Amos 9:5 - Katɔti Ɔku Kedee

⁵ Unwoti Katɔti Ɔyikune Ƒui ndi anwu ɔni na si útuku kalɔ kammɔ ni, kaayɛɛlɛ, na bekyuli bani na beli-ka kemmo ƒui beewulo kɔnyana. Na kalɔ kammɔ kaata taawɔ aani kalɛ na Nil Ketu keeƒuƒuo taakɔ taayu.

Amos 9:5 ပူးပေါင်းရင်းမြစ်များ

Kɔgya 104:32

Unwoti úti nwuna anumi ɔ́nu kayawi na kaakunku. Na úti kɔnu útuku abi lɛnɔ, na aalɛ́ uyɔ.

Kɔgya 144:5

O Unwoti, bwɛ kayaa na ebeduo-bu lɛlɔ mɛni. Na etuku abi ammɔ na uyɔ utaalɛ-nya kemmo.

Kɔgya 32:6

Anwuɔsu ukyuli biala mɔɔdi ƒula etemila lɛlɔ ɔsia anu na ɔkpali-ɔ uwi ndi uwi na adubunu ete-nwu. Na si ina ɔgbankpi ɔdi na ɔdi aani ketu néyi na kaanwanɛ lɛlɔ kalɛ kalɛ muedi, ntu bɔmmɔ bɔɔɔdubo bɔni bude-nwu na buƒie-nwu kudii.

Kɔgya 46:6

Liƒu lɛɛda kadi bekyuli ƒui. Na baga ku bana lɛga kɔdikɔ kɔɔbwɛ. Katɔti údie lɛdi na kayawi ƒui kaakunku.

Kɔgya 97:5

Na abi ammɔ aabwɛ na Unwoti anumi aani kalɛ na kɔma kɔɔnani. Na Unwoti ɔni mɔɔdi kayawi ƒui lɛlɔ anumi na ala ammɔ aalɛ́.

Yesaia 64:1

O Unwoti, bɔɔyɔ́ ka aya na kayaa kabwɛ kemmo na ayu ebo kalɔ. Na abi ƒui ataakunku na ƒula anumi!

Yeremia 12:4

Uwi ɛlɛ na adubɔya na kalɔ kamɛni kayaku ntu na kakwii lɛni ketédu? Na uwi ɛlɛ na livo lɛdubɔyɛyɛ linye bebuo kadikɔ lɛni utédu? Bebuo ku baasɛ bammɔ ƒui békpi na ɔdi ɔsɔ uuubo. Na bekyuli bamɛni alaekpidi ani na baabla ɔsu na ala amɛni ƒui aalɛ́ lɛni. Nsu bamu benye baakun lɛmɛnɛ taasu banini, “Katɔti ulánu alaekpidi ani na bɔɔbla.”

Hosea 4:3

Ɔmmɔ ɔsu na bina kalɔ ƒui kénwini ketele kalɔ kakwiidi na káyii udu, na bekyuli ku bebuo ku baasɛ bani nkya-ka kemmo ƒui lɛnɔ beekpi.

Amos 8:8

Ndubo bɔya na kayawi kemodi kammɔ katɔ kpakpaakpa na bekyuli bani mebu melie-ka kemmo bewulo kɔnyana na bataata teebo aani kalɛ na Nil Ketu keeƒuƒuo taakɔ taasɔ taayu.

Nahum 1:5

Na si ɔ́da ɔ́lɛ ni, abi ammɔ aagyú taawɔ, na abinkpo eegyingya aani kalɛ na lɛla lɛdi lɛɛyɛlɛ, na kalɔ kammɔ ku kana lɛlɔ bekyuli ƒui baatɔ́ kpakpaakpa na nwuna anumi.

Nahum 1:6

Ɔma ndubɔkana Unwoti kɔnyi kpakplaa kɔmmɔ kenye bunye? Nwuna kɔnyi kuubile ala aani kalɛ na ogya ɔɔda taakyula ala, na atabi muedi aabwɛ.

Habakuk 3:10

Uwi ɔni na áda álɛ ni, abi ammɔ aatɔ́ kpakpaakpa, na ɔnantu ɔɔna taasi liƒlukutu kemmo, na ɛpu uubó avlɔvɔ taakɔ taayu na ɔɔkwanyi ku kɔku bonwu.

Mateo 7:27

Ɔnantu ɔ́na na ntukpa búyi, na ɔƒɛƒɛɛ úkpo momoomo ɔ́siaku ɔtɔ ɔmmɔ, na ɔ́ƒɛ butu butu.”

Budie Taatina 20:11

Ɔmmɔ kama ni, lɛ́nu lɛgaboku bonwu ƒuala ƒuala lɛdi ka Katɔti ulie-ni lɛlɔ. Na ka ɔ́da ɔ́lɛ ni, kalɔ ku katɔ ƒui káyii na asɔ alánu-ka lɛla lɛdi na kesii kadi.