Amos 7:1 - Katɔti Ɔku Kedee

¹ Unwoti Katɔti údie ɔ́tina-mi na kɔyu kemmo ka ɔdubuti baalɔlɔ umene na bebile edula ammɔ ƒui si uwi ɔni na báƒɛ ɔga ɔmmɔ ɔdi béte-nwu báwɔlɔ, na livo lɛwɔdi lɛ́sɔ líse kalɔ lɛɛlɛ́.

Amos 7:1 ပူးပေါင်းရင်းမြစ်များ

Yesaia 33:4

Buukpóku bula bekisine aani baalɔlɔ, na buuƒie bana ala ƒui taaƒɔ.

Yeremia 24:1

Unwoti ɔ́tɛmiku-mi na kɔyu kemmo uwi na Babilonƒuɔ ɔga ɔni baalɔ Nebukadnesar úbo Yuda kalɔ lɛlɔ kama. Ɔga ɔmɛni úbo úbekpo na úƒie Yuda Ɔga Yehoiakim ubidi ɔni baalɔ Yekonia ku nwuna lɛku batine ku kabla bablane bani mbo kasusu geen ɔ́tɔlɔku úsienku Babilon kalɔ lɛlɔ. Na kɔyu kemmo ala bɔnu bɔmɛni kemmo ni, lɛ́nu kɔgyigyɛ inyɔ ku egyiibi tɛtɛɛtɛ ka alɛ Katɔti kakpakɔ kammɔ anumi.

Esekiel 11:25

Na lɛ́sɔku ala ani ƒui na Unwoti údie ɔ́tina-mi ƒui lɛ́su-ma.

Yoel 1:4

Baalɔlɔ esu esu bonwu badi beebo taatɔlɔ na bébebile-bu edula ƒui na bádi lɛla biala bédie kede kede.

Yoel 2:25

“Ami bina Unwoti Katɔti ndubɔsɔku ala ani na bɛ́yila lite-mii. Ala ani na lɛ́tala baalɔlɔ esu esu ammɔ na bébekpoku-mii na bébile mmɔ.

Amos 4:9

“Lɛ́ya na bina edula ƒui ku adingyii mmo bɔ́kwii na lɛla biala lɛ́bla ƒuƒuu linye. Baalɔlɔ bádi bina anwingyie ku nnɔ egyii mmo ƒui. Nsu ɔmɛni ƒui bítenwini. Ami Unwoti násu.

Amos 7:4

Unwoti Katɔti údie ɔ́tina-mi na kɔyu kemmo ka ɔdubɔya na ogya bonwu ɔdi ubo na ubakyula ɛpu ɔmmɔ na ɔkyula kalɔ kammɔ ƒui.

Amos 7:7

Unwoti údie lɛla bamba ɔ́tina na kɔyu kemmo. Na lɛ́nu ka unye kowodu kɔdi kudɔ na ɔda kabuli kadi kɔnu kani mɔɔtina kowodu bunye.

Amos 8:1

Unwoti údie lɛla bamba ɔ́tina-mi na kɔyu kemmo na lɛ́nu egyiibi egyiedi ani nánu ási kugyii lɛlɔ na ewi kagyigyɛ kemmo.

Malakai 3:11

Ndubutile baalɔlɔ kuƒi na basɔ belebile-mii ala na ada bɔnwu aya.