Baga 1 13:4 - Katɔti Ɔku Kedee

⁴ Uwi ɔni na Yerobeam únu lɛla lɛni na Katɔti kenye udiene ɔmmɔ ɔ́va ɔ́su úwi Betel lɛkpabi lɛmmɔ lɛlɔ ni, únene kɔnu ɔ́kywɛ-nwu ɔ́siku lɛkpabi lɛmmɔ kudɔ mmɔ na ɔ́su ɔnini, “Biƒie ukyuli ɔmmɔ na binyimi-nwu.” Nsu kɔnu kɔni na únene ɔ́tina kenye udiene ɔmmɔ kúkpi kɔnakunwi, na kɔ́goglo na ɔ́sɔ útakana-ku bunene lɛnɔ.

Baga 1 13:4 ပူးပေါင်းရင်းမြစ်များ

Budie Taatina 11:5

Si ukyuli ɔdi ɔ́kya ɔkplu ɔnii ɔɔbla-ma kalala ni, ogya ɔdubo bɔlɛ bɔsi bana kenye kemmo na ɔkyula bekisine bammɔ. Na ukyuli biala ɔni mɔɔwia ɔnii ɔɔbla-ma kalala ni, ulu ɔmmɔ lɛlɔ kani na ɔdubɔsia ukpi.

Yohane 18:6

Na uwi ɔni na Yesu údie kenye ɔnini, “Bɛɛnu-mi mɛni” ni, bédi bésie kama na bébuli.

Yohane 13:20

Mɔɔsu-mii geen nnii ukyuli biala ɔni muugyingya enu taaƒɔ ukyuli ɔni na lɛ́tala ni, ami na ɔ́ƒɔ. Na ukyuli ɔni megyingya enu na waƒɔ-mi ni, anwu ɔni nátala-mi lɛnɔ na ɔ́ƒɔ.”

Luka 6:10

Yesu ɔ́tɛ anu ɔ́mana-ma na ɔ́su ɔnana ɔmmɔ ɔnini, “Nene ƒula kɔnu.” Únene-ku, na mmɔ kani ni, nwuna kɔnu kɔ́sɔ kɔ́bla-nwu kaduɛ.

Mateo 26:57

Amu na ama bani néƒie Yesu mmɔ bétiku-nwu bésienku Ɔkpane Unengudi Kaiaƒa kaduli, kesii kani na bakpane benengu ku ɔma benengu ku ɔda bubo ala batinane bása belie.

Mateo 25:40

“Amu na Ɔga ɔmmɔ ɔdubudie kenye ɔnini, ‘Mɔɔsu-mii nnii uwi ɔni na bíbunku ukyuli ɔni na bilábu ƒui na mina badi akɔ ni, ami na bɛ́bla bíte.’

Kɔgya 105:15

Na ɔ́su-ma ɔnini, “Ɔdi biala utetuku mina kadi bekyuli bani na lɛ́ƒuna. Na ɔdi utabla mina kenye bediene badi likpidi lɛdi.”

Ala Alɛdi 2 16:10

Ka Asa únu lɛla lɛmɛni ni, úti kɔnyi geen na ɔ́ya na bákya Hanani aban ɔtɔ. Na lɛni kani na ɔ́bla anwu ɔlati nwuna bekyuli kalala.

Ala Kalɔ Buse 19:11

Na báya na ogya ɔdi ɔ́bwɛ bekyuli bani ƒui nnye keyi mmɔ anumi na básɔ bátanu kayakun na beduo ɔtɔ ɔmmɔ kemmo.

Baga 1 13:3

Limeyi lɛmmɔ kani ni, Katɔti kenye udiene ɔmmɔ ɔ́bla likposela lɛdi na ɔ́su ɔnini, “Ɔmɛni ndi Unwoti likposela ka lɛkpabi lɛmɛni lɛdubo bɔbwɛ na lile lɛlɔ kemmo inyɔ. Na ntɔ bɔni na buwi-nwu kemmo ni, buwilimi buwi kalɔ.”

Baga 1 13:5

Na lɛkpabi lɛmmɔ lɛnɔ lile lɛlɔ kemmo inyɔ. Na ntɔ bɔni buwi-nwu kemmo búwilimi búwi kalɔ.

Baga 1 12:29

Na úti baƒiɔ bammɔ unwi útálɛ Betel na úti ɔkladi lɛnɔ útálɛ Dan ɔma kemmo.

Baga 1 22:27

Na asu-ma ka lɛni na ɔga ɔɔsu ɔnini, ‘Biti okloƒu ɔmɛni bɛkya ɔtɔ. Na bitete-nwu lɛla biala na ɔdi, si ɔɔɔdi bodobodo ku ntu kani wetédu ka línwini ḿbeduo buɛɛ.’ ”