Amos 5:7 - Katɔti Ɔku Kedee

⁷ Amii bani mɔɔtu litemi geen teenwini na biiƒú ala taakya na bilábla ala ulu lɛlɔ siin ni, amii ɔdi ɔ́sa.

Amos 5:7 ပူးပေါင်းရင်းမြစ်များ

Kɔgya 125:5

Nsu bani nénwini básia ulu gontii lɛlɔ ni, Unwoti ɔdubuti-ma utásalaku alaekpidi bablane na ɔni-ma kɔtu. Nsu Israel anwu ni, ɔkɛ atu bɔyɔ ku keyi buɛɛ.

Kɔgya 36:3

Alaekpidi ku ɔkɔ ala sɔɔn na baatɛmi. Na bédeyi bálɛ lɛnunda ulu lɛlɔ na basɔ balábla lɛbuni lɛdi.

Agba 21:7

Ka belikplune balayɔ ka babla ala ulu lɛlɔ ɔsu ni, bana likyulikpi ala adubo-ma buyu bɔtu na ayila-ma udu.

Yesaia 1:23

Na ɔma umodi ɔmmɔ batɔnkune bénwini bekyuli bani mɔɔta teenye-mi lɛlɔ, na baadiku beyune kɔkpana, na baaƒɔ́ ala na bɔbɛ kemmo taasiku bekyuli kudɔ. Béni ka bekpo bete bekpinebi. Na bekpinele litemi ani lɛɛɛkɛ-ma munu munu.

Yesaia 10:1

Bɔbuɛ beete bekyuli, ama bani muunyimi ɔda bubo bukpidi kalɛ na bataanya bekyuli taakya.

Yesaia 46:12

Bise atu na binu, bina atu ebo ɔkplu geen, na kalɛ na bɛkana na bilie ƒaa ku atu bɔyɔ bɔ́gyunku-mii.

Yesaia 5:20

Bɔbuɛ beete bekyuli bani mɔɔnu likpidi banii lɛbuni na lɛbuni banii likpidi lɛdi, ku bani mɔɔnu lɛla suu banii bukeye, na si bánu bukeye banii lise suu, ku bani mɔɔnu ɔdu banii emini na si bánu emini banii ɔdu na ɔdi.

Yesaia 5:7

Unwoti Ɔyikune Ƒui adingyii kemo ndi nwuna bekyuli Israelƒuɔ, na Yudaƒuɔ badi nwuna kevomadɔ kemo kani mɔɔyɔ́-nwu kaƒɔ. Ɔsia anu ka batɛ bekyuli etemila ulu lɛlɔ siin Nsu ubugya kani na beewi kalɔ. Na ɔɔwia ka bekyuli babla ala siin. Nsu bekyuli keku kani na uunú ka ala étulo-ma na baanya-ma taakya ɔsu.

Esekiel 18:24

“Nsu si bekyuli bekpidi bése kalɔ ku ngba bukpidi bulie na baabla ala ani muusé lɛlɔ ni, ɔmmɔ ɔdubɔya na belie ngba? Oowo! Mmomu bana lɛbuni lɛni na bábla bávi ƒui lɛdubo bɔyii na bayiƒala-nya. Na ɔmmɔ ɔsu badubo-ma bɔdu na bana ekpidi ɔsu.

Esekiel 3:20

“Ɔƒɛni si bekyuli babuni lɛnɔ bése kalɔ baabla ekpidi na lɛ́ya na ala aabala-ma na bana ngba keliela ulu lɛlɔ na ala asɔ alátɛku-ma ni, bámanku ka bekpi. Anwuɔsu si ébulo na átalɛ-ma ni, ndubo bɔyiƒala uwi ɔni na básiaku-mi kama siin na bekpi, nsu bana kukpi kɔsia-a lɛlɔ.

Esekiel 33:18

Si bekyuli babuni bése kalɔ baabla alaekpidi ni, badubo bukpi na ekpidi ammɔ ɔsu.

Hosea 10:4

Israelƒuɔ, biinyimi ala ani neeebo kɔsia na biládi bina linyese biala lɛlɔ, na biinwíni litemi geen taatɛ na ulu ukpidi lɛlɔ aani kalɛ na livo likpidi lɛɛkwɛ́ taaƒɔ kemo kani kemmo na ɔlɛka edula enye.

Amos 2:3

ku nwuna baga ku batɔnkune bammɔ. Ami Unwoti násu!”

Amos 3:10

Unwoti ɔnini, “Bekyuli bamɛni baaagyi kalɛ na baabla lɛbuni. Béyu bekyuli, na béƒie ani báƒɔ ɔkplu kemmo bénwini bana lɛlakɛ.”

Amos 6:12

Nka ɔpɔnkɔ ulakɛ taaƒulu na atakpɛ lɛlɔ, na ɔmantɛ bakɔ balada bana anwami bonwu bonwu ammɔ teegulu ɛpu anumi. Nsu amii bɛ́tu litemi geen lɛmmɔ lɛlɔ bɔdi bínwini ugyulo ukpidi, na bíti lɛbuni bɔbla bínwini likpila.

Mika 3:9

Anwuɔsu binu kenye kani na nda líboku amii Israelƒuɔ batɔnkune! Bikisi litemi lɛlɔ bɔdi ulu siin lɛlɔ na biinwíni litemi geen lɛmmɔ taalɛ.

Habakuk 1:4

Belenye bekyuli lɛlɔ na badi ƒula ɔda bubo lɛlɔ. Na litemi bɔtɛ ulu siin lɛlɔ amu bɔ́yii udu kula kula. Bakantankpine báka ƒula bekyuli babuni bákya na bátu ƒula ɔda bubo bénwini kalɛ kalɛ na ama baayɔ́.

Seƒania 1:6

Bekyuli bani ƒui nénwini kama bákya-mi na basɔ balani teede-mi ka bebenu-mi litemi ni, ndubo-ma lɛla biala bɔyila kede kede.

Lɛkpa Ulu 29:18

Anwuɔsu bɛnu kaduɛ kalɛ na bina akɔ ɔdi ɔnana iye uleku iye ɔtɔ iye kɔdua kɔdi kayi kelénwini kama kalakya bula Unwoti Katɔti na usie utákpa bana baƒiɔ bammɔ badi. Bɛnu kaduɛ na ɔdi utebile ɔdi kasusu aani kugyii kɔni ntu mbo ɔdu ukpidi ɔdi na bina akɔ.