Amos 7:3 - Katɔti Ɔku Kedee

³ Na lɛla lɛmɛni líkpoku Unwoti ɔlati, anwuɔsu enu áƒɛ-nwu ka ɔbla lɛla lɛni na ɔ́su. Na ɔnini, “Nsɔ lɛɛɛdubo bɔya na ubo-nwu kemmo lɛni.”

Amos 7:3 ပူးပေါင်းရင်းမြစ်များ

Ala Kalɔ Buse 6:7

Anwuɔsu Unwoti ɔ́su ɔnini, “Ndubo ukyuli ɔni na lɛ́bla udu bɔyila na kalɔ lɛlɔ. Ɔ́si bekyuli lɛlɔ útédu ku bebuo ku bebweyi bani mɔɔví kalɔ lɛlɔ ƒui ku baasɛ bani muuveyi taavi kayaa lɛlɔ. Ɔsika úduo-mi geen ka lɛ́bla-ma.”

Ala Alɛdi 1 21:15

Na ɔmmɔ kama ni, ɔ́ya na nwuna ɔtu ɔdi úbo kalɛ na ubayila Yerusalem udu ƒui. Nsu uwi ɔni lɛlɔ na ɔtu ɔmmɔ ɔ́klibi lɛlɔ ka use kabla kammɔ kalɔ kani na bekyuli bammɔ lɛlɔ lɛ́bla Unwoti kɔnyana na ala ani néebo-ma lɛlɔ ɔsu na ɔ́bala ɔtu ɔmmɔ ɔnini, “Sɔ nye! Bana lɛbibo lɛ́bɔ.” Na ala amɛni álɛ na Yebusini ɔnana ɔni baalɔ banii Arauna kakpa kesii kani na uuwiile nwuna edula ebi mmɔ.

Kɔgya 106:45

Ɔ́si nwuna lɛƒɔndia ɔsu ni, na kaƒɔ kasɔ kaakywí-nwu. Na únyimo bunyimi bɔni na únyimiku-ma.

Kɔgya 78:38

Ina amu ni, ɔ́nu-ma kɔnyana na úti bana alaekpidi ɔ́kyiɛ-ma na útayila bana ƒui udu. Katɔti uuƒie nwuna kɔnyi kenye pla pla na ulábla ala teetédu kalɛ na úti kɔnyi kenye.

Kɔgya 90:13

O Unwoti, buuvele-ɔ bɔnii kaƒɔ kayɔ-ɔ. Buuvele na anu ƒula kabla bablane kɔnyana.

Israelƒuɔ Bɔlɛ 32:14

Ɔmɛni ɔsu Unwoti kasusu kávumana, na útaya na ɔgbankpi ɔni na ɔ́su ka webo nwuna bekyuli lɛlɔ ubo-nwu kemmo lɛni.

Yeremia 26:19

Amu na benengu bammɔ bésie anumi banini, “Ukyuli ɔdi útadu Mika na lɛla lɛmmɔ bɔsu ɔsu. Mmomu Ɔga Hesekia ɔ́kpali Katɔti ku bɔyia na lɛlɔ lɛnɔ lɛɛtɔ́-nwu na úvele-nwu ɔnii ɔnu-ma kɔnyana. Ɔmmɔ ɔsu Unwoti ɔ́bla kasusu ka ɔsɔ ulayila Yerusalem ɔma ɔmmɔ udu ina ka lɛni na nka ɔ́ɔsu ka wabla. Ɔmmɔ ɔsu ni, Yudaƒuɔ kadi bekyuli, bɔdubuti ɔgbankpi bonwu buboku lɛlɔ si bɔ́du Yeremia.”

Yeremia 42:10

Nsu muute-mii bɔbuɛ, ɔsika bina ɔbladu náya na ɔdi ka lɛni-mii kɔtu kɔmmɔ udu. Na mɔɔsu-mii ɔƒaani nnii bɛsɔ bilie Yuda mɛni kani na ndubɔsɔku-mii lɛlɛ aani kalɛ na baalɛ lɛla lɛdi na lɛnu-mii lɛlɔ na bɛbi lɛlɔ. Na ɔɔɔdi ɔni na lɛgyingya-mii iye lɛgyu-mii lidie bina kenyekɔ ku ligyiitu.

Hosea 11:8

“Israelƒuɔ, naaakana-mii bɔnyonu lɛni iye lidie-mii atu. Na naaakana makyula-mii aani kalɛ na lɛ́bla Adma ku Seboim. Oowo, uladia-mi bɔbla lɛni, ɔsika mina kayi kelete-mi kuƒi na kalɛ na mɔɔyɔ́-mii ɔsu.

Yoel 2:13

Ɔɔɔdi bina lɛwu na bɛɛní bɛbwɛ biti bɛtina ka biiwulo kɔnyana. Mmomu binwini bibo-mi kudɔ ku kayi kani muunú ɔlɛ na bina ekpidi ani na bɛ́bla lili. Mɔɔnu kɔnyana na mbo lɛƒɔndia na ndaku ukyuli lɛda. Neeeti kɔnyi buti buti. Na naaayɔ ka ntaani kɔtu lɛnɔ.

Yoel 2:14

Ami ndi Unwoti Katɔti na ɔƒɛni kalɛ ndubɔvumana mina kasusu na lɛnu-mii kɔnyana. Na kusɛ kusɛ ɔdubɔsiaku-mii na bɛkɛ edula pii ku ntɛ na biti bɛbla lɛkpa etela bite-mi.”

Amos 5:15

Bini likpidi na bɛyɔ lɛbuni bɔbla. Na bɛya na litemi geen kama bɔsia bɔkya bina etemila katɛkɔ. Ɔƒɛni kalɛ Unwoti Katɔti Ɔyikune Ƒui ɔdubɔnu Yoseƒ kaba kemmo bebi bani nébu kanyana.

Amos 7:6

Na lɛla lɛmɛni líkpoku Unwoti ɔlati, anwuɔsu enu áƒɛ-nwu ka ɔbla lɛla lɛni na ɔ́su. Na ɔnini, “Nsɔ lɛɛɛdubo bɔya na anwu lɛnɔ ubo-nwu kemmo lɛni.”

Yona 3:10

Ka Katɔti ɔ́nu kalɛ na bávumana na báda bana likyulikpi báya ɔsu ni, ɔ́vumana nwuna kasusu na ɔ́sɔ útani-ma kɔtu aani kalɛ na ɔ́su use kalɛ.

Lɛkpa Ulu 32:36

Unwoti ɔdubo nwuna bekyuli bukpo bɔƒɔ uwi ɔni na ɔ́nu ka bana ɔlɔkplu ɔ́yuɛ. Na ɔdubo bani muumwi-nwu kɔnyana bɔnu si ɔ́nu kalɛ na bábla kpɛtɛ kpɛtɛ.

Yakobo 5:16

Anwuɔsu bidie bina alaekpidi ani na bɛ́bla kalɔ bite lɛlɔ. Na bitaakpali katɔ teete lɛlɔ kalɛ na Katɔti wabwi-mii lɛlɛ lɛni na biiƒi. Ukyuli ɔni nse sɛɛn ni, nwuna katɔ bɔkpali bubo ɔyikun geen.