Amos 7:17 - Katɔti Ɔku Kedee

¹⁷ “Unwoti ɔnini, ‘Ƒ'ulekudi ɔdubo ɔsɔnɔdine ɔyalɛ ubendi bunwini na ɔma unengudi ɔmɛni kemmo. Na ƒula bebi bananabi ku belekubi ƒui kuwii kenye na badubo bɔtɛ. Bekyuli badubo kalɔ kani ndi awɔ ɔlati kadi mɛni bɔkɔku na bele-ka bete lɛlɔ. Na kaƒɔ, na kadi bamba kalɔ lɛlɔ na adubo bukpi. Na kekpo kadubo Israelƒuɔ bukpo na beƒie-ma batɔlɔku bana lɛma ƒui.’ ”

Amos 7:17 ပူးပေါင်းရင်းမြစ်များ

Baga 2 17:6

Na Ɔga Hosea lɛga bɔdi lɛkwa yaalenwidi kemmo ni, Asiriaƒuɔ ɔga úƒie Israelƒuɔ bammɔ úsienku Asiria. Na ɔ́ya na bélie Hala kalɛkɛ lɛlɔ na ɔma ɔni baalɔ banii Gosan na Habor Ketudɔ ku Mediaƒuɔ lɛma kemmo.

Kɔgya 78:55

Ɔ́bɔku kadi bamba bekyuli ɔ́lɛku bana anumi. Na úti bana kɔlɔ ku kuliekɔ úle úte-ma aani bana kadikɔ na bélie mmɔ.

Yesaia 13:16

Bana anumi lɛlɔ na badubɔƒiɛmi bana bebi atakpɛ lɛlɔ babwɛ kpɛtɛ kpɛtɛ. Na badubɔla-ma ɔtɔ kemmo ala ƒui batɔlɔku. Na beƒie bana beleku batɛnku-ma ɔkplu kemmo.

Yesaia 22:18

Na ɔdubo-ɔ bɔmana bɔkono kunu kunu na ubo-ɔ utáva kalɔ bɛbɛɛbɛ kadi lɛlɔ na eminime esié etékpi na mmɔ. Na bapɔnkɔ kɛɛkɛ buni ɔni kemmo na éteelie ɔsu na áƒɔ lɛnyi ni, nwuna kawɔlɔkɔ kadi mmɔ. Na ɔga ɔni kesii lɛlɔ na átaanu mmɔ anumi ewi kalɔ.

Yeremia 14:16

Na bekyuli bani ƒui mɔɔƒɔ́-ma litemi aani litemi geen ni, badubo bukpi kalɛ na ɔ́manku úte-ma. Na badubo bana ɔlɔna bubo butáva Yerusalem lɛblɔnu lɛlɔ, ɔsika bana lɛlɔ bekyuli lɛnɔ badubo bukpi na ɔdi ɔsɔ ulakya na wava-ma.

Yeremia 20:6

Pasur, áƒiɔ-mi na uwi ɔni na enye aanyi ɔkɔ, nsu aasu taatina ka ami mina kenye na aasu bekyuli. Na ɔmmɔ ɔsu na ndubɔya na Babilonƒuɔ betiku-ɔ ku ƒula kaduli bekyuli ku bakpana ƒui batɔlɔku aani bekyuli beƒiedi besienku Babilon kalɔ lɛlɔ kesii kani na bɛdubo bukpi na bava-mii mmɔ.’ ”

Yeremia 28:12

Na uwi klukui ɔdi kama ni, Unwoti ɔ́su-nwu ɔnini,

Yeremia 29:21

Bɛɛkali ka Kolia ubidi Ahab ku Manase ubidi Sedekia badi-mi kenye bediene ka baasu ka ami mina kenye na beedie ɔsu. Nsu ɔkɔ na baanyi! Ńtasu-ma lɛla lɛdi. Na benye baabla ekpidi bonwu bonwu abambadi adi aani bana bakpana beleku bɔtɛnku. Anwuɔsu ndubo-ma budie bute Ɔga Nebukadnesar ɔni ndubo-ma bɔdu na bakladi benye bataanu. Na si uwi ɔdi úbebo na ɔdi uuwida ɔdi ni, na basu banini, ‘Unwoti ɔkyula-a aani kalɛ na Babilonƒuɔ ɔga ɔ́kyula Ahab ku Sedekia!’ ”

Kɔnyana Buwulo 5:11

Bekisine bekpone bammɔ béƒie-bu beleku ku begblebi báyɔ na Yerusalem ku Yuda lɛma lɛmmɔ kemmo ƒui.

Esekiel 4:13

Uwi ɔni na ndububo Israel kadi bekyuli bugyingya bɔ́kya kadi bamba bekyuli akɔ ni, lɛni kani na ama lɛnɔ badubo adila ani muusé lɛlɔ bɔdi aani kalɛ na ábla mɛni na bánu.”

Hosea 9:3

Na bɛdubo bɔtɔlɔ na Unwoti kalɔ kammɔ lɛlɔ. Na bina badi badubo bɔtɔlɔ busie Egyipte kalɔ lɛlɔ, na badi lɛnɔ besie Asiria kalɔ lɛlɔ na bitádi bana adila ani muusié lɛlɔ mmɔ.

Amos 6:7

Anwuɔsu amii ndubɔdi bekyuli bedeedi bani na kekpo kadubo buƒie bɔtɔlɔku na bina ebiti ku lɛlɔyɔ kenye kekulo.

Amos 7:11

Na nwuna kenye ndi ɔnini, ‘Badubo Ɔga Yeroboam bɔdu na beƒie kalɔ kammɔ bekyuli batɔlɔku besienku kaƒɔ na kekpo kemmo.’ ”

Amos 8:1

Unwoti údie lɛla bamba ɔ́tina-mi na kɔyu kemmo na lɛ́nu egyiibi egyiedi ani nánu ási kugyii lɛlɔ na ewi kagyigyɛ kemmo.

Amos 9:1

Lɛ́nu ka Unwoti unye lɛkpabi lɛmmɔ kudɔ na ɔ́su ɔnini, “Kunku akpa enengudi ammɔ momoomo útédu ka ɔtɔ ɔmmɔ ɔ́kunku útálɛ kowodu kalɔ ƒui. Na lɛsa limodi lɛmmɔ ligyingya na lɛta lɛmmɔ lɛƒɛ libayu bekyuli bammɔ lɛlɔ. Na si badi bébu ni, ndubo-ma bɔdu ku kuwii. Na ina ukyuli unwi muedi ulébu na ɔdi lɛnɔ ulakana bukeli.

Amos 9:8

Ami ɔlati néti mina anumi lɛ́nu ekpidi ani udu na amii kadi kamɛni bekyuli bɛɛbla. Anwuɔsu na ndubo bina ƒui udu bɔyila na kalɔ kammɔ ƒui lɛlɔ, na kebu Yakob kaba kemmo bebi ɛlɛɛ badi kani. Ami Unwoti násu!

Mika 1:16

Bikpeyi bina eli bitédu aani ka bɔpa na ápa aani begbini na biteewulo kɔnyana na bina bebi bani na bɛɛyɔ́ geen ɔsu. Ɔsika badubo-ma buƒie bɔtɔlɔku ƒui buteesienku kaƒɔ ɔgyu kakaaka.

Sakaria 14:2

Nsu ɔdubo bɔya na baka Yerusalem bubekpoku na beyu bekyuli kɔduli ala na beƒie beleku batɛ-ma kudɔ ku ɔkplu, na betiku ɔma ɔmmɔ bekyuli kakɛ kenwi ƒui batɔlɔku ina ka badubɔya na badi bebu bakya kama.