Amos 9:4 - Katɔti Ɔku Kedee

⁴ Si bana bekisine nábɔku-ma bátákya kaƒɔ ɔgyu dɛ muedi ni, ndubɔya na kuwii kɔtu-ma kɔdu na mmɔ. Mina anumi adubɔlɛ-ma lɛlɔ geen ute likpidi lɛni ndubɔlɛku-ma, na ɔɔɔdi lɛbuni lɛdi munu munu.”

Amos 9:4 ပူးပေါင်းရင်းမြစ်များ

Ala Kalɔ Buse 44:21

“Ɔmmɔ kama ni, Ati, ásɔ ásu-bu anii, ‘Biti-nwu biboku na ami ɔlati lɛnu-nwu!’

Ala Alɛdi 2 16:9

Unwoti ɔɔsia ukyuli biala anu uwi biala na uuti nwuna ɔyikun teete bani na béti bana anu básia-nwu lɛlɔ na basiaku-nwu kama siin uwi biala. Nsu kɔdɔlɔ lɛla na awɔ ábla mɛni. Na ɔmmɔ ɔsu keyi buɛɛ kasɔ kaaadubo ƒula lɛgakadikɔ kammɔ bɔkya uwi ɔdi lɛnɔ.”

Kɔgya 34:17

Na Unwoti bekyuli bani nsiaku-nwu siin ama ni, baava taalɔ-nwu na uunú teete-ma kɔnakunwi. Na uudie-ma na ala ani nda-ma kemmo.

Israelƒuɔ Bɔlɛ 14:24

Na asa kadi keteegye ni, Unwoti ɔ́nu Egyipteƒuɔ bekpone bamɛni úmene ɔ́siku nwuna lɛgyavonku ku liƒlukutu bonwu lɛmmɔ kemmo na ɔ́ya na béƒu bábla susuusu.

Yeremia 12:12

Bekpone bani muubile ala badanku lɛlɔ badubo na kalɔ kakwiidi ulu lɛlɔ na beekpó kesi kesii. Na ama ndi mina kewii kekpidi kani nda muukpó na ɔdi biala uuubo bɔnwuna iye ɔkɛ bɔƒɔ bɔdi na bana enu kemmo.

Yeremia 21:10

Lɛ́ɛbla mina kasusu ka lɛɛɛdubo Israelƒuɔ kebunku kadi bute nnii muudie-ma, mmomu ndubɔya Babilonƒuɔ ɔga ɔkyula ɔma ɔmmɔ ƒui uwi kalɔ kede kede. Ami Unwoti násu.”

Yeremia 24:6

Na mmɔ na mɔɔnu-ma lɛlɔ. Na limeyi lɛdi ni, ndubɔsɔku-ma liboku kalɔ kamɛni lɛlɔ mbalɛ aani kugyii kalɛ na lɛɛɛdubo-ma bɔgyu budie. Ndubɔya na balɛ lili na naaada-ma neeewi kalɔ nnii bayii udu.

Yeremia 39:12

“Wia Yeremia na agyumana-nwu kɔkɔɔkɔ na abla lɛla biala na weye-ɔ ete-nwu.”

Yeremia 39:16

Ebedmelek ɔni ndi Kusni ɔmmɔ ɔnini, “Ami ndi Unwoti Ɔyikune Ƒui, Israel Katɔti. Na mɔɔlɛ ɔdi biala kpakplaa ka ndubo bɔya na ɔgbankpi ubo ɔma ɔmɛni lɛlɔ na ɔɔɔdi keyi kayɔdi ku kubiti. Na ɔƒaani ni, uwi ɔsɔ uletu ndubo lɛla lɛni na lɛ́su bɔbla na ɔdi biala ɔnu ka lɛ́lɛ sɔsɔ.

Yeremia 44:11

“Ami Unwoti Ɔyikune Ƒui lɛ́lɛ ugyii ka ndubɔya na ɔgbankpi lidu libo-mii lɛlɔ na lɛyila-mii lidie ƒui.

Esekiel 5:12

Bina kadi ƒui lɛkpa lɛtɛdi bekyuli badubo bukpi na Yerusalem mɛni na kɔka iye ɔlɛ ɔsu. Na lɛkpa lɛtɛdi bamba lɛnɔ bekpi na kekpokɔ. Na lɛbɔku lɛkpa lɛtɛdi lɛkladi lɛkya kadi bamba bekyuli ƒui akɔ lɛmana. Na badubɔsia-mii anumi na bedie-mii balɛku na badu-mii ƒui.

Esekiel 5:2

Na si uwi ɔni na ékpoku lɛtabi lɛni nnye nte Yerusalem mmɔ áwɔlɔ ni, na akyula linwini lɛmmɔ lɛkpa linwi na lɛtabi lɛmmɔ lɛlɔ. Na eti lɛkpa linyɔdi na ekulo-ni wɛlɛ wɛlɛ ewi aka amana lɛtabi lɛmmɔ lɛlɔ. Na lɛkpa lɛtɛdi ni, bo-ni kɔliku kayaa na ɔƒɛƒɛɛ kemmo na ami ndubo-ni bukulo ku mina kewii.

Lewiƒuɔ Ɔda Bubo 17:10

“ ‘Ɔƒɛni lɛnɔ ukyuli biala na ɔ́si Israel kaba kemmo iye ɔƒɔ ɔni nli-mii akɔ na ɔdi ɔ́di ubugya ni, ndubuti mina lɛnimi lɛlɛ ukyuli ɔmmɔ lɛlɔ na lɛda-nwu lidie mina bekyuli akɔ.

Lewiƒuɔ Ɔda Bubo 26:33

Ndubo-mii bugyingya bɔkya kadi bamba bekyuli akɔ na liti mina kewii lɛbɔku-mii. Na lɛya na bina kalɔ ku bina lɛma linengudi ƒui lɛsɔ lɛtɛ ukpludi.

Amos 9:8

Ami ɔlati néti mina anumi lɛ́nu ekpidi ani udu na amii kadi kamɛni bekyuli bɛɛbla. Anwuɔsu na ndubo bina ƒui udu bɔyila na kalɔ kammɔ ƒui lɛlɔ, na kebu Yakob kaba kemmo bebi ɛlɛɛ badi kani. Ami Unwoti násu!

Sakaria 8:10

Kuuku asa na uwi ɔmmɔ úbedu ni, nka ukyuli ɔyawine iye ebuo ɔdi uuubo lɛyuƒɔla lɛdi na nwuna kabla kani na ɔ́bla ɔsu. Na keyi buɛɛ kadi lɛnɔ keeebo na ɔdi ulie na atu bɔyɔ kemmo, ɔsika lɛ́ya na bana ƒui báta bénye lɛlɔ lɛlɔ.