Amos 8:11 - Katɔti Ɔku Kedee

¹¹ Unwoti ɔnini, “Emeyi adubo ani na kɔka kpakplaa geen kɔdubo na kalɔ kammɔ lɛlɔ ƒui. Nsu ɔɔɔdi adila iye ntu kɔka. Mmomu mina litemi bunu kɔka, ɔsika bɛdubɔwia kpakplaa ka binu kenye kadi bɛsiku-mi kudɔ, nsu bilénu lɛla lɛdi.

Amos 8:11 ပူးပေါင်းရင်းမြစ်များ

Ala Alɛdi 2 15:3

“Ɔsika uwi gyɔlɔɔ ɔdi mɛni ni, Israelƒuɔ béni na basɔ balakpa Katɔti geen ɔmmɔ na iye benu bakpane bani na nka badubɔkana na batina-ma ala basiku Katɔti ɔmmɔ lɛlɔ. Na béni na baladi Unwoti ɔda bubo lɛlɔ.

Kɔgya 74:9

Na bɔsɔ bulánu akɔla ala budie taatina adi, na ƒula kenye bediene badi lɛnɔ basɔ beeebo. Na bula akɔ ɔdi ɔɔɔgyi uwi ɛlɛ ɔni na ɔmɛni ɔdubuse lɛni utédu.

Agba 29:18

Si bekyuli bátanu budie bɔtina bɔdi ni, beení ka bunyimi bɔdi bɔdi-ma lɛlɔ. Nsu ukyuli ɔni mɔɔdi ɔda bubo bɔmmɔ lɛlɔ ni, lɛlɔ lɛɛyɔ́-nwu.

Yesaia 5:6

Ndubo-ka atu budie na uyi ɔbla lɛku. Na nsɔ neeedie adingyii ammɔ kɔgba akɔ iye lidie livo kana kemmo. Liyu ku alakpi bamba ndubɔƒɔ-ka kemmo. Ndubutile liƒlukutu kuƒi na ɔnantu ɔsɔ ulana ulewi-ka.”

Esekiel 7:26

Ɔgbankpi ɔdubo butaalɛ taasia kama na biteenu kenye kekpidi uwi ndi uwi. Na bekyuli badubusie kenye bediene kudɔ betéye-ma si mbo kenye kadi ntɛ-ma. Bakpane badubo mina ɔda bubo bɔtina bɔda bɔya. Na batɔnkune basɔ baaadubo kasusu kadi bɔkɛ butaakya bekyuli.

Hosea 2:3

Si ɔɔɔdi lɛni ni, ndubudie-nwu lɛlɔ ala na ɔsɔ ɔkɛ utaavi aani kalɛ na báwɔ-nwu ku kasɔngya. Na ndubɔya na ɔta ɔbla aani kalɔ kakwiidi kani na ntu bɔ́sa-ka kemmo ƒui kede kede na ukpi na utukwɛ ɔsu.

Mika 3:6

Ɔƒɛ ɔdubo-mii bɔsa bɔkya na bɛsɔ bilanu bukeye iye binu kenye kadi bɛsiku-mi kudɔ lɛnɔ.

Mateo 9:36

Na ka ɔ́nu bekyuli esu esu ammɔ ni, bákywi-nwu kaƒɔ ɔsika béƒu na beeebo bebunkune. Na bese aani baƒonu bani neeebo ɔdane.

Samuel 1 28:15

Amu na Samuel úye-ma ɔnini, “Bi ɔsu na biléte-mi bɔtɛ kpoo na bɛɛkpali-mi lɛni?” Mmɔ na Saul ɔnini, “Ala eekpóku-mi geen ɔni na ɔɔɔdia. Ƒilistiƒuɔ báta banii bebekpoku-mi, nsu Unwoti únwini kama ɔ́kya-mi ɔni na ɔsɔ ulakpete-mi ɔkɛnku nwuna Kenye Udiene ɔdi lɛlɔ iye ina kɔna bugye kemmo muedi. Anwuɔsu na lɛ́kɔ-ɔ lɛlɔ na atina-mi kalɛ na lɛbla.”

Samuel 1 28:6

Anwuɔsu úye Unwoti lɛla lɛni na ɔlɛka ɔbla, nsu Unwoti útakpete-nwu na udie lɛla lɛdi ɔtina-nwu na kɔna kemmo iye ɔsia ɔkpane ɔdi lɛlɔ iye kenye udiene ɔdi lɛlɔ na ɔsu-nwu lɛla lɛdi.

Samuel 1 3:1

Na uwi ɔmmɔ ni, Samuel ɔ́kya Eli kudɔ útaabla Unwoti kabla, ɔƒɛni lɛnɔ ni, Unwoti ulátɛmiku ukyuli pla pla na ulédie lɛlɔ lɛnɔ taatina ukyuli na kɔna kemmo pla pla.