Amos 5:14 - Katɔti Ɔku Kedee

¹⁴ Nsu si ngba na bɛɛwia bilie bɔdi ni, ɔlɛka bɛda likpidi bɔbla bɛya na bise kalɔ bitaabla lɛbuni. Mmɔ asa na ami Unwoti Katɔti Ɔyikune Ƒui ndubɔkana na lilieku-mii aani kalɛ na amii alati bɛɛsu.

Amos 5:14 ပူးပေါင်းရင်းမြစ်များ

Ala Kalɔ Buse 39:23

Na bédie lɛla biala atu na bányonu ana ƒui bákya Yoseƒ enu kemmo, ɔsika Unwoti Katɔti ɔsiaku Yoseƒ ɔni na lɛla biala na ɔɔbla ni, lɛɛtɛ kaduɛ.

Ala Alɛdi 1 28:20

Anwuɔsu sia anu na akya kayi na abla lɛla biala aani kalɛ na bɔtaa bɔmɛni bɔɔtina. Na tayia na enu lɛnɔ ataƒɛ-ɔ, ɔsika Unwoti mina Katɔti ɔdubo-ɔ bubunku na abla lɛla biala lɛni na ɔdi ka abla na eti awɔlɔ kakpakɔ kammɔ bɔtu kalɛ na bekyuli beteesie mmɔ taatákpa-nwu.

Ala Alɛdi 2 15:2

Mmɔ kani na Asaria ɔ́ta kɔnakunwi úsie Asa kudɔ na útásu-nwu ɔnini, “Awɔ Ɔga Asa ku Yuda ku Benyamin kadi bekyuli, binu! Uwi biala na bɛɛsia Unwoti ɔda bubo anu na bɛɛdi-mu lɛlɔ na bɛɛkpá-nwu ni, ɔdubulieku-mii na ubunku-mii na uledie-mii atu na uni-mii kudii.

Kɔgya 46:11

Unwoti Katɔti Ɔyikune Ƒui ɔkya-bu akɔ. Yakob Unwoti Katɔti ɔni na ɔ́kpa ndi bula katamikukɔ.

Kɔgya 97:10

Unwoti ɔɔyɔ́ bekyuli bani nkisi likpidi. Na ɔɔgyumana bekyuli bani nsiaku-nwu kama siin. Na uudie-ma taalɛku balalane enu kemmo.

Israelƒuɔ Bɔlɛ 3:12

Amu na Katɔti údie Mose kenye ɔnini, “Ndubulie-ku-ɔ. Na likposela lɛni na ndubɔtina-a ka ami nátala-a sɔsɔ ndi ka si ákpanku-ma álɛku mmɔ áwɔlɔ ni, amii Hebriƒuɔ bɛdubo-mi bɔkpa na kɔbi kɔmɛni lɛlɔ.”

Agba 11:27

Si aawia lɛbuni teete bekyuli ni, bekyuli badubɔnu-ɔ kɔnyana. Nsu si aawia-ma likpidi ni, ɔgbankpi ndubo-ɔ bɔsiaku.

Yesaia 55:2

Bi ɔsu na biibile egulabi na lɛla lɛni naaadi adila geen lɛlɔ na binye biitú lɛlɔ na lɛla lɛni neeemo ukyuli lɛlɔ? Bise atu na binu-mi litemi kaduɛ, na bɛdubɔdi emini biala na bɛɛyɔ́, na bɛkɛ adila abuni ƒui bɛdi bimo.

Yesaia 8:10

Bisie kelisa na bɛkya bina kekpo kɔkwɛ ƒui, na bɛtaa kasiakɔ biala bite lɛlɔ, nsu ɔmmɔ ƒui ɔdubɔbla keeke, ɔsika Unwoti Katɔti ulieku-bu.

Amos 3:3

Nkyuli inyɔ belesie taasala na bana kasusu kalábla kenwi.

Amos 5:6

Bɛwia Unwoti kama ulu na bilie ngba! Si ɔɔɔdi lɛni ni, Unwoti ɔdubo ubakyula-mii aani ogya kalɛ. Na Betel ɔdubo bɔkywi kputu kputu buwi kalɔ ɔni na ukyuli ɔdi ulakana-nwu bunine.

Mika 3:11

Na amii batɔnkune bammɔ bɛɛƒɔ́ ala na bɔbɛ kemmo na bɛɛsia kasusu kekpidi kɔnu. Amii bakpane ku kenye bediene ƒui sika ɔsu kani na bɛɛtina ala na bɛɛsu Katɔti litemi lɛmmɔ. Na ɔmɛni ƒui kama bɛɛsu bɛnini, “Unwoti unye-bu kama na likpidi lɛdi lɛɛɛdubo-bu bɔlɛku.”

Mika 6:8

Unwoti ɔlati ɔ́su-bu lɛla lɛni na ɔlɛka bɔbla. Na lɛla lɛni na ɔɔwia ɔsiku-bu kudɔ ndi ka bɔbla ala ulu lɛlɔ, na butaayɔ bekyuli ku lɛƒɔndia, na buboku lɛlɔ kalɔ buɛɛ, na bɔsiaku-nwu kama siin.

Seƒania 2:3

Na si biiboku lɛlɔ kalɔ na biinú Unwoti litemi bɔdi ni, amu bibo na bibakya-nwu lili kalɔ. Na si bíboku lɛlɔ kalɔ na bɛɛbla ala siin ni, ɔƒɛni kalɛ bɛdubɔkɛ bɔƒɔ na limeyi lɛmmɔ lɛlɔ uwi ɔni na Unwoti ɔdubudie nwuna kɔnyi keyi.

Bumomo Bɔka 16:3

Bekyuli bamɛni báta na lisu kemmo bésie Mose ku Aaron kudɔ na bátásu-ma banini, “Bɛɛyɔ́ bisie ɔgyu bɛgya! Israel kadi bekyuli ƒui bese kedee bete Unwoti bana ɔdi biala, na Unwoti ulieku bula ƒui. Na bi ɔsu na bɛɛnu lɛlɔ katɔ katɔ teetuloku Unwoti bekyuli lɛni?”

Mateo 1:23

“Adagyaa ɔdi ɔdubɔda kaƒɔ na ɔwɔ ubi ɔnanabi. Na bekyuli badubɔlɔ-nwu banii Imanuel.” Na nwuna kalɔ budie ndi Katɔti ulieku-bu.

Mateo 28:20

Na bɛtina-ma bɛnii badi ala ani ƒui na lɛ́tina-mii lɛlɔ. Na ndubɔkya-mii akɔ uwi ƒui utálɛ kayawi kawɔlɔkɔ.”

Mateo 6:33

Mmomu anumi egyie-mii na Katɔ Ɔga ala lɛlɔ na kalɛ na bɛbla lɛlɔ siin utulo. Na Katɔti wabla ala abambadi ƒui lɛnɔ wete-mii.

Timoteo 2 4:22

Blɔti ɔda-a kɔyu, na muuvele-nwu nnii ɔda-mii kaduɛ na nwuna lɛƒɔndia kemmo.

Yosua 1:9

Nyimo ka lɛ́su-ɔ ka nye kpakplaa na ese kayi. Na taya na liƒu lɛdi lɛda-a iye enu aƒɛ-ɔ. Ɔsika ami ɔni ndi ƒula Unwoti Katɔti nlieku-ɔ uwi biala kemmo.”