Amos 8:5 - Katɔti Ɔku Kedee

⁵ Biiye bɛnii, ‘Bi ɔsu na emeyi alasa bɔdi na buse kalɔ buteeye bula antabi, na lɛnwunameyi lɛnɔ lilavi pla na ɔdia na butaadi bula kakpa kuye? Ɔƒɛni na bɔɔwia ka butaadi kuye kɔmmɔ na bɔsia ala kuye kalɛ na ala ammɔ aƒɔ-bu kuye. Na bɔƒana akɔkula ammɔ lɛnɔ kalɛ na bɔnya-ma bɔkya na bɔkɛ kɔsia kaduɛ.

Amos 8:5 ပူးပေါင်းရင်းမြစ်များ

Baga 2 4:23

Amu na ɔgyani úye-nwu ɔnini, “Bi ɔsu na ɔmwi ɔmɛni na aayɔ́ ka esie-nwu kudɔ ka ɔmwi ɔɔɔdi kɔbuli kɔwɔdi iye Lɛnwunameyi.” Amu na uleku ɔmmɔ údie kenye ɔnini, “Awɔ ya na nteesie lɛni.”

Israelƒuɔ Bɔlɛ 31:13

“Su Israelƒuɔ anii, ‘Bɛdi lɛnwunameyi lɛni ndi mina limeyi lɛlɔ. Ɔsika limeyi lɛmmɔ lɛdi likposela lite ami Unwoti ku amii Israelƒuɔ ɔ́si ɔƒɛni úsela uwi ƒui. Na ɔmɛni ndubɔtina ka ami Unwoti náƒuna-mii lɛ́bla mina bekyuli.

Agba 11:1

Unwoti ukisi uyedine mɔɔnya ukyuli akya. Nsu lɛlɔ lɛɛyɔ́-nwu si ɔɔkɔ́ku ala teete-ma.

Agba 16:11

Unwoti ɔɔwia ka bɔbla lɛla biala siin na liyedi kemmo, na ɔ́tina ulu ɔni lɛlɔ na ɔlɛka bɔsia lɛnɔ úse.

Agba 20:23

Ukyuli ɔni na ulakɔku lɛla liyedi ulu lɛlɔ ni, Unwoti ulayɔ-nwu litemi. Na lɛkɔkula lɛni beeti taanya ukyuli taakya ni, liiƒí Unwoti livo.

Yesaia 1:13

Bɛsɔ biteboku-mi akpala ani neeebo kɔsia kɔdi! Bina oloƒui ɔni bɛɛkyula ƒui uusé-mi. Na bina emeyi buni ani bɛɛdi ƒui átamanku-mi. Kɔbuli kɔwɔdi bɔlɛ ku lɛnwunameyi ku emeyi aƒunadi ani na biilie kɔka ku bina emeyi buni ani bɛɛsála lɛlɔ taadi ƒui adi likpidi ku ɔkɔ ala sɔɔn. Nsɔ naaawia-mii naaablaku lɛla lɛdi.

Yesaia 58:13

“Nsu ɔlɛka bɛka mina Lɛnwunameyi bɔbu aani lɛlɔyɔ lɛkpa limeyi na bɛda enyekpi bɔtɛmi kalɛ kalɛ bɛya ku ala basa basa bɔbla bɛya na limeyi linengudi lɛmɛni lɛlɔ.

Hosea 12:7

Israel, lɛlɔ lítaayɔ-ɔ uwi ɔni na átaanya bekyuli taakya, na átaasia bekyuli lɛlɔ taakɛ kɔsia na bina liyedi kemmo.

Hosea 12:8

Na biiti ɔmmɔ taakun lɛmɛnɛ taasu bɛnii, “Ɔlakɛne na ndi, na ami ɔlati néti mina enu lɛ́bla kabla na lɛ́kɛ egulabi ammɔ, na ńtabla ukyuli ɔdi lɛla lɛdi!”

Lewiƒuɔ Ɔda Bubo 19:36

“ ‘Biti akyami akɔkula ku unu akɔkula ani námanku bitaakɔku ala. Ami ndi Unwoti bina Katɔti ɔni nákpanku-mii ɔ́lɛku Egyipte kalɔ lɛlɔ.

Sakaria 5:6

Amu na lɛ́su-nwu nnii lɛɛɛgyi lɛla lɛni na lɛdi. Mmɔ na ɔ́su-mi ɔnini, “Kagyigyɛ bonwu kadi na kadi, na kayawi kamɛni bekyuli ƒui ekpidi ani na baabla nkya-ka kemmo.”

Sakaria 5:8

Amu na ɔtu ɔmmɔ ɔ́su-mi ɔnini, “Uleku ɔmɛni unye ute likpidi lɛni nkya kayawi.” Ɔmmɔ kama ni, ɔ́sɔ údi uleku ɔmmɔ útákya kagyigyɛ kammɔ kemmo, na ɔ́sɔku abuala libila lɛmmɔ úbi kagyigyɛ kammɔ kenye kpakplaa.

Malakai 1:13

Bina ala bɔbla bɔɔtina ka bɛ́ɛnɔnku ala ammɔ bɔbla na biidie enu taakywɛ-nya ku lɛlɔ bɔtina. “Na si bíti bebuo bani na básɔ bíboku bɛnii bibakpa bite-mi ni, bɔƒɔ na ɔlɛka lɛƒɔ-ma?

Bumomo Bɔka 10:10

Na bina lɛlɔyɔ emeyi ku emeyi ani na bɛ́lɛ ugyii bíse aani kɔbuli kɔwɔdi bɔlɛ ku abamba ni, bɛvwi kɔkpɛɛ kɔmmɔ na bɔkyula akpala ku unwi bɔbla akpala ammɔ lili na adubunwini bina lɛlɔ enyimo ete Unwoti na bina lili. Ami ndi bina Unwoti Katɔti.”

Koloseƒuɔ 2:16

Anwuɔsu bitaya na ukyuli ɔdi ubo-mii ɔda ɔdi na bina bɔdi ku bɔni lɛlɔ, iye emeyi kedee lɛlɔ, iye abuli awɔdi limeyi bɔdi, iye lɛnwunameyi bɔdi lɛlɔ.

Samuel 1 20:5

Anwuɔsu Dawid ɔ́su Yonatan ɔnini, “Nu! Kɔnaadi ni, anwu na beesé kalɔ ku kɔbuli kɔwɔdi limeyi bɔdi. Na ɔdi ka ami ku ɔga bɔdi bɔsala. Nsu ya na lisie na ntábɛla lɛlɔ lɛkya lɛku kemmo kesii kadi utédu limeyi lɛtɛdi useyi uwi.