Amos 6:3 - Katɔti Ɔku Kedee

³ Bɛ́yiƒala ka kalɛ na bilie bɛɛdi bekyuli lɛlɔ kalala kemmo ndubo bɔya Unwoti uyile bubo bubatɛku-mii litemi.

Amos 6:3 ပူးပေါင်းရင်းမြစ်များ

Kɔgya 94:20

Belikplune bani mɔɔdi lɛlɔ ni, awɔ ku-ma biiibo kɔna kɔdi, ɔsika béti ala ani na balábla siin bénwini ɔda bubo bényimi bekyuli.

Etemila 8:11

Si bɔ́nu kalɛ na bekyuli bekpidi benye baabla likyulikpi ala taasia kama na balakɛ lɛtuni lɛdi ni, na ɔɔbla-bu aani abu lɛnɔ buse kalɔ buteelie ngba bɔmmɔ udu.

Yesaia 47:7

Ɔ́bla-mii aani bɛdubo lɛga lɛmmɔ bɔdi buteesie uwi ƒui. Na bɛ́sɔ bítabu ala ani na bɛɛbla lɛlɔ bítanu, na ubo-mii kasusu kemmo ka lɛla lɛdi lɛdubo amii lɛnɔ bɔbla.

Yesaia 56:12

Na bɔsu kani na bɛɛsu lɛlɔ bɛnini, “Bɛya na bɔni-mu na bukpi-mu! Na kɔnaadi lɛnɔ ɔsia-nwu lɛlɔ lɛni kani, na bɔkya lɛlɔ ebiti.”

Kɔnyana Buwulo 4:5

Na bani mɔɔdi balakɛne adila ku lɛmwi ku lɛmwi muedi ni, batɛ beekpi ku kɔka na lɛblɔnu lɛlɔ. Na bani nási bákɔ na kɔduli kɔbuni kemmo na baaagyi ayaki adi ni, ɔƒɛni amu beli kɔwaba kemmo.

Esekiel 12:22

“Esekiel, ɔyawine ubi, eenú ka bekyuli beebó lɛgba lɛmɛni na Israel bubo bubo banini, ‘Lɛla biala uwi ɔɔví, na kenye bediene ala ani baanu muedi asɔ alalɛ kalɛ na básu.’

Esekiel 23:42

Na lɛsɛ lɛ́ƒɔ-ma lɛtɔ kemmo ku ntɛ ekpila bɔbla bɔni na bekyuli bani na bététiku básiku kalɔ kakwiidi lɛlɔ mmɔ baabla. Na banana bamɛni beete beleku bammɔ asɛɛ abuni ani na baakya ɔkwɛ ku baga kɔbwa kɔni mɔɔdia bɔnu geen.

Amos 3:10

Unwoti ɔnini, “Bekyuli bamɛni baaagyi kalɛ na baabla lɛbuni. Béyu bekyuli, na béƒie ani báƒɔ ɔkplu kemmo bénwini bana lɛlakɛ.”

Amos 3:9

Bɛkɔ litemi lɛmɛni lɛsa bite batɔnkune bani na beli kɔgyumanakɔ kɔni na bátu na Asiria ku Egyipte kɔlɔ lɛlɔ bɛnii, “Bɛsala lɛlɔ na Samaria abi eli na bɛnu ɔda bubo lɛlɔ tadi ku ekpidi lidu bamba lɛni udu na bekyuli baabla na mmɔ.”

Amos 5:12

Ami ndi Unwoti na ngyi bina ekpidi enengudi ani na bɛɛbla. Bɛɛƒɔ́ ala bɔbɛ kemmo na bɛɛyila bawabane bani nse siin lili, na biládi etemila lɛlɔ siin teete-ma.

Amos 5:18

Binye bɛɛnu ulu teete limeyi lɛni na Unwoti webo wabatɛku bekyuli litemi, nsu bɔbuɛ na muute-mii! Ɔsika limeyi lɛmmɔ lɛɛɛdubo buse buɛɛ na ɔƒɛ ɔɔɔdubo bɔlɛ munu munu. Bɔbla na ɔdubo suu geen.

Amos 6:12

Nka ɔpɔnkɔ ulakɛ taaƒulu na atakpɛ lɛlɔ, na ɔmantɛ bakɔ balada bana anwami bonwu bonwu ammɔ teegulu ɛpu anumi. Nsu amii bɛ́tu litemi geen lɛmmɔ lɛlɔ bɔdi bínwini ugyulo ukpidi, na bíti lɛbuni bɔbla bínwini likpila.

Amos 9:10

Bina badi bɛdi bekyuli bekpidi geen, na bɛɛsu bɛnii, ‘Ɔgbankpi ɔdi ɔɔɔdubo-bu bɔsiaku.’ Nsu bina ƒui bɛdubo bukpi na kuwii kenye.

Mika 6:12

“Amii balakɛne bibo kalala na bina akɔ ɔdi biala ɔɔnyi ɔkɔ.

Mateo 24:48

Nsu si ɔdi kabla ɔblane ukpidi ni, ɔdubɔsu na nwuna kayi kemmo ɔnini, ‘Mina unwoti ɔdubutu uwi geen!’

Tesalonikaƒuɔ 1 5:3

Na uwi ɔni kemmo na bekyuli baasu banii lɛla biala lɛ́ɛtɛ ni, uwi ɔmmɔ geen na ɔgbankpi adubɔlɛku-ma ɔni na baaagyi beeese. Ɔdububo aani kalɛ na kawɔƒɔ kaadu ɔƒɔndane. Na kekelikɔ kadi keeebo.

Petro 2 3:4

Na badubuye-mii banii, “Wɛ na ukyuli ɔni ndubo mmɔ ɔkya? Ɔsika ɔ́si uwi ɔni na bula bati békpi ni, lɛla lɛdi biala lɛmu lise aani uwi ɔni na bédie kayawi kalɛ!”

Budie Taatina 18:17

Nsu ɔdɔ bubo unwi kemmo kani na akɛla amɛni ƒui ébie!’ “Na lɛkɔlɔ libendi bakane ku bekyuli bani ngyi ketu lɛlɔ kabla kaduɛ ku bani ƒui mɔɔdi kuye na ntu anumi mmɔ bénye ɔgyu kakaaka.