Amos 5:6 - Katɔti Ɔku Kedee

⁶ Bɛwia Unwoti kama ulu na bilie ngba! Si ɔɔɔdi lɛni ni, Unwoti ɔdubo ubakyula-mii aani ogya kalɛ. Na Betel ɔdubo bɔkywi kputu kputu buwi kalɔ ɔni na ukyuli ɔdi ulakana-nwu bunine.

Amos 5:6 ပူးပေါင်းရင်းမြစ်များ

Samuel 2 19:20

Ɔsika ami ƒula kabla ɔblane ngyi ka lɛ́bla likpidi. Nsu ɔmwi ni, líbo mɛni aani Yoseƒ kɔdua kemmo ubi udeedi ka mbasiaku awɔ mina ati ku ɔga.”

Baga 1 11:28

Na uwi ɔmmɔ ni, Yerobeam ɔdi okloƒu ɔni na úbo ɔlɔkplu. Na uwi ɔni na Salomo lɛnɔ ɔ́ti kalɛ na ɔɔkya ɔyikun taabla kabla kogyoklo mmɔ ni, úti-nwu ɔ́bla Yoseƒ ɔtɔ bekyuli bani mɔɔbla kabla teete-nwu ɔtɔnkune.

Ala Alɛdi 2 34:25

Yuda ku Israel bekyuli ƒui béni-mi. Na bábla akpala béte kadi bamba baƒiɔ ku ala ani na ama alati bávɔ béte lɛlɔ. Na nsɔ lɛɛɛdubo bɔkana bunye bɔnu ɔmɛni gyɔlɔɔ, ɔsika livo liiƒí-mi geen.

Kɔgya 27:8

Unwoti, mina kayi kaasu-mi ka lɛni lide-ɔ. Anwuɔsu na líbo-ɔ kudɔ.

Kɔgya 69:33

Ɔsika Katɔti uunú bawabane bɔkpali na ulédie nwuna badi atu na basɔ bakya lɛbibo kemmo.

Israelƒuɔ Bɔlɛ 22:6

“Si ɔdi ɔ́kya nwuna kemo ogya na ogya ɔmmɔ ɔ́via útákyula ukyuli bamba edula ani nnye-nwu kemo iye ɔ́kyula-nwu kemo kammɔ ƒui ni, ɔlɛka ukyuli ɔni nákya ogya ɔmmɔ uti kemo kammɔ udu bamba ɔƒɔ ɔni ala na úbile kayu.

Yesaia 1:31

Na bina bayikune ƒui badubɔyii aani kalɛ na keti kaakywí na ɔdi ulakana bunine.”

Yesaia 55:3

“Bise atu kaduɛ na bibo-mi kudɔ, na bɛkɛ ngba bilie. Na kenye kani na lɛ́su Dawid líse ni, ndubuse amii lɛnɔ kenye kammɔ, na lɛyɔ-mii uwi ƒui na bɛnu kalɛ na mɔɔdi mina litemi lɛlɔ uwi ndi uwi.

Yesaia 55:6

Bɛwia Unwoti ɔƒɛni, ɔsika bɛdubɔkana na bɛnu-nwu. Na bɛkpali-nwu, ɔsika ude-mii na ɔdubunu-mii bɔkpali.

Yeremia 38:20

Amu na lɛ́su-nwu nnini, “Lɛ́su-ɔ ka si adubunu Unwoti litemi ni, Babilonƒuɔ baaadubo-ɔ buti bɔkya Yudaƒuɔ enu kemmo, mmomu adubulie ƒaa na ala adianku-ɔ kaduɛ.

Yeremia 4:4

Biti bina kayi ƒui biƒie lɛla lɛna na línyimiku-mii ƒui bɛda. Nsu si bítada bina atuɔkplu bítaya na bɛmu binye bɛɛbla ekpidi ni, mina kɔnyi kɔdubo-mii lɛlɔ aani kalɛ na ogya ɔɔkyula lɛla lɛdi na balakana-nwu bunine.”

Yeremia 7:20

“Na ɔƒaani ni, ami Unwoti Ɔyikune Ƒui ndubɔya na mina kɔnyi kubo-ma lɛlɔ aani kalɛ na ketu keeyi teedie ukyuli útédu uwi ɔni na bekyuli o-o, bebuo o-o, egyii o-o, edula o-o ni, lɛla biala lɛsɔ lilébu lilakya kalɔ kammɔ lɛlɔ.”

Esekiel 21:3

Na ndubo-ma kɔtu bɔni. Ndubo mina kewii bɔni bɔkpa na lɛdu ukyuli biala babuni ku bekpidi ƒui.

Esekiel 33:11

Su-ma anii kede kede nwaa ni, ami Unwoti Katɔti ɔni na nli ngba uwi ƒui mɛni ni, naaawia ukyuli ukpidi kukpi. Mmomu lɛlɔ mɔɔyɔ́-mi ka lɛnu ka ɔvumana udu na ɔ́da likpidi bɔbla ɔ́ya. Anwuɔsu si Israelƒuɔ baayɔ́ ka belie ngba bɔdi ni, ɔlɛka bada ekpidi bɔbla baya na benwini bebo-mi kudɔ.

Esekiel 37:19

na asu-ma anii, ‘Ami Unwoti ndubo Israel ku Yuda ligyii inyɔ bɔmɛni bɔsala bɔda mina kɔnu kemmo na bana inyɔ benwini bekyuli benwi.’

Amos 3:14

“Na limeyi lɛni lɛlɔ na ndubo Israelƒuɔ kɔtu bɔni na bana ekpidi ɔsu ni, ndubo Betel akpabi ammɔ ƒui bɔbwɛ na lɛƒɛ ese ani na bálɛ akpabi ammɔ lɛlɔ ƒui lɛva kalɔ na ɔtumu akɔ.

Amos 5:14

Nsu si ngba na bɛɛwia bilie bɔdi ni, ɔlɛka bɛda likpidi bɔbla bɛya na bise kalɔ bitaabla lɛbuni. Mmɔ asa na ami Unwoti Katɔti Ɔyikune Ƒui ndubɔkana na lilieku-mii aani kalɛ na amii alati bɛɛsu.

Amos 5:4

Unwoti unye ɔɔsu uwi biala ɔnini, “Israel, bɛwia ami Unwoti kama ulu na bɛkɛ ngba bilie!

Amos 6:6

Na si ntɛ bɔkya wɛ bɛdubo bɔya na beti-mu beboku-mii na bɛni-mu ɔdivo kemmo bɛsia kama. Na bɛɛwɛɛ ligyulo ƒɛƒɛɛ lidu lidu lɛni náƒɔ kuye na bɛɛɛdaku-ni si bɔbwɛ Israel kalɔ kemodi kammɔ kaabwɛ.

Seƒania 2:3

Na si biiboku lɛlɔ kalɔ na biinú Unwoti litemi bɔdi ni, amu bibo na bibakya-nwu lili kalɔ. Na si bíboku lɛlɔ kalɔ na bɛɛbla ala siin ni, ɔƒɛni kalɛ bɛdubɔkɛ bɔƒɔ na limeyi lɛmmɔ lɛlɔ uwi ɔni na Unwoti ɔdubudie nwuna kɔnyi keyi.

Sakaria 10:6

“Ndubɔkya Yudaƒuɔ ku Israelƒuɔ lɛga kɔdikɔ kɔmmɔ ɔyikun. Na ndubɔnu-ma kɔnyana, ɔsika ami ndi Unwoti, bana Katɔti. Ndubunu-ma buvele na lɛkpanku-ma liboku ɔma na ɔbla aani si buni na ńteni-ma kudii.

Lɛkpa Ulu 32:22

“Mina kɔnyi kɔdubo bɔta bɔda aani ogya kalɛ na lɛkyula lɛla biala na kayawi. Na ɔvi utákyula lɛla biala na lɛkya kalɔ kalɔ. Na ɔkyula abi ƒui.

Lɛkpa Ulu 4:24

Ɔsika si bɛ́bla lɛni ni, bina Unwoti Katɔti ɔdubuti kɔnyi. Ɔsika uukpó kogyulo na use aani Ogya na ɔkana na ɔkyula-mii.

Yosua 18:5

Na Yosua ɔ́su-ma ka bele kalɔ kammɔ akpa maatɛ. Na Yuda kaba benye besie ɔmii ɔni ntɛ úsie kada kakɛ. Na Yoseƒ kaba benye besie ɔmii ɔni ntɛ úsie katɔ kakɛ.