Baga 1 2:3 - Katɔti Ɔku Kedee

³ Na adi ƒula Unwoti Katɔti etemila lɛlɔ ku ala ani ƒui na únyimi na nwuna ɔda bubo kemmo na bénweni bákya Mose ɔda bubo ɔku kemmo. Na ataasia-nya anu na asia nwuna ulu lɛlɔ kalɛ na lɛla biala na aabla lɛtɛku-ɔ. Na keyi kayɔdi kasiaku-ɔ na kesi kesii na akɛ.

Baga 1 2:3 ပူးပေါင်းရင်းမြစ်များ

Samuel 2 8:14

Na kekpo kammɔ kama ni, Dawid ɔ́da kuliekɔ úte nwuna bekpone na Edom kalɔ lɛlɔ ƒui. Na ɔ́si uwi ɔmmɔ ni, Dawid ɔɔdi Edom kalɔ ku bekyuli bammɔ ƒui lɛlɔ. Na kesi kesii na Dawid ɔ́tu lili ɔ́kya ni, Unwoti ɔɔyá na ɔɔdi nwuna bekisine ƒui lɛlɔ.

Samuel 2 8:6

Ɔmmɔ kama Dawid úle nwuna bekpone ɔ́kya Damasko na ɔ́kɛ ɔyikun na Siriaƒuɔ lɛlɔ. Anwuɔsu Siriaƒuɔ lɛnɔ baaƒɔ lɛlɔ bɔdi kadikɔ kayu teete Dawid. Na kesi kesii na Dawid úsie ni, Unwoti uubunku-nwu na ɔɔdi nwuna bekisine lɛlɔ.

Baga 1 3:3

Na Salomo ɔ́yɔ Unwoti na uwi ɔni na ɔ́siaku ɔda ɔni na ɔti Dawid úbo-nwu kama ɔsu. Na lɛla lɛni kani na ɔ́bla ɔ́ƒiɔ ndi ɔni na anwu lɛnɔ ɔ́du bebuo pii úti ɔ́bla akpala na ɔ́kyula oloƒui na akpabi ani na bátu na abi ammɔ eli ɔsu.

Baga 2 18:7

Anwuɔsu na Unwoti úlieku-nwu. Na lɛla biala na ɔ́bla ni, lɛ́tɛ líte-nwu. Na limeyi lɛdi ni, ɔ́ta unye Asiriaƒuɔ ɔga lɛlɔ na úni ka ɔkya-nwu kalɔ.

Ala Alɛdi 1 29:19

Na aya na Salomo utaayɔ-ɔ na ɔdi ƒula etemila ku ƒula ala bɔtina ƒui lɛlɔ siin. Na ƒula kakpakɔ kamɛni bɔtu bɔyɔ bɔda-nwu kayi kpakplaa ɔni ɔsu na líti ala amɛni muute-nwu.”

Kɔgya 119:111

Ƒula ɔda bubo bɔɔyɔ́-mi kaƒɔ na bɔdi mina kese uwi ƒui.

Kɔgya 119:138

Na ƒula ɔda bubo bɔni na éte lɛnɔ bɔdi ulu na buse siin.

Kɔgya 119:2

Na lɛlɔ lɛdubɔyɔ bani ƒui mɔɔsia nwuna ɔda bubo anu na baadi-mu lɛlɔ ku bana kayi ƒui.

Kɔgya 19:7

Unwoti ɔda bubo bɔdia ƒui bɔ́wɔlɔ na ɔɔyá na bɔɔkɛ́ ɔlɔkplu ɔwɔdi. Na ala ani na úbo ɔda ka bɔbla adi ani buti anu bɔsia geen. Na nwuna ɔda bubo bɔdi etemila aani baaƒɔ́ taadi sɔsɔ. Na ɔɔyá na ukyuli ɔni mɔɔyáki lɛnunda ɔɔkɛ́-ni.

Etemila 12:13

Ala ani ƒui na bátina-a ni, akana na asala-nya akya etemila klo klo amɛni kemmo anini, “Di Katɔti litemi lɛlɔ na abu-nwu. Lɛla lɛni ƒui na ngba bumodi bɔmmɔ bɔdanku kani na lɛdi mmɔ.”

Lewiƒuɔ Ɔda Bubo 8:35

Na ɔlɛka bɛsɔ bɛkya Unwoti Adi Kevo kaduli kammɔ kayakun kenye emeyi maatɛ usien ku ɔƒɛ. Na bɛbla ala ani ƒui na Unwoti ɔɔwia ka bɛbla kalɛ na bilekpi, ɔsika lɛni na Unwoti ɔɔwia.”

Malakai 4:4

“Bitayiƒala mina ɔda bubo ku ala bɔtina bɔni na líte mina kabla ɔblane Mose na Sinai kɔbi lɛlɔ.

Lɛkpa Ulu 29:8

Na búti bana kɔlɔ na búle kɔlɔ kɔmmɔ búte Ruben ku Gad kaba, na búti kakɛ lɛnɔ búte Manase kaba.

Lɛkpa Ulu 29:9

Anwuɔsu bɛdi bunyimi bɔmɛni lɛlɔ kaduɛ kalɛ na lɛla biala bɛdubɔbla lɛtɛ lite-mii.

Lɛkpa Ulu 4:1

Bɛdi ɔda bubo bɔni ƒui mɔɔtina-mii mɛni lɛlɔ kalɛ na bɛdubɔkana na bilie kalɔ kani na Katɔti ɔni ndi Bina Bati Kuuku Katɔti úti uute-mii lɛlɔ.

Lɛkpa Ulu 4:45

Ɔda bubo bɔmɛni ku ala ani ƒui na adanku mmɔ ni, údie-nya ɔ́tina-ma uwi ɔni na bálɛ Egyipte kalɔ lɛlɔ.

Lɛkpa Ulu 4:5

Binu! Mina Unwoti Katɔti bunyimi bɔni na úbo-mi ɔda ka ntina-mii ni, lɛ́tina-mii ƒui. Na mɔɔsu-mii nnii bɛdi-mu lɛlɔ ƒui na kalɔ kani bísela bitéti binwini bina kadikɔ mmɔ lɛlɔ.

Lɛkpa Ulu 4:8

Na kadi bamba bekyuli ina bebo lɛnyi muedi ni, bana ɔda bubo bulédu ɔda bubo siin bɔni na lɛ́tina-mii ɔmwi kadi mɛni.

Lɛkpa Ulu 5:1

Amu na Mose ɔ́lɔ Israelƒuɔ bammɔ ƒui ɔ́sala na ɔ́su-ma ala amɛni. Israel kadi bekyuli, binu ɔda bubo bɔni ƒui líti muute-mii ɔmwi mɛni. Bɛtɛya ɔda bubo bɔmmɔ na bɛnu ka bɛdi-mu lɛlɔ.

Yosua 22:5

Nsu Yosua ɔ́sɔ ɔ́su-ma ɔnini, “Binyimo ɔda ɔni na Unwoti kabla ɔblane Mose úbo-mii. Na ɔda bubo bɔmmɔ ndi ka bɛyɔ bina Unwoti Katɔti na bɛsia nwuna litemi anu kaduɛ, na bɛdi nwuna ɔda bubo lɛlɔ, na biti lɛlɔ bɛsia-nwu lɛlɔ, na biti bina kayi ku kɔyu ƒui bitaabla-nwu kabla.”

Yosua 23:6

“Anwuɔsu bɛkya ɔkplu na bɛnu kaduɛ na ɔdi biala ɔdi Mose ɔda bubo etemila ɔku ɔni úti úte-mii mmɔ lɛlɔ ƒui. Na bitada bitavia ɔda bubo bɔmmɔ bitese kɔmii iye kɔdianu.

Samuel 1 18:14

Na lɛla biala na Dawid wabla ni, lɛɛtɛ teete-nwu, ɔsika Unwoti ɔsiaku-nwu geen.

Samuel 1 18:30

Na uwi ndi uwi ni, Ƒilistiƒuɔ batɔnkune beetiku bana bekpone teetékpoku Israelƒuɔ. Nsu uwi biala na báta lɛni ni, Dawid ku nwuna bekpone baadi-ma lɛlɔ. Na Saul ukpone ɔtɔnkune ɔdi ɔsɔ ulákana-ma lɛlɔ bɔdi aani Dawid kalɛ. Ɔmmɔ ɔsu Dawid úbaƒɔ lɛnyi geen.

Samuel 1 18:5

Na lɛla biala na Saul úbo Dawid ɔda ka ɔbla ni, ɔɔbla-ni kaduɛ. Ɔmmɔ ɔsu Saul úti Dawid ɔ́bla bekpone batɔnkune akɔ unwi ɔni na ubo kenyekɔ geen na bekpone bammɔ akɔ. Na lɛla lɛmɛni lɛ́da bekyuli bammɔ ƒui kubiti ku Saul bekpone batɔnkune bammɔ muedi.