Amos 7:6 - Katɔti Ɔku Kedee

⁶ Na lɛla lɛmɛni líkpoku Unwoti ɔlati, anwuɔsu enu áƒɛ-nwu ka ɔbla lɛla lɛni na ɔ́su. Na ɔnini, “Nsɔ lɛɛɛdubo bɔya na anwu lɛnɔ ubo-nwu kemmo lɛni.”

Amos 7:6 ပူးပေါင်းရင်းမြစ်များ

Ala Kalɔ Buse 6:7

Anwuɔsu Unwoti ɔ́su ɔnini, “Ndubo ukyuli ɔni na lɛ́bla udu bɔyila na kalɔ lɛlɔ. Ɔ́si bekyuli lɛlɔ útédu ku bebuo ku bebweyi bani mɔɔví kalɔ lɛlɔ ƒui ku baasɛ bani muuveyi taavi kayaa lɛlɔ. Ɔsika úduo-mi geen ka lɛ́bla-ma.”

Ala Alɛdi 1 21:15

Na ɔmmɔ kama ni, ɔ́ya na nwuna ɔtu ɔdi úbo kalɛ na ubayila Yerusalem udu ƒui. Nsu uwi ɔni lɛlɔ na ɔtu ɔmmɔ ɔ́klibi lɛlɔ ka use kabla kammɔ kalɔ kani na bekyuli bammɔ lɛlɔ lɛ́bla Unwoti kɔnyana na ala ani néebo-ma lɛlɔ ɔsu na ɔ́bala ɔtu ɔmmɔ ɔnini, “Sɔ nye! Bana lɛbibo lɛ́bɔ.” Na ala amɛni álɛ na Yebusini ɔnana ɔni baalɔ banii Arauna kakpa kesii kani na uuwiile nwuna edula ebi mmɔ.

Kɔgya 106:45

Ɔ́si nwuna lɛƒɔndia ɔsu ni, na kaƒɔ kasɔ kaakywí-nwu. Na únyimo bunyimi bɔni na únyimiku-ma.

Kɔgya 135:14

Ɔsika Unwoti ɔdubɔtɛku nwuna bekyuli litemi. Na ka bekyuli baakywí-nwu kaƒɔ ɔsu ni, ɔdubɔƒɔ-ma ngba.

Kɔgya 78:38

Ina amu ni, ɔ́nu-ma kɔnyana na úti bana alaekpidi ɔ́kyiɛ-ma na útayila bana ƒui udu. Katɔti uuƒie nwuna kɔnyi kenye pla pla na ulábla ala teetédu kalɛ na úti kɔnyi kenye.

Kɔgya 90:13

O Unwoti, buuvele-ɔ bɔnii kaƒɔ kayɔ-ɔ. Buuvele na anu ƒula kabla bablane kɔnyana.

Israelƒuɔ Bɔlɛ 32:14

Ɔmɛni ɔsu Unwoti kasusu kávumana, na útaya na ɔgbankpi ɔni na ɔ́su ka webo nwuna bekyuli lɛlɔ ubo-nwu kemmo lɛni.

Yeremia 26:19

Amu na benengu bammɔ bésie anumi banini, “Ukyuli ɔdi útadu Mika na lɛla lɛmmɔ bɔsu ɔsu. Mmomu Ɔga Hesekia ɔ́kpali Katɔti ku bɔyia na lɛlɔ lɛnɔ lɛɛtɔ́-nwu na úvele-nwu ɔnii ɔnu-ma kɔnyana. Ɔmmɔ ɔsu Unwoti ɔ́bla kasusu ka ɔsɔ ulayila Yerusalem ɔma ɔmmɔ udu ina ka lɛni na nka ɔ́ɔsu ka wabla. Ɔmmɔ ɔsu ni, Yudaƒuɔ kadi bekyuli, bɔdubuti ɔgbankpi bonwu buboku lɛlɔ si bɔ́du Yeremia.”

Yeremia 42:10

Nsu muute-mii bɔbuɛ, ɔsika bina ɔbladu náya na ɔdi ka lɛni-mii kɔtu kɔmmɔ udu. Na mɔɔsu-mii ɔƒaani nnii bɛsɔ bilie Yuda mɛni kani na ndubɔsɔku-mii lɛlɛ aani kalɛ na baalɛ lɛla lɛdi na lɛnu-mii lɛlɔ na bɛbi lɛlɔ. Na ɔɔɔdi ɔni na lɛgyingya-mii iye lɛgyu-mii lidie bina kenyekɔ ku ligyiitu.

Yoel 2:13

Ɔɔɔdi bina lɛwu na bɛɛní bɛbwɛ biti bɛtina ka biiwulo kɔnyana. Mmomu binwini bibo-mi kudɔ ku kayi kani muunú ɔlɛ na bina ekpidi ani na bɛ́bla lili. Mɔɔnu kɔnyana na mbo lɛƒɔndia na ndaku ukyuli lɛda. Neeeti kɔnyi buti buti. Na naaayɔ ka ntaani kɔtu lɛnɔ.

Amos 7:3

Na lɛla lɛmɛni líkpoku Unwoti ɔlati, anwuɔsu enu áƒɛ-nwu ka ɔbla lɛla lɛni na ɔ́su. Na ɔnini, “Nsɔ lɛɛɛdubo bɔya na ubo-nwu kemmo lɛni.”

Amos 7:7

Unwoti údie lɛla bamba ɔ́tina na kɔyu kemmo. Na lɛ́nu ka unye kowodu kɔdi kudɔ na ɔda kabuli kadi kɔnu kani mɔɔtina kowodu bunye.

Yona 3:10

Ka Katɔti ɔ́nu kalɛ na bávumana na báda bana likyulikpi báya ɔsu ni, ɔ́vumana nwuna kasusu na ɔ́sɔ útani-ma kɔtu aani kalɛ na ɔ́su use kalɛ.

Yona 4:2

Ɔmɛni ɔsu ɔ́kpali Katɔti ɔnini, “Unwoti ɔɔɔdi ɔmɛni na lɛ́su nnii aaadubo ɔma ɔmɛni bɔkyula iye ɔ́si ɔni nkya ɔma. Ɔmɛni ɔsu na lɛ́kya ɔkplu ka likeli lisie Tarsis! Ngyi ka awɔ adi kɔnyana ɔnune Katɔti na ebo kayi buɛɛ uwi ndi uwi, na aakana tavumana ƒula kasusu uwi biala kemmo kalɛ na aláni ukyuli kɔtu lɛnɔ.

Litemi Batɛne 10:16

Mmɔ na bébo baƒiɔ bani na báƒɔ bése lɛlɔ mmɔ bévaakun, na bése kalɔ baabla Unwoti kabla. Ɔmɛni ɔsu ɔ́sɔ útakana bunye bɔnu Israelƒuɔ abi ani na beebó mmɔ.

Litemi Batɛne 2:18

Uwi biala na Unwoti ɔ́ya na litemi ɔtɛne ɔdi ɔ́kɔ ɔ́lɛ Israelƒuɔ akɔ ni, uunye litemi ɔtɛne ɔmmɔ kama nwuna ngba kemmo ƒui, na uukpó taaƒɔ-ma taalɛku bana bekisine enu kemmo. Na Unwoti ɔɔnu-ma kɔnyana si beedumo na ɔgbankpi ɔni kemmo na bana bekisine béti-ma bákya ɔsu.