Baga 1 2:4 - Katɔti Ɔku Kedee

⁴ Ɔmmɔ ndubɔya na Unwoti wadi nwuna kenye kani na úse-mi lɛlɔ ɔni na ɔ́su-mi ɔnini, ‘Si ƒula bawɔ básia bana keliela anu na baadi mina etemila lɛlɔ na basiaku-mi kama siin ku bana kɔyu ku kayi ƒui ni, bana akɔ na ubi ɔnanabi ɔdubɔsi na ulie Israelƒuɔ lɛgaboku lɛlɔ uwi biala kemmo.’ ”

Baga 1 2:4 ပူးပေါင်းရင်းမြစ်များ

Ala Kalɔ Buse 17:1

Uwi ɔni na Abram ɔ́ƒɔ akwa liti ku aavlene-yaalenwi ni, Unwoti údie lɛlɔ ɔ́tina-nwu na ɔ́su-nwu ɔnini, “Ami ndi Katɔti Ɔyikune Ƒui. Mɔɔwia ka elie ngba sɛɛn ɔni na aláƒiɔ-mi.

Ala Kalɔ Buse 18:19

Ɔsika ami náƒuna-nwu kalɛ na ɔtina nwuna bebi kavikɔ na nwuna kadi bekyuli bani masia-nwu kama ƒui basia ulu ɔni na mɔɔyɔ́ lɛlɔ. Na bataabla ala ani ndia na akɛ ulu lɛlɔ. Na ɔkɛnku ɔmmɔ lɛlɔ na ndubuti lɛla lɛni na lɛ́su líse ka mete Abraham lite-nwu.”

Samuel 2 7:25

“Unwoti Katɔti, ɔƒaani ni, bla ƒula linyese lɛlɔ te ami ƒula kabla ɔblane ku mina kaduli bekyuli aani kalɛ na ásu.

Baga 1 1:48

na ɔ́su ɔnini, ‘Bemwi Unwoti Israel Katɔti, ɔsika ɔ́ya na mina anumi ánu ukyuli ɔni ndubulie mina liboku lɛlɔ na mina kama ɔmwi kadi.’ ”

Baga 1 11:36

Na liti kɔdua kunwi lite ubidi kalɛ na asogya ɔkya mina kabla ɔblane Dawid lɛkɔkɔ na unye-mi anumi na Yerusalem uwi biala, ɔsika mmɔ na lɛ́ƒuna ka mina lɛnyi lɛsia.

Baga 1 3:14

Na si ásia mina ulu lɛlɔ na ádi mina ɔda bubo lɛlɔ aani kalɛ na ƒ'ɔti Dawid ɔ́bla ni, ndubute-ɔ ngba gyɔlɔɔ.”

Baga 1 3:3

Na Salomo ɔ́yɔ Unwoti na uwi ɔni na ɔ́siaku ɔda ɔni na ɔti Dawid úbo-nwu kama ɔsu. Na lɛla lɛni kani na ɔ́bla ɔ́ƒiɔ ndi ɔni na anwu lɛnɔ ɔ́du bebuo pii úti ɔ́bla akpala na ɔ́kyula oloƒui na akpabi ani na bátu na abi ammɔ eli ɔsu.

Baga 1 6:12

“Na kakpakɔ kani na aatú mɛni kama ni, si ádi mina ɔda bubo lɛlɔ, na ásiaku-mi kama siin na áda mina etemila ƒui kaduɛ ni, ami lɛnɔ nkɛnku-ɔ lɛlɔ na ndubɔbla lɛsiaku kenye kani na líse ƒ'ɔti Dawid lɛlɔ.

Baga 1 8:23

na ɔ́kpali Katɔti ɔ́su ɔnini, “O Unwoti, Israel Katɔti, benwoti biala beeese aani ƒula kalɛ na katɔ iye kalɔ. Aadi ƒula bunyimi bɔni na ényimi ku ƒula bekyuli lɛlɔ, na aayɔ́-ma uwi ndi uwi. Ama bani nénu kalɔ basiaku-ɔ kama siin baadi ƒula litemi lɛlɔ ku bana kayi ƒui.

Baga 1 8:25

“Na ɔƒɛni ni, Unwoti, Israel Katɔti, muuvele-ɔ ka kenye kani na ése mina ɔti Dawid uwi ɔni na ásu-nwu anini, ‘Ndubo bɔya na ƒula kaba kemmo ubi ɔnanabi utaadi lɛga na Israel uwi ƒui si baadi mina ɔda bubo lɛlɔ kaduɛ aani kalɛ na ábla,’ ubo-nwu kemmo.

Baga 1 9:5

ndubɔya na ƒula lɛgadi lɛmmɔ linye kpakplaa uwi ƒui na Israel aani kalɛ líse ƒula ɔti Dawid kenye uwi ɔni na lɛ́su-nwu nnini, ‘Ulebo ulete ka balákɛ ɔnanabi ƒula ɔtɔ kemmo belése ɔga na Israel kudii.’

Baga 2 20:3

“Unwoti nyimo ka lɛ́bla ala siin na ulu lɛlɔ na ƒula anumi. Na líti mina kayi lɛnɔ lɛ́sia awɔ lɛti lɛlɔ. Na lɛ́kya ɔkplu ka lɛ́bla lɛla lɛni na aayɔ́.” Ɔmmɔ kama úsie kalɔ uuwulo momoomo.

Baga 2 23:25

Na ɔga ɔdi útelie aani Ɔga Yosia ɔni na úti nwuna kayi ƒui ku kɔyu ƒui ku ɔlɔkplu ƒui ɔ́siaku Unwoti kama, na ɔ́di Mose ɔda bubo etemila ƒui lɛlɔ. Na ɔga ɔdi lɛnɔ útalɛ-nwu kudii.

Baga 2 23:3

Na ɔ́ta na úténye bagadine kenyekɔ na únyimiku Unwoti ka ɔdubunu-nwu litemi. Na úti nwuna kɔyu ku kayi ƒui utaadi etemila ammɔ lɛlɔ, na unye utaabla ala ani ƒui ɔda bubo bɔmmɔ bɔɔtina. Na bekyuli bammɔ ƒui bése kenye ka badubɔdi ɔda bubo bɔmmɔ lɛlɔ.

Ala Alɛdi 1 28:9

“Mina ubi Salomo, mɔɔsu-ɔ kpakplaa ka kya Unwoti lili kalɔ uwi biala na asiaku-nwu kama siin na adi nwuna litemi lɛlɔ ku ƒula kayi ku kasusu ƒui aani kalɛ na lɛ́bla. Ɔgyi ƒula lili kemmo kasusu ku kakali biala na ada aabla ala. Anwuɔsu si énwini ésie-nwu kudɔ ku kayi ƒui ni, ɔdubunu ƒula buvele. Nsu si énwini kama ákya-nwu ni, anwu lɛnɔ ɔdubuni-ɔ uwi ƒui.

Ala Alɛdi 2 17:3

Uwi ɔni na Yehosaƒat ɔti úse kalɔ ku lɛga bɔdi na Yuda kalɔ lɛlɔ ni, útaadi Unwoti litemi lɛlɔ kaduɛ na úni na útakpa Baal baƒiɔ aani kalɛ na baga bani nágyu bátɔ-nwu bábla kalɛ. Na Yehosaƒat lɛnɔ úse kalɔ ɔsiku ɔti ɔbladu kama. Na útaabu Unwoti geen na ɔɔkpá-nwu lɛnɔ. Anwuɔsu úte-nwu kusɛ kusɛ

Ala Alɛdi 2 6:16

“Ése-nwu kenye ka nwuna ɔtɔ kemmo na ukyuli ɔdubɔsi uwi biala kemmo na ɔdi lɛga na Israel kalɔ lɛlɔ si bákya ɔkplu na bábla básia ƒula ɔda bubo lɛlɔ aani kalɛ na anwu lɛnɔ ɔ́bla.

Ala Alɛdi 2 7:18

Na kenye kpakplaa kani na líse-nwu ka nwuna ɔtɔ kemmo na ukyuli ɔdubɔsi ɔdi lɛga na Israel kalɔ uwi biala ni, ndubɔdi-ka lɛlɔ lite-nwu.

Kɔgya 119:9

Na ulu ɔmani lɛlɔ na okloƒu ɔdi ɔdubɔkana na ɔsia na ɔda nwuna ngba sɛɛn? Amu ntu ƒula ɔda bubo lɛlɔ bɔdi kani.

Kɔgya 37:22

Ɔsika bekyuli bani na Unwoti Katɔti úte kusɛ kusɛ ni, ama badubɔdi kalɔ kammɔ lɛlɔ ala. Na bani na úwida ama ni, ɔdubɔyila-ma udu na ngba bɔmmɔ kemmo.

Kɔgya 37:9

Ɔsika likpidi bablane ƒui ni, Unwoti Katɔti ɔdubo-ma ngba udu bɔyila. Nsu bekyuli bani néti bana anu básia Unwoti lɛlɔ ni, ama ndubo kalɔ kammɔ ala bɔdi.

Kɔgya 39:1

Líbo lɛlɔ ɔda lɛ́su nnini, “Ndubɔnu kaduɛ na lɛda mina unyemi na enyekpi adi alálɛ-mi kenye. Na lɛɛɛdubo bɔtɛmi lɛnɔ uwi ɔni na bekyuli bekpidi báka bámana-mi mɛni.”

Yeremia 33:17

“Na uwi biala ni, Israel ɔga ɔdubɔsi Dawid bawɔ kemmo.

Lewiƒuɔ Ɔda Bubo 26:3

“ ‘Si bɛ́di mina ɔda ɔni líbo-mii lɛlɔ na bɛ́sia mina bunyimi ƒui anu kaduɛ ni,

Sakaria 14:2

Nsu ɔdubo bɔya na baka Yerusalem bubekpoku na beyu bekyuli kɔduli ala na beƒie beleku batɛ-ma kudɔ ku ɔkplu, na betiku ɔma ɔmmɔ bekyuli kakɛ kenwi ƒui batɔlɔku ina ka badubɔya na badi bebu bakya kama.

Mateo 22:37

Yesu údie kenye ɔnini, “Ɔlɛka bɛyɔ Unwoti ɔni ndi bina Katɔti ku bina kayi ƒui ku bina kɔyu ƒui ku bina kasusu ƒui.

Luka 1:6

Ɔgya ku ule bamɛni bélie ngba bɔbuni na Katɔti anumi. Na bádi nwuna ɔda bubo ƒui lɛlɔ kaduɛ.

Lɛkpa Ulu 10:12

Lɛla lɛni na Katɔti ɔɔwia ɔsiku bina kudɔ ndi ka biti ɔbu bite-nwu na bɛsia nwuna ulu ɔni na ɔ́tina-mii na bɛyɔ-nwu ku bina kayi ƒui ku bina kɔyu ƒui.

Lɛkpa Ulu 11:13

Anwuɔsu bɛdi ɔda bubo bɔni mɔɔsu-mii ɔmwi kadi mɛni lɛlɔ nnii bɛyɔ bina Unwoti Katɔti na biti bina kayi ƒui bitaakpa-nwu.

Lɛkpa Ulu 6:5

Anwuɔsu ɔlɛka bɛyɔ-nwu ku bina kayi ƒui ku bina kɔyu ƒui ku bina ɔyikun ƒui.

Lɛkpa Ulu 7:12

Si bɛ́di ɔda bubo bɔmɛni ƒui lɛlɔ kaduɛ ni, bina Unwoti Katɔti ɔdubɔdi nwuna linyese lɛlɔ na utaayɔ-mii uwi ndi uwi aani kalɛ na ɔ́su bula bati kuuku úse.

Yuda 1:24

Na anwu ɔni ndubɔkana na uƒie-mii ɔda na bilebuli ni, ɔdubɔkana na ɔbla-mii kedee lɛnɔ. Na lɛlɔ lɛyɔ-mii na ɔya na bɛkana na binye nwuna anumi ani muukeye lɛtɔtɔ na bilásɔ.