Amos 5:22 - Katɔti Ɔku Kedee

²² Na lɛɛɛdubo bina etela ku bebuo bani na bɛɛkyula teete-mi bɔƒɔ ina dɛ na bɛ́klibi-nya na adi akpala enengudi ƒui ani na bɛɛnu ka adia. Bina lɛsɛ likpludi lɛmmɔ lɛ́wɔ ɔƒaamu.

Amos 5:22 ပူးပေါင်းရင်းမြစ်များ

Kɔgya 116:17

Ndubuti linugya etela mbakpa lite-ɔ.

Kɔgya 40:6

Akpala ku etela alaƒɔ-ɔ anu. Na aláwia anii bekyuli beboku akpala ani bákyula ku ekpidi lili buvele akpala. Mmomu anii nse atu na linu ƒula litemi.

Kɔgya 50:23

Ukyuli ɔni muuti enugya teenwini akpala teete-mi ni, uuti ɔbu teete-mi na ndubɔƒɔ-nwu ngba.

Agba 15:8

Bekyuli bekpidi akpala ni, Unwoti ukisi-nya. Nsu lɛlɔ lɛɛyɔ́-nwu si bekyuli bani nse siin baakpali-nwu.

Agba 21:27

Unwoti ukisi ukyuli ukpidi akpala. Na ɔni nsɔ ntulo ƒui ndi ka ute-nya ku kasusu kekpidi ka ɔkɛ nwuna lɛla lɛdi ɔsu.

Yesaia 1:11

Unwoti ɔnini, “Bina akpala pii ani na biiboku-mi alaƒɔ-mi anu. Límo-nya na aaba-mi ɔkwɛ! Bi mɔɔka-nya? Na bina baƒonu ku bebuo bamba ƒui lɛmwi ni, naaawia-ni naaanu. Bina ɔmantɛ bakɔ ku baƒonu ku bese bammɔ ubugya uusé-mi lɛlɔ na naaawia-nwu naaanu.

Yesaia 66:3

Nsu ukyuli biala nádu ɔmantɛ akɔ ka ɔkpa ute-mi ni, use aani ukyuli ɔni nádu nwuna ukyuli ɔkpana. Na ɔdi biala nádu koƒonubi ka ɔkpa ute-mi ni, use aani ukyuli ɔni náƒɛ akpewe limɔ. Na ɔdi biala néti kakpa edula ebi ka ubakpa ute-mi ni, use aani ukyuli ɔni néti ɔplakuo ubugya uboku-mi. Na ɔdi biala makyula oloƒui mete-mi use aani ukyuli ɔni mɔɔkpá baƒiɔ. Amii alati bɛ́ƒuna ala ani na bɛɛyɔ́ bíte lɛlɔ na binye bɛɛbla ala ani muusé lɛlɔ mɛni, ka anya mɔɔda-mii kubiti ɔsu.

Yeremia 14:10

“Mina bekyuli, bɛɛyɔ́ ka bitaagyú lɛgba taatɔlɔ-mi kudɔ uwi ndi uwi na bilakya ɔkplu ka bɛni bide-mi. Anwuɔsu ɔƒɛni ni, ami lɛnɔ ndubo-mii atu budie. Na lɛni-mii kɔtu na bina ekpidi ani na bɛ́bla ɔsu. Ami Unwoti násu.”

Yeremia 6:20

Amii Yudaƒuɔ, bɛda oloƒui bɛ́siku Seeba kalɔ lɛlɔ bíboku-mi ku kutu akyala ƒɛƒɛɛ ani na bɛ́siku kalɔ ɔgyu kakaaka bíboku-mi. Na bɛɛbla akpala lidu lidu lɛnɔ. Nsu bi ɔsu na binye biikpóku lɛlɔ lɛni? Bina etela ammɔ ƒui adi ala ani muusé-mi lɛlɔ na muukisi-nya geen!

Yeremia 7:21

Unwoti ɔ́su-mi ɔnii ntásu Yudaƒuɔ ɔnini, “Ami ndi Unwoti Ɔyikune Ƒui, Israel Katɔti, nsu lɛɛɛdubo akpala adi bɔƒɔ bɔsiku-mii kudɔ. Anwuɔsu bitekpoku lɛlɔ muedi bɛnii biiti adi biboku-mi. Amii alati biƒulo bina lɛna bɛkun.

Lewiƒuɔ Ɔda Bubo 7:11

“ ‘Ɔƒɛni mɔɔwia ka enu ɔda bubo bɔni lɛlɔ na badubɔsia na babla unwi bɔbla akpala ani na badubuti beboku Unwoti anumi.

Amos 5:23

Nsɔ lɛɛɛdubo-mii atu bɔkywɛɛ si uwi ɔni na bɛɛgyá bina lɛbentaa.

Malakai 1:9

“Ngba bukpidi bɔmɛni na bilie, nsu bɛɛkpali teevele kusɛ kusɛ. Amii alati bɛnu si ndubɔnu-mii kɔnyana na ɔbladu ɔmɛni ɔsu. Lɛni na Unwoti ɔ́su.”

Samuel 1 15:22

Nsu Samuel údie kenye ɔnini, “Akpala na Unwoti ɔɔwia ɔnii bakyula bete-nwu, munuu nwuna litemi lɛlɔ na ɔɔwia ka bekyuli badi? Si eenú-nwu litemi na aadi-ni lɛlɔ ni, ɔdia utulo ka eti akpala iye baƒonu lɛmwi akpa ete-nwu.