ mmɔ ɔ́kya Bunyimi Adaka ɔmmɔ kemmo. Na úti ligyii ɔ́kya eƒi ammɔ kemmo ɔ́danku adaka ɔmmɔ atu. Na úti likpidi kɔtu bɔni budie libila úbi adaka ɔmmɔ katɔ.

Esekiel 10:4

Na Unwoti bukeye bɔni mɔɔtu anumi mmɔ bɔ́ta bebweyi bammɔ lɛlɔ na bútédi búnye kakpakɔ kammɔ kayakun. Na kakpakɔ kammɔ ƒui keekeye na bukeye bɔni mɔɔtu anumi mmɔ bɔ́ƒɔ kaduli kammɔ kemmo ƒui.

Lewiƒuɔ Ɔda Bubo 16:2

Ɔ́su-nwu ɔnini, “Ya na ƒ'ɔnwani Aaron ɔti anii utata kalɛ kalɛ uwi ɔni na ɔɔyɔ́ na ubalɛ-mi lɛlɔ na Katɔma Kedee kemmo kesii kani na likpidi kɔtu bɔni budie libila libi Bunyimi Adaka lɛlɔ na kakpakɔ bule kɔdi kɔmmɔ kama, si ɔɔɔdi lɛni ɔdubo bukpi, ɔsika ami Unwoti mɔɔdá taalɛ libila lɛmmɔ katɔ na liƒlukutu kemmo.

Bumomo Bɔka 17:10

Na Unwoti ɔ́su Mose ɔnini, “Sɔku Aaron ugyii tése Bunyimi Adaka ɔmmɔ anumi. Na ugyii ɔmmɔ ɔdubɔbla likposela ute Israelƒuɔ batuɔkplune. Na ɔdubɔya na bada bɔdɔ na bana lɛlɔ kemmo na mina lɛlɔ baya kalɛ na balása bukpi ƒui.”

Bumomo Bɔka 9:15

Na limeyi lɛni na bálɛ Unwoti Adi Kevo kammɔ ni, liƒlukutu líbebi ɔtɔ ɔmmɔ ƒui lɛlɔ. Na liƒlukutu lɛmmɔ lɛ́ƒɔ ɔtɔ ɔmmɔ ɔ́si useyi uwi útédu kadi bugye ɔtanta na use aani si ogya mɔɔda.

Lɛkpa Ulu 31:26

“Biti Katɔti ɔda bubo ɔku ɔmɛni bɛkya bina Unwoti Bunyimi Adaka ɔmmɔ kakɛ kenwi kalɛ na wenwini likposela wete nwuna bekyuli.

Lɛkpa Ulu 4:13

Na ɔ́tɛmi úte-mii ɔ́siku ulu ɔni lɛlɔ na bɛdubɔsia na bɛdi nwuna lɛla lɛni na únyimiku-mii lɛlɔ na bitaadi Ɔda Bubo Leevu bɔni na únweni ɔ́sia atabi bɛbɛ anyɔ lɛlɔ mmɔ lɛlɔ.

Hebriƒuɔ 9:4

Mmɔ na sika ugyiedi lɛbi lɛni lɛlɔ na baakyula oloƒui lɛlɛ ku sika ugyiedi adaka ɔni kemmo na Katɔti bunyimi bɔkya. Na adaka ɔmɛni kemmo ni, atabi kɔlɛkɛ kɔni lɛlɔ bénweni bunyimi bɔmmɔ basia kɔkya. Na Aaron ugyii ɔdadi ɔni nédie evete lɛnɔ ɔkya-nwu kemmo ku sika ugyiedi lɛkyami lɛdi. Na nina kemmo ni, Katɔti adila ani baalɔ manna akya.

Budie Taatina 15:8

Na Katɔti kakpakɔ kammɔ kemmo kéyi ku uyɔ ɔni nási Katɔti ɔyikun ku bukeye kemmo. Na ukyuli biala ulakana kakpakɔ kammɔ kemmo buduo, amu ntu batu maatɛ bammɔ béti lɛbibo maatɛ lɛmmɔ béboku kayawi báwɔlɔ.