Amos 5:2 - Katɔti Ɔku Kedee

² “Awɔ ɔni nse aani adagyaa ni, ébuli, na asɔ aaadubo bɔkana bɔta bunye ligeen kudii. Aanu-ɔ ntɛ enukplu ɔni na asɔ eeebo lɛla lɛdi bɔbla, na eeebo ukyuli ɔni mebunku-ɔ lɛnɔ.”

Amos 5:2 ပူးပေါင်းရင်းမြစ်များ

Baga 2 15:29

Na uwi ɔni na Peka ɔdi ɔga na Israel ni, Asiriaƒuɔ ɔga ɔni baalɔ Tiglat-Pileser úkpo ɔ́ƒɔ Iyon ku Abel-Bet-Maaka ku Yanoa ku Kedes ku Hasor ku Gilead ku Galilea ku Naƒtali lɛma ƒui. Na úƒie bekyuli bammɔ úsienku Asiria na útákya-ma ɔtɔ.

Baga 2 17:16

Na báda bávia bana Unwoti Katɔti ɔda ɔni ƒui na úbo-ma lɛlɔ. Na bávɔ ɔmantɛ bakɔ bebi inyɔ udu bálɛ na baakpá-ma ku Asera ɔƒiɔgyii. Na baakya lili kalɔ teete ayabi ku Baal baƒiɔ.

Yesaia 14:21

Bɛklibi kesii kadi na bɛdu alaekpidi ɔblane ɔmɛni bebi, na bana bati ekpidi ɔsu. Na ɔdi ɔsɔ utakɔ utetédu ka ɔɔkɛ́ ɔyikun na ɔsɔ utaadi kayawi lɛlɔ, na ɔtu lɛma linengudi uyile kalɔ lɛlɔ.

Yesaia 24:20

Kayawi kemodi kammɔ ƒui kágbanta késela aani ntɛ ukpine. Na use aani kabwa kani na ɔƒɛƒɛɛ ɔdanku ɔɔvínku, na nwuna atuɔkplu ku litemi lɛlɔ tadi únwini etila asia-nwu lɛlɔ, na ánya-nwu ámana na ɔsɔ ɔɔɔdubo bɔkana bɔta.

Yesaia 3:8

Yerusalem ku Yuda lɛma ƒui lɛdubo bubie na ala ƒui eƒu akya, ɔsika bana etemila áta énye Unwoti lɛlɔ, na béni ka babu anwu ɔni muukeye na bana akɔ.

Yesaia 37:22

ami Unwoti lɛ́ya na Yerusalem ɔni ndi ugblebi adagyaa ɔ́pii Sanaherib, na ɔɔmá-nwu, na bukeli bɔni na ɔdubo bukeli ɔsu.

Yesaia 43:17

Ami kani nédie bekpone badi ulu na báta básia-mii kama na belie bapɔnkɔ lɛlɔ ku kɛɛkɛ kemmo. Nsu ɔƒaani ni, bana ƒui békpi ɔni na bɔsɔ bɔta buuubo ɔdi lɛlɔ. Na bélieku asogya ɔni kabuli mɔɔda na báni-ka bédie-nwu kemmo kɔnakunwi.

Yeremia 14:17

“Yeremia, sie na atásu-ma ala amɛni ƒui ku kalɛ na ƒula lɛlɔ kemmo kaabla-a taasiku ala amɛni lɛlɔ.” Anwuɔsu lɛ́su-ma nnini, “Imii bɔdubɔƒɔ-mi anumi usien ku ɔƒɛ, ɔsika mina kadi bekyuli badubo ɔlɛ ukpidi bɔƒɔ ɔni ndubo-ma bɔdu.

Yeremia 18:13

“Anwuɔsu na ami Unwoti lídie-mii lɛdi nnii biye kadi bekyuli bammɔ ƒui binu si badi báabla likpidi bonwu lɛni udu na bɛ́bla mɛni na bínu dii.

Yeremia 2:27

Amii bani mɔɔsu egyii bɛnii, ‘Amii ndi bula bati,’ na bɛɛsu atabi bɛnii, ‘Amii náwɔ-bu.’ Ɔsika bina kama na bínwini bɛɛtina-mi na ɔɔɔdi bina anumi. Nsu ka ala eekpóku-mii ni, bɛ́kpali bɛnini, ‘Bo na ebebunku-bu!’

Yeremia 31:4

Bɛ́ƒɔ-mi uye geen. Anwuɔsu ndubɔsɔku bina kalɔ lɛtu. Na bɛdubo bɔsɔ bɔtɔ ku ebiti na bɛgya bina lɛbentaa.

Yeremia 4:20

Na mɔɔnu teemene kalɛ na bekisine baadi-bu lɛlɔ taasia kama na beebile lɛla biala. Na mina kaduli muedi bébo-ka bábwɛ ɔni na útaƒɔ uwi ɔdi.

Yeremia 50:32

Aatalaku lɛlɔ katɔ, nsu adubo butulo na ebuli na ɔdi biala ɔɔɔdubo-ɔ bubunku na ata. Na ndubɔya na batu ogya bakya ƒula akpaklɔ lɛma ƒui. Na lɛla biala náka lɛ́mana-a lɛdubo butaada ogya.

Yeremia 51:64

‘Lɛni na Babilon ɔdubo bɔnyi busie kalɔ kalɔ si uwi ɔni Unwoti ɔdubo kalɔ kammɔ bɔkyula. Na ukyuli biala na ɔma unengudi ɔmmɔ kemmo ɔdubo bukpi balákɛ ɔyikun ɔni na basɔ benwini bebo ngba.’ ” Yeremia ala ani na únweni ni, édu kawɔlɔkɔ.

Yeremia 8:4

Unwoti ɔnini, “Amii Yerusalemƒuɔ, si ukyuli útulo na úbuli ni, bɔta na ɔsɔ ɔɔta. Na si ulu ukpidi lɛlɔ na ɔ́sia úsela ni, bunwini na uunwíni kama.

Yeremia 9:21

Bɔkya bula kɔgyumanakɔ kpakplaa kɔni na bɔ́tu kemmo, nsu kukpi kúyu kɔ́sia kúduo-bu lɛlɔ na kɔ́du bula banamu bani nli mɔɔƒia muedi ku bula bakloƒu bani mbo ɔyikun betulo ƒui.

Yeremia 9:9

Lɛ lɛla lɛdi lɛnumi te-mi na ɔdi kasusu kabuni kani ɔsu na bekyuli bamɛni bátamanku kɔtu bɔni? Ami Unwoti Ɔyikune Ƒui nátɛmi.

Kɔnyana Buwulo 2:13

Sion, dɛ na ndubɔkana-a kɔnu bɔsia na ƒula lɛbibo bonwu lɛmɛni kemmo? O Yerusalem, ɔma unengudi ɔbuni, bi na ndubɔkana na lɛsu lɛsiku-ɔ lɛlɔ? Na dɛ na ndubɔkana-a budie bɔlɛku kesii kani gbion aani ɛpu mɛni kemmo?

Hosea 14:1

Israel, sɔ nwini bo ƒula Unwoti Katɔti kudɔ. Ɔsika likpidi lɛ́ya na ébuli.

Hosea 6:2

Ɔdubo bɔya na bɔsɔ bɔta na abu ku-nwu bɔsɔ bulie bɔsala na emeyi anyɔ ku atɛ kama.

Amos 8:14

Na bani mɔɔbla kɔƒa ala taakpali Samaria baƒiɔ, bani nkya Dan ku Beer-Seba teese kenye ni, badubo bubuli ɔni na basɔ balakana bɔta lɛnɔ.”

Amos 9:11

“Nwuna kama ni, ndubɔsɔ libo na mbasɔku Dawid lɛga kadikɔ lise na lɛklibi ala ani néebie mmɔ, na asɔ atɛ kaduɛ.