Amos 5:16 - Katɔti Ɔku Kedee

¹⁶ Ɔsika Unwoti úuse kenye ɔnini, “Keku buwulo bɔdubɔƒɔ lɛblɔnu lɛmmɔ lɛlɔ ƒui na kɔnyana ku ɔlɛ bunu geen bɔdubɔkya kesi kesii. Na bemonsene bani kabla naaaƒɔ anu muedi badubɔlɔ-ma na bebebunku bani na báƒɔ lɛkwanu budie enu na bebewulo bekpine bammɔ bava.

Amos 5:16 ပူးပေါင်းရင်းမြစ်များ

Ala Alɛdi 2 35:25

Amu na Kenye Udiene Yeremia údie ɔkwanu ɔdi úti ɔ́kɔliku-nwu lɛnyi katɔ. Na ɔ́si uwi ɔmmɔ lɛlɔ ni, ukyuli biala muuwulo Yosia kukpi ni, uudie ɔkwanu ɔmmɔ. Na bénweni ɔnu ɔmmɔ bákya lɛkwanu ɔku kemmo.

Yesaia 15:8

Na kɔku kɔni na Moab kalɔ lɛlɔ bekyuli baabla ni, kɔvanu kɔmmɔ ku kɔnyana etemila aaku teetéwi Eglaim na ɔkɛ mmɔ útédu Ber-Elim na kalɔ kammɔ ɔmii lɛlɔ muedi.

Yesaia 22:12

Uwi ɔmmɔ ni, Unwoti Katɔti Ɔyikune Ƒui ɔ́lɔ-mii ɔnii biwulo keku ku kɔnyana geen, na bikpeyi bina eli na biti adikpi binyimi,

Yeremia 4:31

Muunú aani si ukyuli muudumo ku keku. Uleku ɔdi ntɛ kɔkwalawɔ? Oowo, Yerusalem na ɔdi mɔɔnwuna taanɔ na ɔtɛ uuvele ka banu-nwu kɔnyana na ɔɔsu ɔnini, “Bukpi na nda! Bádu-mi.”

Yeremia 9:10

“Muuwulo teete bebuo kadikɔ kani na kakya abi lɛlɔ. Likpo lɛmmɔ lɛ́kwii na livo lɛbuni lɛdi lɛsɔ liiibo mmɔ, ɔsika ɔƒɛ ɔ́kyula lɛla biala na belusiene muedi basɔ balásia mmɔ. Na Ɔmantɛ bebuo ku alakpi akɔ bebuo ku baasɛ ƒui báyii na badi basɔ beeebo mmɔ.”

Yeremia 9:16

Na ndubo-ma bugyingya bɔkya na lɛbɔku-ma ntákya kaƒɔ kakaaka kesii kani kɔku na ama ku bana bati kuuku bétenu kudii. Na kawɔlɔkɔ ni, ndubo bɔya na bana bekisine bekpone bebo babadu bana bekplodi ɛlɛɛ bani mebu.”

Hosea 4:3

Ɔmmɔ ɔsu na bina kalɔ ƒui kénwini ketele kalɔ kakwiidi na káyii udu, na bekyuli ku bebuo ku baasɛ bani nkya-ka kemmo ƒui lɛnɔ beekpi.

Yoel 1:11

Biteewulo kɔnyana momoomo amii bemonsene ku adingyii lɛlɔ banune ƒui. Anta ku kakpa ƒui káyii udu na mmo ƒui lɛlɔ ɔni na edula adi asɔ eeenye na baƒɛ.

Yoel 1:14

Bɛlɔ benengu bammɔ ku bekyuli bani ƒui nkya kalɔ kammɔ lɛlɔ na bɛsa bɔsa kedee na mina lɛnyi lɛlɔ na Unwoti kakpakɔ na ete-ma bɔti na benyimi kenye ku lɛlɔ kalɔ buboku ku lɛlɔ bɔti bɔda sɛɛn. Na bewulo bakpali Unwoti bevele-nwu.

Yoel 1:15

Bɔ́nu lɛla lɛni na balanu! Unwoti limeyi lɛmmɔ lɛ́tua-bu na nwuna kɔtu bɔni bonwu bɔmmɔ bɔ́da-bu bɔ́kya.

Yoel 1:8

Biwulo keku geen aani ugblebi ɔni náyila ɔnana ɔni na ɔdubo bulieku.

Amos 3:13

Unwoti Katɔti Ɔyikune Ƒui néte-mi kenye kamɛni ɔnii nkɔ-ka lɛsa na liti libo-mii ɔda, amii Yakob kaba kemmo bebi ɔnini,

Amos 5:27

Anwuɔsu ndubɔya na beƒie-mii besienku ɔgyu kakaaka na Damasko kama ngye ƒui. Ami Unwoti Katɔti Ɔyikune Ƒui násu!”

Amos 8:10

Na bina emeyi buni ani na bɛɛdi ƒui ndubɔya na enwini keku ku kɔnyana buwulo sɔɔn. Na bina adala adubunwini adikpi ekuku na bikpeyi eli bɛkɛ bitaavi. Na ɔdubɔbla aani si ubi unwi pɛ ɔni na ukyuli ɔdi ubo náyii-nwu na uuwulo. Na limeyi limodi lɛmmɔ lɛdubɔbla ɔdu kati kati sɔɔn limeyi.”

Amos 8:3

Na ɔ́sɔ ɔ́su-mi ɔnini, “Na limeyi lɛmmɔ lɛlɔ ni, lɛnu lɛni na beedie na kakpakɔ mmɔ ƒui lɛdubo bunwini keku ku kɔnyana buwulo sɔɔn na bekpine badubɔƒɔ kesi kesii. Anwuɔsu awɔ bile kenye na asɔ elie kpoo ataanu!”

Mika 1:8

Ɔgbankpi ɔmɛni ɔsu na nkɛ lɛgbakplu ku kasɔngya. Na biinú mina kɔvanu aani ebuoƒuala ɔni nkɛ mɔɔkwanyi ku keku kani muuwulo teedumo aani likuku.

Mika 2:4

Si uwi ɔni na ala amɛni álɛ ni, bekyuli badubo-mii kenye bunye na batu kɔnyana ɔnu ɔmɛni basiku-mii lɛlɔ banini, ‘Bɔ́yii udu! Bɔ́yii udu kede kede! Unwoti ɔ́ƒɔ-bu kalɔ úte bula bekisine.’ ”

Budie Taatina 18:10

Baga bamɛni badubunye ɔgyu kakaaka bataanu ala amɛni, ɔsika baayia ka ɔma ɔmmɔ lɛbibo lɛmmɔ udu lɛdububo-ma lɛlɔ. Na badubɔsu banini, “ ‘Bɔbuɛ! Bɔbuɛ! Ɔma ɔni mbo ɔyikun! Babilon, ɔma bonwu ɔmmɔ! Ɔdɔ bubo unwi kemmo kani na ƒula kɔtu bɔni kɔ́da kɔ́lɛ-ɔ lɛlɔ!’

Budie Taatina 18:19

Amu na béti enu béwi lili na béwulo kɔnyana geen na básu banini, “ ‘Bɔbuɛ, bɔbuɛ na buute ɔma unengudi ɔmɛni. Kesii kani na bekyuli bani mbo lɛkɔlɔ bonwu na beesiénku-ni ntu anumi bákɛ bana lɛkɛ! Ɔdɔ bubo unwi kemmo kani ni, lɛla biala líbie!