Amos 8:6 - Katɔti Ɔku Kedee

⁶ Na bɔsala antabi ammɔ ku ebiedi ƒui bɔkya buye. Na bani mɔɔyaki ala ku bawabane bani neeebo egulabi na baƒɔ bana kɔyu kɔni na bada ni, bɔdubɔƒɔ-ma buye na lɛgbanvuo kayu kenye na benwini-bu kabla bablane.’ ”

Amos 8:6 ပူးပေါင်းရင်းမြစ်များ

Nehemia 5:8

Na lɛ́su-ma nnini, “Ama bani na béye-ma béte bekyuli bani naaadi Yudaƒuɔ ni, bɔ́bla kalɛ na bɔkana, na bɔ́ƒɔ-ma bɔ́siku bekyuli bammɔ kudɔ. Nsu amii binye bina banwani lɛlɔ kalɛ na beti lɛlɔ beye bete-mii, na amii lɛnɔ bɛsɔku-ma biye bite-bu.” Na benengu bammɔ bába lɛsɛ, ka beeebo kulɛla na basu ɔsu.

Esekiel 22:12

Bina badi bɛɛƒɔ́ egulabi ka bɛdu ukyuli. Na biivó egulabi teete bina Israelƒuɔ banwani taaƒɔ́ kuvonsia bonwu na bɛɛsia ɔmmɔ lɛlɔ taawia lɛkɛ teese lɛlɔ. Na ɔni nébie utulo ƒui ndi ka bɛ́yiƒala ami Unwoti Katɔti.

Yoel 3:3

na bátu akunkpa bánu bana ɔni meti mina bekyuli menwini anwu badi. Na béti bananabi bávumanaku bayalɛ na béti belekubi béye báƒɔ ntɛ báni.

Yoel 3:6

Na bíƒie Yudaƒuɔ ku Yerusalemƒuɔ bíye bíte kadi bamba bekyuli bani naaadi Yudaƒuɔ na bɛ́bɔku-ma bɛ́tɔlɔku bana lɛma kakaaka ƒui.

Amos 2:6

Unwoti ɔnini, “Ndubo Israelƒuɔ kɔtu bɔni na bana ekpidi pii ani ɔsu na lɛɛɛdubo mina kasusu bɔvumana. Béti mina bekyuli babuni bani mɔɔdi mina litemi lɛlɔ béye báƒɔ egulabi. Na béye bani mɔɔyaki ala na lɛgbanvuo kuye kenye.

Amos 3:9

Bɛkɔ litemi lɛmɛni lɛsa bite batɔnkune bani na beli kɔgyumanakɔ kɔni na bátu na Asiria ku Egyipte kɔlɔ lɛlɔ bɛnii, “Bɛsala lɛlɔ na Samaria abi eli na bɛnu ɔda bubo lɛlɔ tadi ku ekpidi lidu bamba lɛni udu na bekyuli baabla na mmɔ.”

Amos 4:1

“Amii Samariaƒuɔ beleku bise atu na binu! Bise aani Basan ɔmantɛ bakɔ bani nélie lɛmwi, ɔsika bana balati bánu-ma lɛlɔ kaduɛ. Biláda bawabane edu munu munu. Na bani mɔɔyaki ala ni, bísusu-ma geen kalɛ na bakpa bayii bakya. Na bɛɛwia ka bina bagya beteete-mii ntɛ na bitaani uwi biala.

Amos 8:4

Ɔ́sɔ ɔ́su lɛnɔ ɔnini, “Amii bani mɔɔkɔ́ taanya bekyuli bani mɔɔyaki ala lili na bɛɛyila bawabane udu na kalɔ kammɔ kemmo ni, binu.

Sakaria 5:6

Amu na lɛ́su-nwu nnii lɛɛɛgyi lɛla lɛni na lɛdi. Mmɔ na ɔ́su-mi ɔnini, “Kagyigyɛ bonwu kadi na kadi, na kayawi kamɛni bekyuli ƒui ekpidi ani na baabla nkya-ka kemmo.”