Amos 5:20 - Katɔti Ɔku Kedee

²⁰ Limeyi lɛni na Unwoti ɔdubulie kalɔ ɔnii litemi na ɔɔtɛ ni, ɔdubo bɔbla suu geen na bukeye bɔdi bulakya kesi kesii munu munu.

Amos 5:20 ပူးပေါင်းရင်းမြစ်များ

Yesaia 13:10

Na kayaa ayabi lidu ƒui asɔ elekeye. Na ɔƒɛ ɔni nátu ɔdubo lɛnɔ adubɔbla suu. Lɛni kani na kɔbuli lɛnɔ kɔsɔ kɔɔɔdubo bukeye.

Yesaia 8:22

Na si báyula anumi kalɔ lɛnɔ ni, lɛƒɛda lɛmmɔ kani na badubo bɔnu na ɔbla-ma suu na liƒu geen lɛƒɔ-ma lɛlɔ kemmo ƒui na basɔ bakya lɛdisa suu lɛmmɔ kemmo.

Esekiel 34:12

aani kalɛ na baƒonu ɔdane ɔɔsia baƒonu bani náyii kama. Ɔ́si kɔnyana limeyi suu lɛni kani na bégyingya-ma bákya kalɔ lɛlɔ kadi bekyuli akɔ ni, uwi ɔmmɔ kani lɛlɔ na mina baƒonu báyii. Nsu ndubo bukpo bɔƒɔ-ma ƒui

Yoel 2:2

Na limeyi lɛmmɔ lɛdubo bɔbla suu, na liƒlukutu suu lɛdi lɛƒɔ kayaa ku abi lɛlɔ. Na bekpone lisu bonwu lɛdi lɛdubɔda lɛlɛ bani udu nétedie tɔ lɛlɔ kudii na badi lɛnɔ basɔ belebo kudii.

Obadia 1:15

“Limeyi lɛdubo lɛni na ami Unwoti ndubɔtɛku kadi ƒui litemi. Na amii Edomƒuɔ ni, bɛdubɔƒɔ kayu kani ƒui na bɛda na bina ablala kenye.

Nahum 1:8

Nsu nwuna bekisine ama ni, ɔɔbɔku-ma taatákya kasuudikɔ aani kalɛ na ketu kani néyi kaagbála ala ku kɔku momoomo taatɔlɔku, na ɔyila-ma udu.

Seƒania 1:15

Limeyi lɛmmɔ lɛdubɔbla kɔnyi ku lɛbibo ku ɔlɛ bunu pii, ɔsika limeyi lɛmmɔ lɛdanku ɔgbankpi ɔni ndubo bekyuli bɔyila. Na lɛdisa lɛdubɔƒɔ lɛla biala na bekyuli bayila lɛnunsia biala. Na liƒlukutu lɛdubɔya na ɔyuli ubi lɛla biala na ɔƒɛƒɛɛ kpakplaa uteekpo.

Mateo 22:13

“Amu na ɔ́su nwuna bagyumanane mmɔ ɔnini, ‘Bibo kɔgba bɛda-nwu enu ku lɛgba, na bibo-nwu bɛlɛku bitákya kasuudikɔ. Mmɔ na keku ku animi bɔdu bɔdubɔkya.’ ”

Mateo 24:29

“Na lɛbibo emeyi ammɔ kama ni, ɔƒɛ ɔdubɔbla suu, na kɔbuli kɔsɔ kulekeye lɛnɔ, na ayabi adubɔnu asi katɔ, na kayaa ɔyikun ƒui ɔdubɔkunku.

Yuda 1:13

Bese aani ɛpu ntu bɔni mɔɔnwanɛ lɛlɔ ku avlɔvɔ. Bana kɔƒa ala na bada baatina lɛlɔ aani kalɛ na avlɔvɔ aata. Na bese aani ayabi ani mɔɔkpa na kayaa na aayii. Bekyuli bamɛni udu geen na Katɔti ɔ́klibi kasuudikɔ kammɔ úse ka uti-ma ɔkya mmɔ uwi ƒui.

Budie Taatina 16:10

Amu na ɔtu ɔlɔndi úwilimi lɛla lɛni nkya nwuna kalaku kemmo úwi eƒiebuo ɔmmɔ lɛgaboku lɛlɔ. Na kalɔ kani lɛlɔ na eƒiebuo ɔmmɔ ɔɔdi lɛga ƒui kábla suu kɔnakunwi! Na bekyuli baadu anyi na lɛbibo ɔsu.