Amos 7:14 - Katɔti Ɔku Kedee

¹⁴ Amu na lídie kenye nnini, “Lɛɛɛdi Katɔti Kenye Udiene ɔni mɔɔbla kabla taaƒɔ egulabi adi. Baƒonu ɔdane na ndi na mɔɔnu adingyii lɛnɔ lɛlɔ.

Amos 7:14 ပူးပေါင်းရင်းမြစ်များ

Baga 1 19:19

Anwuɔsu Elia ɔ́tɔlɔ mmɔ na útánu Saƒat ubidi Elisa na kemo kadi ka bébo anwami báda ɔmantɛ bakɔ inyɔ akpa leevu-anyɔ. Na Elisa ɔda lɛkpa leevu-linyɔdi na baatu kalɔ teenwini. Amu na Elia úsie-nwu kudɔ mmɔ, ka úti nwuna lɛduni lɛni na ɔda úbo úwi-nwu lɛlɔ.

Baga 1 20:35

Na Unwoti ɔda bubo kenye ni, kenye udiene ɔdi ubidi ɔnanabi ɔ́su nwuna kenye udiene kpana ɔnini, “Ti ƒula ekpola ani na ada mmɔ ƒiɛmi-mi.” Nsu nwuna ɔkpana ɔmmɔ úni.

Baga 2 2:15

Na kenye bediene bani na bási Yeriko na benye kɔƒɛlɛ baanu Elisa básu banini, “Elia kɔyu kúbaƒɔ Elisa lɛlɔ kemmo!” Amu na bésie bátasiaku-nwu. Na bákya-nwu lili kalɔ.

Baga 2 2:3

Katɔti kenye bediene lɛkpa lɛni nkya Betel bébo Elisa kudɔ na béye-nwu banini, “Agyi ka Unwoti ɔdubo ƒula ati buti bɔtɔlɔku ɔmwi kadi?” Amu na Elisa údie kenye ɔnini, “Ɛɛn, ngyi! Nsu bɛya-nwu kɔtɛ kɔmmɔ kɔwɔ mmɔ.”

Baga 2 2:5

Amu na Katɔti kenye bediene lɛkpa lɛni nkya Yeriko bésie Elisa kudɔ na béteye-nwu banini, “Agyi ka Unwoti ɔdubo ƒula ati buti bɔtɔlɔku ɔmwi kadi?” Amu na Elisa údie kenye ɔnini, “Ɛɛn, ngyi! Nsu kɔtɛ kɔmmɔ kɔwɔ mmɔ.”

Baga 2 2:7

Mmɔ na kenye bediene lisu lɛmmɔ bésie na béténye kɔƒɛlɛ, na benye baanu kesii kani na Elia ku Elisa bédi bénye na Yordan Ketu kɔtu.

Baga 2 4:38

Uwi ɔdi kemmo ni, kɔka kubendi kɔdi kúbalɛ kalɛkɛ kammɔ lɛlɔ. Nsu na Elisa úunwini úsie Gilgal. Na uwi ɔni na ɔkya mmɔ ni, ɔ́kya útaatina kenye bediene lɛkpa lɛdi ala. Mmɔ na ɔ́su nwuna kabla ɔblane ɔnii ɔwia libui libendi lɛdi ɔsia ogya na ɔbla lɛdila lɛdi ute-ma na badi.

Baga 2 6:1

Limeyi lɛdi ni, kenye bediene lɛkpa lɛni na ama ku Elisa baasa ni, básu-nwu banini, “Kesii kani bulie mɛni kese blii suɛ kete-bu.

Ala Alɛdi 2 16:7

Na ala ammɔ bɔlɛ bɔwɔlɔ kama uwi klukwii ɔdi kama ni, Kenye Udiene Hanani úsie Asa kudɔ na útásu-nwu ɔnini, “Siriaƒuɔ ɔga lɛlɔ na éti ƒula anu ásia na ɔni na eti ƒula anu asia Unwoti ƒula Katɔti lɛlɔ? Ɔkɛnku ɔmmɔ ɔsu ni, aaadubo bɔkana na adi Siriaƒuɔ bekpone lɛlɔ kudii.

Ala Alɛdi 2 19:2

Nsu Hanani ubidi ɔnanabi ɔni ndi Kenye Udiene Yuhu úbasiaku-nwu na ulu lɛlɔ na ɔ́su-nwu ɔnini, “Na kebunku kani na éte Ahab ɔlalane ɔmmɔ ɔsu ni, éti lɛlɔ énwini ukyuli ɔni muukisi Unwoti ɔkpana. Anwuɔsu Unwoti úti kɔnyi ɔ́kya-a!

Ala Alɛdi 2 20:34

Na lɛla biala na Yehosaƒat ɔ́bla uwi ɔni na ɔ́di lɛga ni, bénweni-mi bákya Yehu ɔni ndi Hanani ubidi ɔnanabi ala alɛdi Israel baga ablala ɔku kemmo.

Hiob 30:4

Alakpi ani na ukyuli ulati-nya emini na beekpeli taakun na ana ligyiitu na baasala ogya taakɛ liwulu na kɔyɔ uwi.

Amos 1:1

Unwoti ɔ́su Amos kenye kadi uwi ɔni na útaanu baƒonu lɛlɔ na Tekoa. Na kenye kammɔ kadanku Israel na uwi ɔni na Usia ɔɔdi lɛga na Yuda kalɔ lɛlɔ, na Yeroboam Yoas ubidi ɔɔdi lɛga na Israel kalɔ lɛlɔ akwa anyɔ kama asa na kalɔ kadubɔkunku.

Amos 3:8

Liƒu lɛɛda ukyuli biala si gyata ɔɔkwanyi. Na si Katɔti ɔ́su lɛla lɛdi ni, usi na ukyuli biala ɔkɛ na ɔdubo-ni lɛsa bɔkɔ.

Sakaria 13:5

Mmomu badubɔsu banini, ‘Lɛɛɛdi kenye udiene, mmomu umonsene kani na ndi mina ngba emeyi ƒui kemmo.’

Korintoƒuɔ 1 1:27

Mmomu Katɔti úse ɔ́ƒuna bekyuli badɔlɔdi na bayawine anumi kalɛ na uti-ma ɔkya kayawi kamɛni banundane kɔƒa. Na ɔ́ƒuna bekyuli bani neeebo ɔyikun ɔdi na bayawine anumi kalɛ na uti ɔkya kayawi kamɛni bayikune kɔƒa.

Samuel 1 10:11

Bekyuli pii badi bakya mmɔ bani ngyi Saul kukuuku. Ɔmmɔ ɔsu ka bánu-nwu ka uubó kudu ku kenye bediene bakladi ni, béye lɛlɔ banini, “Eei, bi nálɛku Kis ubidi? Saul lɛnɔ ɔkya kenye bediene akɔ?”