Amos 8:3 - Katɔti Ɔku Kedee

³ Na ɔ́sɔ ɔ́su-mi ɔnini, “Na limeyi lɛmmɔ lɛlɔ ni, lɛnu lɛni na beedie na kakpakɔ mmɔ ƒui lɛdubo bunwini keku ku kɔnyana buwulo sɔɔn na bekpine badubɔƒɔ kesi kesii. Anwuɔsu awɔ bile kenye na asɔ elie kpoo ataanu!”

Amos 8:3 ပူးပေါင်းရင်းမြစ်များ

Kɔgya 39:9

Lɛ́bla kpoo na neeebimi kenye, ɔsika awɔ náya na úbo úte lɛni.

Yesaia 37:36

Na usien ɔmmɔ ni, Unwoti ɔtu ɔdi ɔda úduo Asiriaƒuɔ bekpone kakyakɔ na ɔ́du bekpone mpim eti atɛ ku avlaatɛ-ɛlɔ (185,000). Na ka kadi kegye ni, békpi batɛ mmɔ.

Yeremia 22:18

“Yehoiakim, ukyuli biala ɔɔɔdubo buwulo na ƒula kukpi kalɔ. Na baaadubo bunwini na beye lɛlɔ muedi banini, ‘Bi ɔsu na ɔga ɔbune ɔmɛni úkpi?’

Kɔnyana Buwulo 2:10

Sion batɔnkune ƒui bába lɛsɛ kpoo, na beli kalɔ kplu beebó ɔtumu teewi lɛlɔ, na benyimi adikpi. Na nwuna begblebi basɔ beeebo lɛla lɛdi, na babla utulo ka benye bataanu kalɔ kpoo.

Yoel 1:11

Biteewulo kɔnyana momoomo amii bemonsene ku adingyii lɛlɔ banune ƒui. Anta ku kakpa ƒui káyii udu na mmo ƒui lɛlɔ ɔni na edula adi asɔ eeenye na baƒɛ.

Yoel 1:13

Biti adikpi bɛda bɛtina ka biiwulo kɔnyana na biteewulo, amii bakpane bani ndi Unwoti kenye benyene na bɛɛbla-nwu kabla na lɛkpabi lɛlɔ. Bɛtɛ adikpi ammɔ kemmo usien umodi amii bani muunye-nwu anumi taabla-nwu kabla, ɔsika etela lidu ku ntɛ etela ammɔ ƒui kenye kékulo na Unwoti kaduli.

Yoel 1:5

Bɛta na biteewulo amii ntɛ bekpine bani mɔɔyɔ́ ntɛ mini mini ku bani na mɔɔyɔ́ ntɛ kpakplaa ƒui, ɔsika békpeli lɛla biala báƒɔ-mii kenye.

Lewiƒuɔ Ɔda Bubo 10:3

Mmɔ na Mose ɔ́su Aaron ɔnini, “Lɛla lɛmɛni na Unwoti ɔ́su uwi ɔni na ɔ́su ɔnini, ‘Bekyuli bani muubo-mi kudɔ ƒui ɔlɛka babla-mi lɛla biala kedee aani kalɛ kani na nse kedee. Na kadi bekyuli ƒui beti ɔbu bete-mi.’ ” Na bunye kani na Aaron unye kpoo uunú na útebimi kenye.

Amos 4:10

“Lɛ́ya na ɔgbankpi ala enengudi álɛku-mii aani kalɛ na lɛ́ya na álɛku Egyipteƒuɔ, na bina bakloƒu lɛnɔ békpi na kekpokɔ. Lɛ́ya na béyu bina bapɔnkɔ, na bina bekyuli pii békpi na beenwenyi na bina kuliekɔ. Nsu ɔmɛni ƒui bítenwini. Ami Unwoti násu!

Amos 5:16

Ɔsika Unwoti úuse kenye ɔnini, “Keku buwulo bɔdubɔƒɔ lɛblɔnu lɛmmɔ lɛlɔ ƒui na kɔnyana ku ɔlɛ bunu geen bɔdubɔkya kesi kesii. Na bemonsene bani kabla naaaƒɔ anu muedi badubɔlɔ-ma na bebebunku bani na báƒɔ lɛkwanu budie enu na bebewulo bekpine bammɔ bava.

Amos 5:23

Nsɔ lɛɛɛdubo-mii atu bɔkywɛɛ si uwi ɔni na bɛɛgyá bina lɛbentaa.

Amos 6:4

Amii balakɛne, biwi bina atɛla mɔmɔɔmɔ ani na béti ɔtunkpɛ bánwi nina ligyii lɛlɔ ku eboku bonwu bonwu kemmo, na baadú baƒonu ku ɔmantɛ bakɔ bebi bakɔdi bani nélie lɛmwi teeboku-mii na bɛɛdi taaní!

Amos 6:5

Na bɛ́nwi kɔdɔlɔ lɛnu na bɛɛgyá teedie teete lɛlɔ na bina lɛbentaa lɛlɔ. Na bɛɛvumana lɛnu lɛmmɔ adi aani kalɛ na Ɔga Dawid útaabla.

Amos 6:8

Unwoti Katɔti Ɔyikune Ƒui ɔ́kpali anwu ɔlati lɛnyi úse kenye ɔnini, “Amii Yakob kaba kemmo bebi, bɛɛkya-mi kɔnyi geen na bina lɛlɔ katɔ bɔkɔliku ɔsu, na muukisi bina ɔma agbanya ani na bɛ́tu bínyene mmɔ ƒui. Anwuɔsu ndubo-mii atu budie na lɛnyonu-mii ku bina ɔma lɛkya bina bekisine enu kemmo ku bina akɛla ƒui.”

Amos 8:10

Na bina emeyi buni ani na bɛɛdi ƒui ndubɔya na enwini keku ku kɔnyana buwulo sɔɔn. Na bina adala adubunwini adikpi ekuku na bikpeyi eli bɛkɛ bitaavi. Na ɔdubɔbla aani si ubi unwi pɛ ɔni na ukyuli ɔdi ubo náyii-nwu na uuwulo. Na limeyi limodi lɛmmɔ lɛdubɔbla ɔdu kati kati sɔɔn limeyi.”

Nahum 3:3

Na bekpone bani nli bapɔnkɔ lɛlɔ beeƒwimi bana kuwii na baatu bana atula. Na bekpone bani nkɛ lɛgba baanya bekpine bani nwi esu esu taagbanta.

Seƒania 1:7

“Ami ndi Unwoti Katɔti, anwuɔsu bibile bina inye kpoo! Ɔsika uwi ɔmmɔ úude. Na ndaku lɛlɔ bɔklibi ka liti mina bekyuli aani lɛkpa na lɛlɔ mina bekyuli ƒui bani lɛ́klibi líse.