Amos 6:8 - Katɔti Ɔku Kedee

⁸ Unwoti Katɔti Ɔyikune Ƒui ɔ́kpali anwu ɔlati lɛnyi úse kenye ɔnini, “Amii Yakob kaba kemmo bebi, bɛɛkya-mi kɔnyi geen na bina lɛlɔ katɔ bɔkɔliku ɔsu, na muukisi bina ɔma agbanya ani na bɛ́tu bínyene mmɔ ƒui. Anwuɔsu ndubo-mii atu budie na lɛnyonu-mii ku bina ɔma lɛkya bina bekisine enu kemmo ku bina akɛla ƒui.”

Amos 6:8 ပူးပေါင်းရင်းမြစ်များ

Ala Kalɔ Buse 22:16

Na ɔ́su-nwu ka Unwoti Katɔti ɔ́su ɔnini, “Éteni ka eti ƒ'ubidi unwi pɛ akpa ete-mi. Anwuɔsu ni, lɛ́kpali lɛlɔ líse kenye ka

Kɔgya 106:40

Ɔmɛni ɔ́ya na Unwoti Katɔti kɔnyi kɔ́kɔ katɔ kúbu na nwuna bekyuli lɛlɔ na bana lɛlɔ lɛsɔ liláda-nwu kubiti.

Kɔgya 47:4

Na anwu náƒuna kalɔ kani lɛlɔ bulie mɛni úte abu Yakob kaba kemmo bebi bani na ɔɔyɔ́.

Kɔgya 50:12

Si kɔka kɔɔda-mi ni, ɔɔɔdi amii na ndubuye lɛdila. Ɔsika ami mbo kayawi ƒui ku ala ani nkya-nya kemmo.

Kɔgya 78:59

Na lɛla lɛni na Katɔti ɔ́nu mɛni ɔ́ya na úni nwuna kadi bekyuli Israelƒuɔ kede kede ƒui na kɔnyi kpakplaa kemmo.

Agba 8:13

Unwoti bɔyia ndi likpidi bukisi. Nkisi lɛlɔ katɔ bɔtalaku ku bekyuli lɛlɔ bɔta teenye. Na nkisi likyulikpi ala bɔbla ku enyekpi bɔtɛmi.

Yesaia 28:1

Bɔbuɛ beete Eƒraim ntɛ banine bani nti lɛlɔtina lɛka aani kagabwa, na lɛkɛ ku ala abuni ani na baanu ka Israel ubo ɔsu. Baasíku ala amɛni na ɔkwalɛ ɔni nélie lɛmwi na kesii kani na baabla-nya mmɔ, na baaní ntɛ bɔmmɔ teekpi. Nsu ala ammɔ aayii udu, aani kalɛ na egyii anwula aayɛyɛ kalɛ.

Yeremia 12:8

Mina bekyuli báta bénye-mi lɛlɔ na baakwanyiku-mi aani bagyata, anwuɔsu na muukisi-ma.

Yeremia 22:14

Édie lɛƒansili bonwu bonwu na ákya kɔyakun kɔlɛmikɔ kɔmmɔ akya ku ligyii kpakplaa. Na ákwaa-ni ku ɔyikwaa kɔba kugyiedi. Nsu átabla ala siin étete batune ku kabla kammɔ bablane na aƒɔ-ma bana kayu.

Yeremia 22:5

Nsu si bíni na bɛnii bilénu-mi litemi bɔdi ni, na muusé-mii kenye ɔkɛnku mina lɛnyi lɛlɔ ka ndubɔya na babwɛ ɔma ɔmɛni kpɛtɛ kpɛtɛ bewi kalɔ.

Yeremia 44:26

Bɛdi bina linyese lɛmmɔ lɛlɔ! Nsu mɔɔyá na bɛti lɛla lɛni ndubo-mii bɔlɛku. Ka ami ndi Unwoti Katɔti ɔsu ni, líse kenye ka kenye biala kadi kasɔ keeebo na bɛdubuse na mina lɛnyi kemmo na menu mete-mii.

Yeremia 49:13

Ami Unwoti nnye mina lɛnyi kenye muusé kenye ka bina ɔma unengudi ɔni baalɔ Bosra ku bina lɛma lɛkladi ƒui badubo ɔgbankpi kpakplaa ɔmɛni kemmo buduo, na badubo lɛma lɛmmɔ ƒui bɔbwɛ búwi kalɔ kpɛtɛ kpɛtɛ. Na badubuti-mii lɛnyi muedi bewida bekyuli banii ɔdubɔlɛku-ma aani bina kalɛ kani.

Yeremia 51:14

Ami Unwoti Ɔyikune Ƒui nkɛnku ami ɔlati mina lɛlɔ líse kenye ka bekisine bekpone badubɔƒɔ ƒula lɛblɔnu lɛlɔ aani baalɔlɔ. Na badubo kudu buteebo taakɛ lɛlɔyɔ ka bádi-mii lɛlɔ ɔsu.”

Kɔnyana Buwulo 2:5

Unwoti ɔ́bla lɛlɔ aani ukisine, na ɔ́da Israel úwi aani ɔma ɔni nábwɛ, na nwuna baga lɛgbanya ku ɔma kɔgyumanakɔ kpakplaa ƒui kɔ́bwɛ. Na ukyuli biala uuwulo keku na Yuda kalɔ ƒui lɛlɔ ku kɔnyana.

Esekiel 24:21

‘Kakpakɔ kani lɛlɔ na bɛɛkun lɛmɛni na bɛɛkali ka bibo bɔnwuna na lɛla biala lɛɛɛdubo-mii bɔbla mmɔ ni, unye kagyumana ka ɔkyula kakpakɔ kammɔ na kayii udu. Na badu bina bebi bani na belie Yerusalem ɔmwi.

Hosea 11:6

Ɔlɛka bekpone bekpoku-ma na bana lɛma linengudi kemmo na begyingya bana lɛma lɛban kɔyakun ƒui. Lɛni na ɔdubɔlɛku mina kadi bekyuli, ɔsika lɛla lɛni na ama bánu ka lɛdia-ma ni, ani na baabla.

Lewiƒuɔ Ɔda Bubo 26:11

Na ndubɔbla mina keliekɔ na bina akɔ na lɛɛɛdubo-mii buni ƒui.

Lewiƒuɔ Ɔda Bubo 26:30

Na bina kɔkpakɔ kɔni nkya abi ƒui eli ndubɔyila-ku udu na ligyingya bina oloƒui akpabi ammɔ na lɛsala bina bekpine liwi ala ekuku ani neeebo ngba mmɔ lɛlɔ na lini-mii ƒui kede kede.

Amos 3:10

Unwoti ɔnini, “Bekyuli bamɛni baaagyi kalɛ na baabla lɛbuni. Béyu bekyuli, na béƒie ani báƒɔ ɔkplu kemmo bénwini bana lɛlakɛ.”

Amos 3:11

Ɔmɛni ɔsu na Unwoti úse kenye ka badubɔka-ma bakya na bekisine babwɛ bavi bana kɔgyumanakɔ na beduo beyu bana akɛla ani na bebo mmɔ ƒui.

Amos 4:2

Ami Unwoti nkɛnku mina lɛnyi lɛni nse kedee lɛlɔ líse kenye ka uwi ɔdi ɔdubo ɔni na badubo-mii ɔbuli enwu bɔkya aani ɔdaa na bani-mii batɔlɔku na ɔdi ulébu.

Amos 5:21

“Ami Unwoti nkisi na líni bina emeyi bɔdi ku bina bɔkpa bumodi bɔmmɔ ƒui.

Amos 8:3

Na ɔ́sɔ ɔ́su-mi ɔnini, “Na limeyi lɛmmɔ lɛlɔ ni, lɛnu lɛni na beedie na kakpakɔ mmɔ ƒui lɛdubo bunwini keku ku kɔnyana buwulo sɔɔn na bekpine badubɔƒɔ kesi kesii. Anwuɔsu awɔ bile kenye na asɔ elie kpoo ataanu!”

Amos 8:7

Unwoti úse kenye ɔkɛnku kalɛ na Israelƒuɔ baabu-nwu kenye ɔnini, “Lɛɛɛdubo ala ani udu na bábla mɛni bɔyiƒala.

Sakaria 11:8

Útedu kɔbuli kunwi asa na lɛ́ya na baƒonu badane ɛtɛ badi bátɔlɔ. Na lɛ́nu ka baƒonu balayɔ-mi litemi, na ńsɔ ńtakɛ kayi ńtete-ma.

Lɛkpa Ulu 32:19

Ka Unwoti ɔ́nu ɔmɛni ni, úti kɔnyi. Na úni nwuna bebi belekubi ku bananabi.