Amos 9:12 - Katɔti Ɔku Kedee

¹² Mmɔ na Edom bekyuli bani nébu ku kadi ƒui bekyuli bani na lɛ́lɔ aani mina badi badubɔwia-mi kama ulu. Lɛni na Unwoti ɔni mɔɔbla ala amɛni ƒui ɔ́su úse.

Amos 9:12 ပူးပေါင်းရင်းမြစ်များ

Ala Kalɔ Buse 27:29

Na kadi bekyuli ƒui benwini ƒula kabla bablane. Na bekyuli ƒui bakya-a lili kalɔ na adi ƒula banwani ƒui lɛlɔ. Na ƒ'ini bebi bananabi ƒui bakya-a lili kalɔ. Na bekyuli bani mewida-a ƒui ni, ewida asiaku-ma. Na bani mete-ɔ kusɛ kusɛ ni, kusɛ kusɛ ɔsiaku-ma.”

Ala Kalɔ Buse 27:37

Mmɔ na Isak údie kenye na ɔ́su Esau ɔnini, “Kusɛ kusɛ ɔni na líte-nwu ni, ɔ́ya na únwini lɛlɔ ɔdine. Na nwuna ɔtɔ kemmo bekyuli ƒui badubo-nwu kabla bablane bunwini. Na nwuna kaduli ni, antabi ku ntɛ bɔwɔdi bulása kudii. Na bi lɛnɔ na aakali ka ndubɔsɔ lɛkana bɔbla ɔƒɛni?”

Kɔgya 60:8

Na Moab use aani lɛkyami lɛni kemmo na mɔɔƒɔ mina enu. Na Edom lɛlɔ na mɔɔnya lɛgba. Na Ƒilistia na muunye teebo kudu ka lɛ́di lɛlɔ.”

Yesaia 11:14

Mmomu badubɔsala lɛlɔ na babwɛ bayu Ƒilistiƒuɔ besie ɔƒɛ kanukɔ. Na basi mmɔ betékpoku kadi kani bekyuli nkya bésie ɔƒɛ katukɔ.

Yesaia 43:7

Ɔsika mina bekyuli na badi, na lídie-ma kalɛ na beti ɔbu bete mina lɛnyi.’

Yesaia 63:19

Awɔ badi na bɔdi ɔ́si kukuuku, nsu ɔƒaani buse aani ɔɔɔdi awɔ mɔɔdi-bu lɛlɔ, na use lɛnɔ aani si ɔɔɔdi ƒula lɛnyi na bɔɔdi.

Yesaia 65:1

“Lídie lɛlɔ lɛ́tina bekyuli bani na béteye-mi lili. Na bekyuli bani na bátawia-mi kama ulu bánu-mi. Na kadi bani bekyuli nátakpali-mi lɛnyi kudii ni, lɛ́su-ma nnini, ‘Bɛɛnu-mi mɛni, nnye mɛni.’

Yeremia 14:9

Bɔsu na ada anii aaagyi eeese asa na ɔgbankpi ɔmɛni ɔ́lɛku-bu? Munuu ukpone ɔni na bényimi-nwu enu na adi? Awɔ náƒuna-bu na ƒula kakpakɔ kakya-bu kudɔ mɛni, anwuɔsu teni-bu!

Yeremia 15:16

Uwi ɔni na átɛmiku-mi ni, ebiti áda-mi geen ka lɛbla lɛsiaku lɛni kani, ɔsika awɔ Unwoti Ɔyikune Ƒui ɔdi na ndi.

Yoel 3:8

Ndubuti bina bebi buye bute Yudaƒuɔ ku Yerusalemƒuɔ na beti-ma beye bete Sebaƒuɔ kadi bekyuli bani nkya ɔlɔgyu kakaaka mmɔ. Ami Unwoti násu.”

Malakai 1:4

“Esau bebi ku bawɔ badubɔkana na basu banini, ‘Ina ka bula Edom kalɔ káyii udu ni, bɔdubɔsɔku-ka bɔtu.’ “Nsu ami, Unwoti Ɔyikune Ƒui, líse kenye ka lɛla biala na bátu ni, ndubudi-ni lɛbwɛ liwi kalɔ na bekyuli ƒui banu ka lɛɛɛdubo kɔnyi bɔda buti taakya-ma bɔya na uwi ɔni kemmo na bamu benye bana ekpidi bɔbla lɛlɔ ɔsu.

Batalane Kabla 15:17

Mmɔ asa na bekyuli bani nébu ku ama bani naaadi Yudaƒuɔ ƒui bani na lɛ́lɔ aani mina badi badubɔwia-mi kama ulu. Lɛni na Unwoti ɔni mɔɔbla ala amɛni ƒui ɔ́su úse.

Batalane Kabla 15:18

Katɔti ɔgyi nwuna ablala ɔ́si kalɔ kesekɔ ƒui.’