Amos 6:1 - Katɔti Ɔku Kedee

¹ Bɔbuɛ ute amii bani nli-nwu ƒaa na Sion ku amii bani nli kɔbi lili na Samaria na bɛɛkali ka bɛ́gyi ɔban bɛ́mana bina lɛlɔ. Amii ndi lɛlɔ badine na Israel kalɔ kani náƒɔ lɛnyi ketulo mmɔ. Na Israel kadi bekyuli beebo-mii kudɔ teebevele-mii ala na beebó kalɔ teegyele-mii!

Amos 6:1 ပူးပေါင်းရင်းမြစ်များ

Baga 1 16:24

Ɔmmɔ kama ni, Omri úye kalɔ kadi na Samaria Kɔbi lɛlɔ. Na úye kalɔ kammɔ sika ɔƒualadi antabi akyami avlaatɛ unu ɔ́siku ɔnana ɔdi baalɔ-nwu Semer kudɔ. Na Omri ɔ́da ɔma unengudi ɔdi na kɔbi kɔmmɔ eli. Na úti kalɔ kammɔ ɔlati udeedi lɛnyi lɛni ndi Semer ɔ́sia ɔma ɔmmɔ na baalɔ mmɔ Samaria.

Kɔgya 123:4

Bɔma bɔni na lɛlɔ bakɛne baamá-bu búmomo bɔ́gya. Na lɛni kani na bani mɔɔnya-bu taamana lɛnɔ ablala étulo-bu kayi.

Agba 1:32

Ɔsika bekyuli bani na bana kasusu kásɔ ni, ngba bukpidi bɔni na belie ndubo-ma bɔdu. Na ala ani na badɔlɔdi baakali ka átɛ áwɔlɔ ƒui ndubo bɔya na bayii ku udu.

Yesaia 33:14

Liƒu líƒie alaekpidi bablane benengudi bani nkya Sion Kɔbi lɛlɔ na lɛlɔ lɛɛtɔ́-ma kpakpaakpa na béye banini, “Dɛ na bɔdubɔkana kesii kani na ogya ɔni mɔɔkywí teebile ala uwi ƒui na uléni mɛni bulie?”

Yeremia 2:3

Israel, ami lɛti pɛ ɔdi na ádi aani mina edula edeedi ani na lɛ́ƒɛ lɛ́siku mina kemo. Na ukyuli biala ɔni nákali ɔnii ɔɔƒɛ-ɔ ɔdi ni, ɔgbankpi ɔ́siaku-nwu.

Yeremia 48:11

“Moab lɛni bise aani ntɛ bɔni na báda bése na búlie kalɔ, ɔsika belewilimi-mu taasia kama, anwuɔsu na bina ablala aakɔ́-mi katɔ uwi ndi uwi.

Yeremia 49:31

Biiibo awodu ani mɔɔgyumana-mii na biiibo badukɛne bebunkune badi lɛnɔ. Nsu use-mii aani bibo bɔƒɔ bɔdi, anwuɔsu lɛ́su-nwu nnii ukpo-mii.

Yeremia 5:5

Ndubusie ntátɛmiku batɔnkune bammɔ, ɔsika ama bagyi lɛla lɛni na Unwoti ɔɔwia ka babla, nsu ama muedi béni na bálɛ ugyii ka belénu Unwoti litemi.

Yeremia 7:4

Bitese lɛlɔ lisusu! Ina ka Yerusalem mɛni na mina ɔtɔ unye ni, ɔɔɔdi ɔmmɔ ɔsu na bitaakali bɛnii ndubo-mii bɔgyumana.

Kɔnyana Buwulo 1:1

Aanu kalɛ na ɔma unengudi ɔmmɔ ɔ́ƒɔ lɛlɔ uwi ukpludi. Ɔma ɔni na nka bekyuli báƒɔ-nwu kemmo pii dii, ɔƒɛni amu ɔ́ta ɔ́bla aani ukpinele. Nka anwu náƒɔ lɛnyi dii na kadi bekyuli akɔ. Anwu ɔni na nka úse aani beleku ɔga na kɔlɔ kɔni na amadɔ mmɔ ƒui akɔ ɔƒɛni amu únwini bekyuli bamba kabla ɔblane.

Amos 3:2

Amii kani na lɛ́ƒuna na kayawi kadi bekyuli ƒui akɔ, anwuɔsu na ndubo-mii kɔtu bɔni na bina alaekpidi ɔsu.”

Amos 3:9

Bɛkɔ litemi lɛmɛni lɛsa bite batɔnkune bani na beli kɔgyumanakɔ kɔni na bátu na Asiria ku Egyipte kɔlɔ lɛlɔ bɛnii, “Bɛsala lɛlɔ na Samaria abi eli na bɛnu ɔda bubo lɛlɔ tadi ku ekpidi lidu bamba lɛni udu na bekyuli baabla na mmɔ.”

Amos 4:1

“Amii Samariaƒuɔ beleku bise atu na binu! Bise aani Basan ɔmantɛ bakɔ bani nélie lɛmwi, ɔsika bana balati bánu-ma lɛlɔ kaduɛ. Biláda bawabane edu munu munu. Na bani mɔɔyaki ala ni, bísusu-ma geen kalɛ na bakpa bayii bakya. Na bɛɛwia ka bina bagya beteete-mii ntɛ na bitaani uwi biala.

Amos 5:27

Anwuɔsu ndubɔya na beƒie-mii besienku ɔgyu kakaaka na Damasko kama ngye ƒui. Ami Unwoti Katɔti Ɔyikune Ƒui násu!”

Amos 8:14

Na bani mɔɔbla kɔƒa ala taakpali Samaria baƒiɔ, bani nkya Dan ku Beer-Seba teese kenye ni, badubo bubuli ɔni na basɔ balakana bɔta lɛnɔ.”

Amos 9:10

Bina badi bɛdi bekyuli bekpidi geen, na bɛɛsu bɛnii, ‘Ɔgbankpi ɔdi ɔɔɔdubo-bu bɔsiaku.’ Nsu bina ƒui bɛdubo bukpi na kuwii kenye.

Mika 3:1

Binu amii Israelƒuɔ batɔnkune! Ɔlɛka bɛti likpidi ku lɛbuni kavumana.

Seƒania 1:12

Ndubo asogya buti na lɛwia Yerusalem ƒui lɛvi na lɛni bekyuli kɔtu, bani nli ƒaa na balábla kasusu kadi taasiku ɔmɛni lɛlɔ na baakali mmomu banini, ‘Unwoti ɔɔɔdubo lɛla lɛdi bɔbla na lɛdi likpidi iye lɛbuni.’

Yakobo 1:18

Katɔti ɔkɛ ngba bɔƒɔ litemi geen lɛlɔ na ɔ́ya na bɔ́kɛ kɔyu kemmo ngba. Ɔ́bla ɔmɛni ɔ́siaku nwuna lɛƒɔyɔ lɛlɔ. Ɔsika ɔɔwia ka bɔbla bedeedi na nwuna ala ani na údie ƒui akɔ.

Yakobo 5:5

Ngba bɔni na bílie na kayawi mɛni ni, bɛ́kɛ kayawi kamɛni kemmo ebiti ku lɛlɔyɔ biala. Na bílie lɛmwi kalɛ na badu-mii na Litemi Bɔtɛ Limeyi lɛmmɔ lɛlɔ.

Petro 1 5:7

Biti bina ala ani muukpóku-mii ƒui bɛkya Katɔti enu kemmo, ɔsika anwu uuti-mii lɛlɔ kasusu uwi biala.

Litemi Batɛne 18:7

Anwuɔsu nkyuli ɛlɔ bamɛni bátɔlɔ na béduo ɔma ɔni baalɔ banii Lais. Na bánu kalɛ na bekyuli bammɔ belie ƒaa aani Sidonƒuɔ, na bese buɛɛ na beli ku atubɔyɔ. Na ɔdi ulákyaku ɔkpanadi unyeƒi. Na bébo lɛla biala baawia. Na ama ku Sidonƒuɔ bágyunku lɛlɔ, na ama ku bekyuli biala beeebo kɔna kɔdi.