Amos 5:8 - Katɔti Ɔku Kedee

⁸ Unwoti nábla ayabi lidu ɔ́kya katɔ, na enye ana kunyekɔ. Ɔɔyá na usien uugyé kadi nwaa na ɔƒɛ kadi nwaa kaasá teenwini usien. Na uudie ntu na ɛpu kemmo teewi kalɔ lɛlɔ. Nwuna lɛnyi ndi Unwoti.

Amos 5:8 ပူးပေါင်းရင်းမြစ်များ

Hiob 12:22

“Ɔɔyá na alaekpidi ani nábɛ akya kasuudikɔ ina kekpine muedi ni, aadá taalɛ keyi, na bukeye bɔƒɔ lɛla biala.

Hiob 37:13

Na ɔɔyá na ɔnantu ɔɔna na uuti taaní bekyuli kɔtu na bana ablala ɔsu, iye ɔya na ɔna uwi kalɔ kalɛ na edula adia.

Hiob 38:34

“Adubɔkana na ebo liƒlukutu ɔda anii uboku ɔnantu na aya na ɔna?

Hiob 9:9

Anwu nédie ayabi esu esu ani nkya kayaa, ɔgbini ku akpewe, akɔkɔ ku bebi, ku esu esu ani násala na kada kakɛ.

Kɔgya 104:20

Awɔ nábla lɛdisa kalɛ na beƒiebuo butaalɛ taatáwia bana lɛdila usien.

Kɔgya 105:28

Katɔti ɔ́ya na lɛdisa lɛ́ƒɔ kalɔ kammɔ ƒui. Nsu Egyipteƒuɔ bétenu-nwu litemi.

Yesaia 42:16

Na ndubɔtɔnku mina banumbwɛne bɔsiaku ulu ɔni na baaagyi kudii lɛlɔ. Na lɛkpanku-ma lɛsiaku ulu ɔni lɛlɔ na bátasia kudii lɛlɔ. Na ndubɔya na kasuudikɔ kani na bakya kenwini bukeye. Na kesii kani na kese kpukplo kpukplo kabla suɛlɛ suɛlɛ. Na ndubo ala amɛni bɔbla ɔni na lɛɛɛdubo-nya bɔda buse.

Yesaia 59:10

Na enu kani na bɔkɛ buubó aani banumbwɛne. Na ɔƒiiwi nwaa muedi bɔkɛ buutulo aani si usien na bɔkɛ iye kekpine na bɔkya.

Yeremia 16:21

Mmɔ na Unwoti údie kenye ɔnini, “Ɔmmɔ ɔsu geen na ndubo-ma lɛnunda bɔtina na banu kalɛ na mbo ɔyikun. Na badubɔnu bati ka sɔsɔ ni, ami ndi Katɔti geen ɔmmɔ.”

Amos 4:13

“Ami nédie abi ku ɔƒɛƒɛɛ. Na ami mɔɔyá na bekyuli baatí mina kasusu. Na ami mɔɔyá na ɔƒɛ kadi kaasá. Na mɔɔkɔ́ taayu abi ammɔ ƒui eli ku kesi kesii. Ami ndi Unwoti Katɔti Ɔyikune Ƒui ɔmmɔ!”

Amos 8:9

“Na limeyi lɛdubo lɛni na ndubɔya na ɔƒɛ ɔda bukeye ɔya ɔƒiiwi ketee na kalɔ kammɔ kabla suu.

Amos 9:6

Unwoti ɔmmɔ nátu nwuna lɛgadi kesii ɔ́kya katɔ kakaaka ƒui, na kana ɔka ndi kalɔ kamɛni lɛlɔ. Na ɔɔyá na ntu bɔɔsí ɛpu kemmo teebewi kalɔ lɛlɔ. Anwu ndi Unwoti.

Luka 1:79

Na ɔya na bukeye bɔmɛni bɔsi katɔ buwi bekyuli bani nli kasuudikɔ na kukpi liƒu lɛɛda-ma kalɛ na ɔkpanku-bu ɔvinku keyi buɛɛ ulu lɛlɔ.”