Amos 8:10 - Katɔti Ɔku Kedee

¹⁰ Na bina emeyi buni ani na bɛɛdi ƒui ndubɔya na enwini keku ku kɔnyana buwulo sɔɔn. Na bina adala adubunwini adikpi ekuku na bikpeyi eli bɛkɛ bitaavi. Na ɔdubɔbla aani si ubi unwi pɛ ɔni na ukyuli ɔdi ubo náyii-nwu na uuwulo. Na limeyi limodi lɛmmɔ lɛdubɔbla ɔdu kati kati sɔɔn limeyi.”

Amos 8:10 ပူးပေါင်းရင်းမြစ်များ

Ala Kalɔ Buse 21:16

Na anwu ɔ́kpɛ ɔ́lɛ-nwu kudɔ úsie kama blii, ɔsika ɔ́su lɛlɔ ɔnini, “Naaakana bunye bɔnu kalɛ na mina ubi uukpi.” Na ka ulie kesii kammɔ ni, úse kalɔ uuwulo keku geen.

Hiob 20:23

Si uwi ɔni na bádi na bémo báwɔlɔ ni, uwi ɔmmɔ na Katɔti uubó-ma taaƒiɛmi kalɔ ku kɔnyi na ɔya na nwuna lɛbibo ku lɛtuni limo-ma aani kalɛ na baanina ukyuli na ubweli lɛla biala.

Hiob 3:5

Ya na lɛdisa bonwu lɛƒɔ limeyi lɛmmɔ, na lɛbla suu geen na liƒlukutu lɛƒɔ-ni lɛlɔ ƒui. Na ɔƒɛ ɔdi ɔsɔ utatu na limeyi lɛmmɔ lɛnu bukeye bɔdi.

Hiob 30:31

Na lɛbentaa ku atoloyii ani lɛnu mini mini na ńteenu ni, ɔƒɛni amu línwini kɔnyana ku keku buwulo sɔɔn.

Yesaia 3:24

Na bana ugyulo ɔnyi ƒɛƒɛɛ ɔmmɔ ɔdububie. Na bana agblinti aduni buni enwini lɛbuli lɛbuli. Na bana eli linwini lɛni báklibi ƒui lɛdubɔyii udu. Na benyimi adikpi na lɛwu buni gyɔlɔɔ lɛmmɔ kenye. Na bayila bana bɔdia ƒui, na beti kɔƒa kani bataavi.

Yeremia 2:19

Bina likyulikpi ndubo bunwini bina lɛtuni. Na kalɛ na bɛ́ta bínye-mi lɛlɔ na bíni-mi mɔɔdú-mii kɔtɔ. Ɔdi likpidi ku kɔtɔ bɔdu kati kati ka eni ami Unwoti Katɔti ɔsika ɔɔtina ka biláyia-mi munu munu. Ami Unwoti kadi ƒui Katɔti násu.

Yeremia 48:37

Moabƒuɔ benye asa katɔ ku lilu lɛlɔ beewulo kɔnyana. Na banana békpeyi bana likwi na bekyuli békpeyi bana eli na békulo lɛlɔ ekpo muedi na bada adala ani mɔɔtina ka beewulo kɔnyana.

Yeremia 6:26

Beeyú bekyuli teekpoku-ma ɔni na baaagyi beeese. Anwuɔsu ni, mina bekyuli, bise kalɔ biteewulo kɔnyana ku keku aani si bina ubi unwi pɛ ɔdi nékpi. Na bɛda lɛlɔ ku ala ani mɔɔtina ka biiwulo kɔnyana na bɛtɛ biteebo teeminime ntɔ akɔ.”

Kɔnyana Buwulo 5:15

Kɔnyana kɔ́ƒɔ-bu kayi kemmo ƒui. Na ɔni na buteedie lɛnu taatɔ ni, kɔnyana mmomu na bulie buuwulo.

Esekiel 7:18

Na kɔnyana adala na bɛdubo butaada biti bɛtina kalɛ na bɛkya lɛƒɛda kemmo. Nsu liƒu ala sɔɔn ndubɔƒɔ-mii keliela kemmo. Na kɔƒa ala lɛnɔ sɔɔn bekyuli badubo butaanu taati na bina anumi lɛlɔ na bɛdubukpeyi bina kuduo linwini ƒui ka bɛ́yila lɛnunsia biala ɔsu.

Esekiel 7:2

“Esekiel, ɔyawine ubi, su Israelƒuɔ anii ami násu nnini, úwi ɔsɔ uletu asa na Israelƒuɔ ɔdi ɔdubo bɔsa na bawɔlɔ! Ɔsika badubo kalɔ kammɔ ƒui bɔbwɛ na uwi klukwii ɔdi kemmo

Hosea 2:11

Na ndubukulo Israel emeyi buni bɔdi kenye. Kɔbuli kɔwɔdi bɔlɛ o-o, Lɛnwunameyi o-o, ku emeyi buni abambadi ƒui kenye kadubo buklo.

Hosea 2:13

Na ndubo-nwu kɔtu bɔni na uwi ɔni na úti ɔ́kpa Baal baƒiɔ na ɔ́kyula oloƒui úte-nwu kenye. Na ndubo-nwu kɔtu bɔni na uwi ɔni kemmo na údie-mi atu na ɔ́yiƒala-mi na úye kɔkwɛnimi ku asɛɛ lidu ɔ́kya atu ku limɔ ka ɔɔwia ka nwuna basɔnɔ bataayɔ-nwu ɔsu. Ami Unwoti nébimi kenye lɛ́su, na ndubo bɔbla bɔsiaku lɛni!

Yoel 1:8

Biwulo keku geen aani ugblebi ɔni náyila ɔnana ɔni na ɔdubo bulieku.

Lewiƒuɔ Ɔda Bubo 13:40

“Si ketikɔ kápa ukyuli ɔdi ni, ukyuli ɔmmɔ útasɔ use sɛɛn, na lili kani nápa-nwu.

Amos 5:21

“Ami Unwoti nkisi na líni bina emeyi bɔdi ku bina bɔkpa bumodi bɔmmɔ ƒui.

Amos 5:23

Nsɔ lɛɛɛdubo-mii atu bɔkywɛɛ si uwi ɔni na bɛɛgyá bina lɛbentaa.

Amos 8:3

Na ɔ́sɔ ɔ́su-mi ɔnini, “Na limeyi lɛmmɔ lɛlɔ ni, lɛnu lɛni na beedie na kakpakɔ mmɔ ƒui lɛdubo bunwini keku ku kɔnyana buwulo sɔɔn na bekpine badubɔƒɔ kesi kesii. Anwuɔsu awɔ bile kenye na asɔ elie kpoo ataanu!”

Nahum 1:10

Mmomu ala adubo-ma bunyimi aani kalɛ na liyu alakpi eedie bekyuli iye ntɛ bɔɔda-ma. Ogya ɔdubɔkyula-ma kede kede aani alakpi ani nákwii kalɛ.

Sakaria 12:10

“Ami Unwoti ndubɔya na Yerusalem bebi ku bawɔ ƒui beduo kɔnyana bonwu kɔdi kemmo na bakpali-mi bevele uwi ɔni na bánu ukyuli ɔni na bátu lɛtula lɛdi. Na badubo-nwu buwulo aani kalɛ na bawɔne badi beewulo bana ubi unwi pɛ ɔni na báwɔ na úkpi iye ubi udeedi ɔni na báyila.

Lɛkpa Ulu 16:14

Na si bísela bitádi limeyi lɛmmɔ ni, biti bina bebi ku bani mɔɔbla-mii kabla ku Lewiƒuɔ ku baƒɔ bani nkya-mii kudɔ ku bekpinebi ku bekpinele bani ƒui nkya bina lɛma kemmo bɛda na bitádi limeyi lɛmmɔ ku kubiti.