Amos 9:11 - Katɔti Ɔku Kedee

¹¹ “Nwuna kama ni, ndubɔsɔ libo na mbasɔku Dawid lɛga kadikɔ lise na lɛklibi ala ani néebie mmɔ, na asɔ atɛ kaduɛ.

Amos 9:11 ပူးပေါင်းရင်းမြစ်များ

Hiob 1:10

Ɔɔɔdi awɔ nágyi ɔba ákya-nwu, na aagyumana nwuna bebi ku ala ani ƒui na ubo? Na ɔɔɔdi awɔ náya na kusɛ kusɛ ɔsiaku-nwu, na ala ani ƒui na ɔɔbla aatɛ teete-nwu, na bumomo kani na nwuna bebuo beemomo na báaƒɔ kalɔ lɛlɔ ƒui munuu?

Kɔgya 143:5

Lɛ́kali lɛ́nu uwi ɔni návi na líduo lɛlɔ kemmo lísie ɔgyu na lɛ́nu akɔla ala budie taatina ani na ƒula enu ábla.

Kɔgya 80:12

Na bi ɔsu na ɔban ɔni na ágyi ámana-ku ni, ábwɛ-nwu, na ukyuli ndi ukyuli ɔni mɔɔsia mɛni uudie kɔnu na ude egyiibi ammɔ.

Kɔgya 89:40

Na áƒɛ ɔban awodu ani náka ámana ɔ́ma ɔmmɔ ku nwuna kagyumanakɔ ƒui éwi kalɔ kpɛtɛ kpɛtɛ.

Yesaia 16:5

Ɔmmɔ kama ni, badubuse lɛga kadikɔ kadi bese, na kadanku bɔyɔ ute bekyuli ƒui. Na ukyuli ɔni mɔɔdi litemi lɛlɔ ulu lɛlɔ ndubo lɛga lɛmmɔ bɔdi. Na ɔ́si Dawid ɔtɔ kemmo. Na anwu mɔɔtɛ litemi na ulu geen ɔmmɔ lɛlɔ. Na ɔɔbabla taasia anu taabla lɛla biala siin.

Yesaia 5:5

“Bɛya na lɛsu-mii lɛla lɛni na ndubo mina adingyii kemo bɔbla. Ndububile ɔban ɔni na lɛ́gyi lɛ́kya-ka na kayii udu. Na ndubɔƒɛ awodu ammɔ ƒui liwi kalɔ na bataanya-ka teesusu.

Yesaia 58:12

Bɛdubɔsɔku bina atɔnku ani nábwɛ uwi gyɔlɔɔ aani akwa akwa mɛni bɔtu. Na ɔkɛnku ɔmmɔ ɔsu bekyuli badubɔlɔ-mii banii bekyuli bani mɔɔsɔku atɔnku ku lɛma linengudi awodu taatala na basɔku lɛblɔnu bedie.

Yesaia 63:11

Mmɔ ni, nwuna bekyuli bammɔ bákali bánu kuuku uwi ɔni na Mose ɔ́tɔnku nwuna bekyuli. Na béye lɛlɔ banii wɛ na ukyuli ɔni nétiku-ma ɔ́siaku ɛpu kemmo mmɔ ku bana lɛlɔ ɔnune aani baƒonu ɔdane buni mmɔ bávi? Na ukyuli ɔni náya na nwuna Kɔyu Kedee kuli-ma akɔ nɔɔ, wɛ na ɔ́vi?

Yesaia 65:9

Ndubo Yakob kaba kemmo bawɔ bɔƒuna ku Yuda lɛnɔ. Na ama na ndubɔya na beti mina abi ammɔ ƒui benwini bana ɔdi. Na mina bekyuli baƒunadi bamɛni na ndubɔya na beti bana kalɔ kammɔ na belie-ka lɛlɔ.

Yeremia 18:9

“Si líse kenye ka mabla kadi bekyuli badi na bakɛ ɔyikun

Yeremia 30:9

Na ɔmmɔ kama na binwini mina kabla bablane na lɛƒuna ɔga lite-mii lɛsiku Dawid ɔtɔ kemmo.

Yeremia 46:26

Na ndubo-ma bɔnyonu bɔ́kya Ɔga Nebukadnesar ku nwuna bekpone enu kemmo. Nsu muusé kenye lɛnɔ ka limeyi lɛdi ni, Egyipte ɔdubo bekyuli bɔsɔ bɔkɛ na belie mɛni aani kalɛ na bákya kuuku. Ami Unwoti násu.

Kɔnyana Buwulo 5:21

Sɔku-bu boku ƒula kudɔ! Na aya na lɛla biala lɛsɔ lise kalɔ ɔwɔdi.

Esekiel 17:24

Na lɛku kemmo kugyii biala kɔdubɔti ka ami Unwoti ndubɔkana na liboku egyii kangyaa ƒui kalɔ na lɛya na ani na átakuku alɛ lili. Na mɔɔyá na egyii ɔwɔdi eenwíni akwiidi Na mɔɔyá na ani na ákwii lɛnɔ eenwíni awɔdi. Ami Unwoti násu na ndubo mina litemi lɛlɔ bɔdi.”

Esekiel 36:11

Bɛdubɔwɔ bebi na bina bebuo lɛnɔ bawɔ. Na nsɔ lɛɛɛdubo-mii atu budie aani kalɛ na use ɔƒɛni. Mmomu bɛdubo bumomo geen na lɛda-mii kaduɛ litulo kudeedi ƒui na bɛnu bɛti ka ami ndi Unwoti.

Hosea 3:5

Nsu kama ƒui ni, Israel ɔdubɔsɔ unwini usie nwuna Unwoti Katɔti ku nwuna Ɔga Dawid kudɔ. Badubusie Unwoti kudɔ ku bɔyia ku ɔbu. Na emeyi ekplodi ammɔ kemmo ni, badubɔnu nwuna lɛƒɔndia.

Obadia 1:17

Na Unwoti bekyuli bani ndubɔlɛ ɔgbankpi ɔmmɔ kemmo badubulie Sion Kɔbi kedee lɛlɔ. Na Yakob kaba kemmo bebi bammɔ badubɔsɔ baƒɔ bana kalɔ kani na nka kadi bana ɔdi mmɔ basiku bekyuli bani néƒie-ka báƒɔ mmɔ kudɔ.

Mika 5:2

Unwoti ɔnini, “Awɔ Betlehem na Eƒrata kalɛkɛ kemmo, awɔ ndi ɔma blii suɛ ntulo na Yuda kalɔ lɛlɔ. Nsu uuuse lɛni, ɔsika ƒula kemmo na ɔtɔnkune ubendi ɔdubɔlɛ ɔsi na watɔnku mina kaduli bekyuli Israelƒuɔ wete-mi. Na ɔdubɔbla ukyuli ɔni na nwuna kaba kése kalɔ kási kukuuku na ala kalɔ kesekɔ ƒui.”

Mika 7:11

Uwi ɔdubo ɔni na Unwoti ɔdubɔya na basɔku amii Yuda lɛma awodu ƒui batu na ɔya na bina lɛmii lɛnɔ lisie kama na bina kalɔ kabɛbɛ kebu.

Mika 7:14

Unwoti, tɔnku ƒula kadi bekyuli bani nlie lɛti na lɛku kemmo, na ada ama bani na áƒuna éte lɛlɔ aani baƒonu ɔdane kalɛ asiaku kalɔ kabuni kemmo kesii kani na badubɔkɛ livo lɛbuni na Basan ku Gilead kalɔ kemmo aani kalɛ na úse kuuku.

Mika 7:8

Mina bekisine, bitakun tɔ lɛmɛnɛ na mina lɛlɔ. Use ka líbuli bɔdi, nsu nsɔ ndubo bɔta. Ina ka ɔƒɛ ɔ́sa ɔ́kya-mi ni, Unwoti ndi mina bukeye.

Sakaria 12:7

“Nsu ni, ndubɔya na Yuda ɔ́ka lɛlɔ bɔdi kalɛ na bekyuli balanu Ɔga Dawid lɛga kadikɔ ku Yerusalem ku nwuna bukeye ƒui beletulo Yuda.

Sakaria 14:10

Na ɔ́si ɔma ɔni baalɔ Geba ɔ́yu útédu Rimon na Yerusalem kada kakɛ ni, kalɔ kammɔ ƒui kadubo bunwini kalɔ kani na katɛ kalɔ ƒiaa. Nsu Yerusalem anwu ɔmu ɔdubɔkuku utulo kesii biala. Na bekyuli badubɔƒɔ ɔma ɔmmɔ kemmo tɛtɛɛtɛ ɔ́si kesii kani baalɔ Benyamin Ɔban Kayakun útédu kesii kani na ɔban kayakun kedeedi kákya útédu Okodo Ɔban kenye. Na ɔ́sɔ ɔ́si kagyumanakɔ ɔtɔ ɔni baalɔ Hananel útédu ɔga ntɛ kebulokɔ.

Sakaria 6:12

Na asu-nwu ka ami Unwoti Ɔyikune Ƒui násu nnii, ‘Ukyuli ɔdi ɔdubɔkɔ ɔlɛ mɛni aani kugyii kagba kalɛ na ɔtu mina kakpakɔ ute-mi. Na ndubɔlɔ-nwu nnii Kugyii Kagba na anwu ndubo bekyuli lɛlɔ bɔdi aani ɔga ɔni mbo ɔbu kalɛ. Na ɔkpane ɔdi ɔdubunye-nwu kɔmadɔ na nwuna lɛgaboku kudɔ. Na bana inyɔ badubɔbla kabla basala ku ebiti ku keyi buɛɛ.’

Bumomo Bɔka 24:18

Na ɔdubɔdi nwuna bekisine bani nkya Edom lɛlɔ. Na ɔdubɔdi Seirƒuɔ bani muukpóku-nwu lɛlɔ. Nsu Israelƒuɔ ama ni, bana ɔyikun katɔ kani ɔdubɔkɔ.