Baga 1 2:8 - Katɔti Ɔku Kedee

⁸ “Na enyimo Gera ubidi Simei ɔni nási Bahurim na Benyamin kɔdua kemmo. Anwu nákpali ewida etemila úwi-mi lɛlɔ kaduɛ limeyi lɛni na lísie Mahanaim. Na uwi ɔni na úbasiaku-mi na Yordan Ketudɔ ni, lɛ́kpali Unwoti lɛnyi líse kenye na lɛ́su-nwu nnini, ‘Lɛɛɛdubo-ɔ bɔdu ku kewii.’

Baga 1 2:8 ပူးပေါင်းရင်းမြစ်များ

Samuel 2 19:24

Na Meƒiboset ɔni na ɔdi Saul uwɔ lɛnɔ úsie útásiaku Ɔga Dawid. Na útada lɛlɔ kaduɛ munu munu. Ɔsika ɔ́si limeyi lɛni lɛlɔ na Ɔga Dawid ɔ́tɔlɔ Yerusalem úbedu ɔni na ɔ́sɔ únwini úbeduo buɛɛ mmɔ ni, útekulo nwuna kenyedɔ linwini iye ɔƒɔ nwuna lɛgba ku nwuna adala ani na ɔkya.

Israelƒuɔ Bɔlɛ 22:27

Ɔsika aku kani na ubo na uuti taabɛ kɔyɔ. Na si éteti étete-nwu ni, bi na uti ubi lɛlɔ usien? Na si áyu atuɔkplu na úwulo ɔ́kpali-mi ni, ndubunu-nwu bɔkpali. Ɔsika ndi Katɔti ɔni mbo kaƒɔ bɔkywi.

Yeremia 4:2

Na bise kenye biala na mina lɛnyi kemmo! Na bɛdi lɛla lɛni kenye na bíse lɛnɔ lɛlɔ! Na kadi bekyuli ƒui badubo-mii buteemwi na lite-mii kusɛ kusɛ.