Amos 8:2 - Katɔti Ɔku Kedee

² Amu na úye-mi ɔnini, “Amos, bi na aanu?” Mmɔ na lídie kenye nnini, “Mɔɔnu kagyigyɛ ku egyiibi egyiedi ani nánu mmɔ.” Amu na ɔ́su-mi ɔnini, “Mina kadi bekyuli Israelƒuɔ bani nánu bási kugyii lɛlɔ kawɔlɔkɔ na kadi mmɔ. Nsɔ lɛɛɛdubo lɛla lɛdi buti bɔkyiɛ-ma.”

Amos 8:2 ပူးပေါင်းရင်းမြစ်များ

Ala Kalɔ Buse 6:13

ɔsu ni, ɔ́su Noa ɔnini, “Ndubo bekyuli ƒui udu bɔyila. Ɔsika ɔda bubo lɛlɔ tadi kani náƒɔ kayawi na bekyuli bammɔ ɔsu. Ɔmɛni ɔsu ndubo bekyuli bammɔ ku kalɔ kammɔ ƒui udu bɔyila, na nsɔ naaavumana mina kasusu.

Yesaia 28:4

Na nwuna bɔdia bɔni muukeye nsu uuubo bɔyɛyɛ na ɔkwalɛ ɔni nélie lɛmwi mmɔ ni, útavumana ku kɔnwingyie ebi ani mɔɔka bugyie. Na si ukyuli ɔdi ɔ́nu-nya na ɔɔkpɔɔlɔ-nya ɔdi udie kɔnakunwi.

Yeremia 40:10

Ami ndubulie mɛni na ntaaƒɔ Babilonƒuɔ benengu bani ndubo mɛni buteebo. Nsu amii ni, bɛsɔ binwini bisie bina lɛma kemmo na bitaƒɛ edula biboku na bɛbla ntɛ na bidie nnɔ bɔdi lɛnɔ biboku na buse lɛlɛ kama.”

Yeremia 5:31

Kenye bediene baakɔ́ bana etemila lɛsa na baƒiɔ lɛnyi kemmo. Na mina bakpane baláwia ka babla-mi kabla. Na amii mina kadi bekyuli lɛnɔ bɛɛyɔ́-nwu lɛni! Na ɔgbankpi limeyi ni, ɔma na bɛdubo bukeli bɔtamiku bɛnii ubunku-mii?”

Kɔnyana Buwulo 4:18

Bekisine báka-bu bákya na lɛblɔnu linengudi ƒui lɛlɔ, na bɔsɔ buuubo kasiakɔ. Bula uwi údu ka bɔyii udu.

Esekiel 12:23

Na ɔƒaani ni, ya na kadi bekyuli bammɔ bati ka ni, ami Unwoti ndubo-ma ɔkɔ bɔsia ka lɛsugba lɛmmɔ lɛɛɛdi litemi geen na ɔsɔ ɔɔɔdubo bunwini lɛla lɛni na bataasu na Israel. Ɔsika uwi klukwii kemmo ni, mina etemila ani ƒui na lɛ́su adubo ete lɛni!

Esekiel 29:8

Anwuɔsu ami Unwoti Katɔti ndubo bekpone buti bumene na bebekpo awɔ Egyipte ɔga. Na badubo ƒula bekyuli ku bebuo bɔdu

Esekiel 3:10

“Se atu na enu lɛla biala na ndubo-ɔ bɔsu kaduɛ na abla kasusu asiku-nya lɛlɔ.

Esekiel 3:7

Nsu Israel kadi bekyuli badubo buni na belénu litemi, ɔsika béni na bétenu-mi litemi. Bana ƒui bebo atuɔkplu na kayi kétitili-ma,

Esekiel 7:6

Na si úbeduo lɛnɔ ni, bina ngba amu bɔ́sa.

Esekiel 8:12

Amu na Katɔti ɔ́su-mi ɔnini, “Esekiel, aanu kɔbɔ alaekpidi ani udu na Israel kadi batɔnkune bɔmmɔ benye baabla taabɛ? Bávɔ baƒiɔ béyile bana lɛtɔ kemmo bálɛ na baasu banii lɛɛɛdubo-ma bɔnu, ɔsika baakali banii líidie Israel atu kukuuku.

Esekiel 8:17

Mmɔ na Katɔti ɔ́su-mi ɔnini, “Ɔdi likpidi geen ka Yuda kadi bekyuli benye baabla ala ani muuƒí livo mɛni udu. Na ɔɔɔdi amɛni lɛti mmomu etemila tatɛ ulu lɛlɔ ku kalala káaƒɔ Israel kalɔ kemodi kammɔ lɛlɔ ƒui kesi kesii na bákya-mi kɔnyi geen. Na ulu ukpidi ƒui ɔni lɛlɔ na badubɔsia na bakya-mi kɔƒa na bedumi-mi na ɔdi mɛni.

Esekiel 8:6

Amu na Unwoti ɔ́su-mi ɔnini, “Ánu kɔbɔ ala ani muusé lɛlɔ ani na Israelƒuɔ baabla? Bana alaekpidi amɛni aayá na mina kakpakɔ keesé lɛlɔ na mmɔ kasɔ kaaadia keeete ka bakpa-mi. Na adubo ala ani nébie étulo amɛni muedi bɔnu.”

Hosea 9:7

Israelƒuɔ, bina kɔtu bɔni uwi údu ka bɛƒɔ ala ani ƒui na bɛ́bla kayu na amii alati bɛdubɔnu bɔti. Amii mɔɔsu bɛnii, “Katɔti kenye bediene bádɔlɔ na nwuna batu beekpi libuo.” Na bina ekpidi pii ani na bɛɛbla áya na bíti-mi bukisi geen.

Amos 7:8

Ɔ́kpali-mi úye ɔnini, “Amos, bi na aanu?” Amu na lídie kenye nnini, “Kabuli kani mɔɔtina kowodu bunye.” Mmɔ na ɔ́su-mi ɔnini, “Kabuli kamɛni na líti mɔɔkɔ́ku mina kadi bekyuli Israelƒuɔ taatina ka baaakɛ ligeen, mmomu bese aani kowodu kɔni nábu na nsɔ lɛɛɛdubo-ma buti bɔkyiɛ.

Amos 8:1

Unwoti údie lɛla bamba ɔ́tina-mi na kɔyu kemmo na lɛ́nu egyiibi egyiedi ani nánu ási kugyii lɛlɔ na ewi kagyigyɛ kemmo.

Mika 7:1

Litemi lɛmɛni bunu ɔ́ya na lɛ́bla ƒaaƒaa aani ukyuli ɔni na kɔka kútulo-nwu na ɔɔwia egyiibi ani na ɔdi, nsu béde-nya bédie egyii ammɔ ƒui lɛlɔ kede kede, na ina unwi ɔsɔ ɔɔɔsia, na egyii ammɔ ese ukpludi ku ani na muuyile bɔnwu mmɔ muedi.

Sakaria 5:2

Na ɔtu ɔmmɔ úye-mi ɔnini, “Bi na aanu mmɔ?” Amu na lídie kenye nnini, “Mɔɔnu ka ebuo ɔku kakunkɛ kani bune mabla aani lɛgba avlaatɛ na kana bɔbɛbɛ bɔbla aani lɛgba leevu-ɛlɔ kéveyi kaaví.”