Amos 9:1 - Katɔti Ɔku Kedee

¹ Lɛ́nu ka Unwoti unye lɛkpabi lɛmmɔ kudɔ na ɔ́su ɔnini, “Kunku akpa enengudi ammɔ momoomo útédu ka ɔtɔ ɔmmɔ ɔ́kunku útálɛ kowodu kalɔ ƒui. Na lɛsa limodi lɛmmɔ ligyingya na lɛta lɛmmɔ lɛƒɛ libayu bekyuli bammɔ lɛlɔ. Na si badi bébu ni, ndubo-ma bɔdu ku kuwii. Na ina ukyuli unwi muedi ulébu na ɔdi lɛnɔ ulakana bukeli.

Amos 9:1 ပူးပေါင်းရင်းမြစ်များ

Ala Alɛdi 2 18:18

Amu na Mikaia úsie anumi ku nwuna kenye budie ɔnini, “Ɔmmɔ ɔsu binu Unwoti litemi. Lɛ́nu ka Unwoti úli nwuna liboku lɛlɔ na katɔ batu ƒui bénye-nwu kɔmii ku kɔdianu.

Kɔgya 68:21

Katɔti ɔdubɔbwɛ nwuna bekisine bani nnye likpidi bɔbla lɛlɔ uwi ƒui eli.

Kɔgya 68:22

Unwoti ɔ́su ɔnini, “Ndubunwini ku bina bekisine liboku-mii lɛsiku Basan kalɔ lɛlɔ ku ɛpu kalɔ kemmo kesii kani na bábɛ bakya.

Yesaia 30:16

Nsu bíni na bɛ́su bɛnini, ‘Oowo! Bɔdubo bukeli ku bula bapɔnkɔ na bɔtɔlɔ bula bekisine kudɔ.’ Na bɛdubo bukeli sɔsɔ! Nsu bina bekisine bammɔ mmomu ndubo bukeli butulo-mii.

Yesaia 6:1

Lɛkwa lɛni kemmo na Ɔga Usia úkpi na lɛ́nu Unwoti. Na uli lɛgaboku kangyaa lɛdi lɛlɔ. Na nwuna awu gyɔlɔɔ bonwu ɔni na ɔkya atu áƒɔ Katɔti kakpakɔ mmɔ ƒui.

Yeremia 11:11

Ndubo bɔya na Yuda ku Yerusalem kadi bekyuli bebo abi geen ɔni na ɔdi ulakana na wekeli lɛbibo lɛmmɔ. Lɛla lɛni na lɛ́lɛ ugyii ɔƒɛni na lɛdi mmɔ. Na badubuvele-mi banii mbunku-ma, nsu lɛɛɛdubo bunu bute-ma.

Yeremia 42:16

Kekpo ku kɔka ku lɛlɛ na bɛɛyia na Yuda kalɔ lɛlɔ mɛni, nsu ala amɛni adubo-mii bɔsiaku buteesie Egyipte mmɔ na abadu-mii. Na ɔgbankpi ɔni na ndubɔya na ubo-mii lɛlɔ na mmɔ ni, ɔdi biala ɔɔɔdubo-nwu kemmo bɔlɛ.

Yeremia 48:44

“Si liƒu lɛ́da-mii na bɛnii biikeli, bɛdubɔnu biduo ubu. Na si bɛ́kpɛ buɛɛ buɛɛ bɛnii bɛɛlɛ́ ubu ɔmmɔ kemmo lɛnɔ ni, kɔkpagyuɛ kɔdubo-mii budie. Uwi ɔmmɔ nédu ka bani-mii kɔtu.

Esekiel 1:28

na uudie kunweni lidu lidu aani kalɛ na kɔdigye kɔɔlɛ́ na ɔƒɛƒɛɛ ɔdi bukpo kama. Na lɛ́nu lɛ́ti ka Unwoti bukeye ɔsu na mɔɔnu mmɔ nwaa ƒui lɛni! Ɔmmɔ ɔsu líboku lɛlɔ kalɔ buɛɛ lɛ́yu líbi anumi kalɔ. Na kɔnakunwi ni, línu ka lɛdi lɛdi lɛɛtɛmiku-mi.

Esekiel 10:4

Na Unwoti bukeye bɔni mɔɔtu anumi mmɔ bɔ́ta bebweyi bammɔ lɛlɔ na bútédi búnye kakpakɔ kammɔ kayakun. Na kakpakɔ kammɔ ƒui keekeye na bukeye bɔni mɔɔtu anumi mmɔ bɔ́ƒɔ kaduli kammɔ kemmo ƒui.

Esekiel 15:7

lɛni na ndubo ogya buti bɔkyula Yerusalem bekyuli. Na si uwi ɔni na ala amɛni álɛ ni, awɔ Esekiel adubɔnu ati ka ami ndi Unwoti.

Esekiel 9:2

Amu na lɛ́nu banana ɛku badi ka bási kayakun katɔdi kammɔ bálɛ na bada ekpola ekpidi. Na ukyuli maatɛdi ɔdi ɔsiaku-ma na ɔkya awu ƒuala ƒuala gyɔlɔɔ na ɔda ala ani na ɔkana na uti unweni ala. Na bekyuli bammɔ béduo bésie kakpakɔ kemmo na béténye lɛbuala ligyiedi lɛbi lɛmmɔ kudɔ.

Amos 3:14

“Na limeyi lɛni lɛlɔ na ndubo Israelƒuɔ kɔtu bɔni na bana ekpidi ɔsu ni, ndubo Betel akpabi ammɔ ƒui bɔbwɛ na lɛƒɛ ese ani na bálɛ akpabi ammɔ lɛlɔ ƒui lɛva kalɔ na ɔtumu akɔ.

Amos 7:17

“Unwoti ɔnini, ‘Ƒ'ulekudi ɔdubo ɔsɔnɔdine ɔyalɛ ubendi bunwini na ɔma unengudi ɔmɛni kemmo. Na ƒula bebi bananabi ku belekubi ƒui kuwii kenye na badubo bɔtɛ. Bekyuli badubo kalɔ kani ndi awɔ ɔlati kadi mɛni bɔkɔku na bele-ka bete lɛlɔ. Na kaƒɔ, na kadi bamba kalɔ lɛlɔ na adubo bukpi. Na kekpo kadubo Israelƒuɔ bukpo na beƒie-ma batɔlɔku bana lɛma ƒui.’ ”

Amos 7:9

Na ndubɔbwɛ Isak kaba kemmo bebi baƒiɔ kɔkpakɔ kɔmmɔ ƒui na lɛbwɛ Israelƒuɔ kɔkpakɔ kedee kɔmmɔ ƒui. Na lɛbwɛ Ɔga Yeroboam lɛga kadikɔ kammɔ.”

Habakuk 3:13

kalɛ na etékpo aƒɔ ƒula ɔga ɔƒunadi ɔmmɔ. Na kalɔ kani bekyuli mbo kalala mmɔ ni, ádu bana ɔtɔnkune na égyiile-nwu lɛlɔ ala éwi ɔ́si lili úbedu lɛgba.

Seƒania 1:12

Ndubo asogya buti na lɛwia Yerusalem ƒui lɛvi na lɛni bekyuli kɔtu, bani nli ƒaa na balábla kasusu kadi taasiku ɔmɛni lɛlɔ na baakali mmomu banini, ‘Unwoti ɔɔɔdubo lɛla lɛdi bɔbla na lɛdi likpidi iye lɛbuni.’

Seƒania 2:14

Na baƒonu ku alakpi akɔ bebuo pii badubɔƒɔ kalɔ kani nébie mmɔ belie. Na bekuku lidu lidu bebelie atabi ammɔ lɛlɔ, na bana bɔyoli butaabla kɔku taasia kama. Na atɔnku kɔyakun kɔdubo kalɔ, na ligyii lɛsɔ lilasia-ni lɛlɔ.

Yohane 1:18

Ukyuli ɔdi útanu Katɔti nwaa dii. Nsu Katɔti ubidi unwi pɛ ɔni mma-nwu lɛlɔ ni, anwu nédie-nwu nwaa ɔ́tina bekyuli.

Yohane 1:32

Amu na Yohane ɔ́sɔ údie kenye ɔnini, “Lɛ́nu ka Katɔti Kɔyu kɔ́yu kɔ́si katɔ aani kalɛ na abloduma ɔɔyu, na kúbelie-nwu lɛlɔ.

Batalane Kabla 26:13

Bula Ɔbune, ɔni na nkɛ ulu ɔƒiiwi lísela ni, lɛ́nu ka bukeye bɔni muukeye teetulo ɔƒɛ búkeye bɔ́si katɔ bɔ́mana ami ku bani nkɛ.

Yosua 10:18

Na Yosua ɔ́su bekyuli bammɔ ɔnini, “Bisie na bitéminime atakpɛ ebendi adi na biti-nya bitile ubu ɔmmɔ kenye. Na bɛya na bagyumanane badi basɔ benye ubu ɔmmɔ kenye mmɔ.

Budie Taatina 1:17

Ka lɛ́nu-nwu ni, líbuli ńtáyu kalɔ aani ukpine na nwuna anumi. Nsu ukyuli ɔmɛni úti nwuna kɔdianu ɔ́sia-mi lɛlɔ na ɔ́su-mi ɔnini, “Sɔ tayia! Ami ndi Udeedi ku Ukplodi.

Budie Taatina 8:3

Na Katɔti ɔtu ɔbambadi ɔ́da ɔ́lɛ ɔni nda sika ugyiedi libwi lɛni kemmo na baakyula oloƒui, na úbenye lɛkpabi lɛmmɔ kudɔ. Béte-nwu oloƒui pii kalɛ na ɔkyula-nwu na sika ugyiedi lɛkpabi lɛni nnye lɛgaboku lɛmmɔ anumi lɛlɔ. Na oloƒui ɔmmɔ ku Katɔti bekyuli ƒui katɔ bɔkpali bɔbla akpala enwi.