Amos 5:12 - Katɔti Ɔku Kedee

¹² Ami ndi Unwoti na ngyi bina ekpidi enengudi ani na bɛɛbla. Bɛɛƒɔ́ ala bɔbɛ kemmo na bɛɛyila bawabane bani nse siin lili, na biládi etemila lɛlɔ siin teete-ma.

Amos 5:12 ပူးပေါင်းရင်းမြစ်များ

Hiob 20:19

Ɔsika bawabane na bánya bákya bákɛ lɛkɛ lɛmmɔ, na béƒie lɛtɔ lɛni na ɔɔɔdi ama nátu-ni báƒɔ bekyuli bammɔ kudɔ.

Hiob 31:21

Na ńtasia ulu ɔdi lɛlɔ na lɛyila ukpenebi ɔdi iye lɛnya-nwu lɛkya, ka mbo ɔyikun iye kenyekɔ ɔsu na litemi katɛkɔ.

Kɔgya 127:5

Anwuɔsu lɛlɔ lɛdubɔyɔ ukyuli ɔni mbo-ma na bemomo. Ɔsika ɔdubɔkana na unye ɔsiaku ukisine biala udu na ɔban kenye ɔni na kɔƒa kulékpo-nwu.

Israelƒuɔ Bɔlɛ 23:3

Tanu ɔwabane anumi tatɛ litemi na litemi katɛkɔ.

Israelƒuɔ Bɔlɛ 23:6

“Tebulo ɔwabane litemi bɔtɛ siin na litemi katɛkɔ.

Agba 17:8

Ala ani beete ukyuli na bɔbɛ kemmo ni, etulo kuvo ete bani mɔɔbla udu ɔmmɔ. Baasia ɔmmɔ lɛlɔ na ala aatɛ teete-ma.

Agba 22:22

Tasia ulu ɔdi lɛlɔ na eyu bawabane anii kɔwaba kɔda-ma ɔsu. Na tasia ulu ukpidi ɔdi lɛlɔ na akɛ bekyuli bani mɔɔyaki lɛla lɛdi lɛlɔ kɔsia na litemi katɛkɔ.

Yesaia 1:23

Na ɔma umodi ɔmmɔ batɔnkune bénwini bekyuli bani mɔɔta teenye-mi lɛlɔ, na baadiku beyune kɔkpana, na baaƒɔ́ ala na bɔbɛ kemmo taasiku bekyuli kudɔ. Béni ka bekpo bete bekpinebi. Na bekpinele litemi ani lɛɛɛkɛ-ma munu munu.

Yesaia 10:2

Na balátɛ litemi ulu lɛlɔ teete bawabane ku bekpinele ku bekpinebi kalɛ kɔnu kutuku-ma bana ala lɛlɔ.

Yesaia 29:21

Na ɔkɔ kenye bediene bani mɔɔnyi ɔkɔ teedie ala kenye kalɛ na badu bekyuli bani na nka bátaƒiɔ kɔtɔ lɛ́nɔ badubo bɔyii ƒui.

Yesaia 33:15

Nsu bekyuli bani nli ngba siin na baasu litemi geen lɛmmɔ ni, badubo bana lɛyuƒɔla bɔƒɔ ku bani na balayɔ ka baƒɔ egulabi adi na bɔbɛ kemmo iye benye ukyuli ɔdi lɛlɔ na beƒie-nwu lɛla lɛdi baƒɔ ku bani nkisi ka bewi ukyuli ubugya kalɔ na balayɔ lɛsɛ ku udunkpi bamba ƒui lɛnɔ ni,

Yesaia 47:9

Bina evo ku bɔkanti ƒui kenye kadubo bukulo na binwini bekpinele, na bina bebi lɛnɔ bekpi kɔnakunwi ɔni na kama bɔnu buuubo.

Yesaia 5:23

Bekyuli bani mɔɔbɛ́ taaƒɔ ala, na beete balalane ubo ka bekeli bana kɔtu bɔni, na baaní bekyuli babuni mmomu kɔtu ni, bɔbuɛ beete-ma.

Yesaia 66:18

“Ngyi bina ablala ku kakali ƒui. Na uwi údu ka libo na ndubɔsala kadi ƒui bekyuli ku adi lidu batɛmine ƒui na lɛya na banu kalɛ na muukeye.

Kɔnyana Buwulo 3:34

Bɛsɔ bitataakɔ taanya batɔntɛne eli teesusu.

Esekiel 13:22

“Baabla ala ani na ami lɛɛɛdubo bɔbla kudi kudii. Baatɔ́lɔ bekyuli babuni na baakya-ma ogya ka babla likpidi na baayá na kayi keelie bekyuli bekpidi kalɔ ka bataabla bana ekpidi na bayila bana ngba bumodi bɔmmɔ ƒui.

Hosea 5:3

Ngyi Eƒraim kaba bekyuli bani ndi Israelƒuɔ ablala ƒui kede kede, na ɔdi útabɛ-mi. Ɔƒaani bénwini basɔnɔdine na baabla lɛyalɛ ala, na bébile lɛlɔ, na beesé lɛlɔ lɛnɔ.

Amos 2:16

Ina dɛ na bibo kayi ku ɔlɔkplu ni, badubo-mii bɔbɔku bɔtɔlɔku na bedie-mii kasɔngya kede kede. Ami Unwoti násu!”

Amos 2:3

ku nwuna baga ku batɔnkune bammɔ. Ami Unwoti násu!”

Amos 5:10

Bɛdi bekyuli bani nkisi bekyuli bani muudie ɔkɔ keyi na baatɛ etemila siin na beedie kenye taasu litemi geen.

Amos 5:7

Amii bani mɔɔtu litemi geen teenwini na biiƒú ala taakya na bilábla ala ulu lɛlɔ siin ni, amii ɔdi ɔ́sa.

Amos 8:4

Ɔ́sɔ ɔ́su lɛnɔ ɔnini, “Amii bani mɔɔkɔ́ taanya bekyuli bani mɔɔyaki ala lili na bɛɛyila bawabane udu na kalɔ kammɔ kemmo ni, binu.

Mika 3:11

Na amii batɔnkune bammɔ bɛɛƒɔ́ ala na bɔbɛ kemmo na bɛɛsia kasusu kekpidi kɔnu. Amii bakpane ku kenye bediene ƒui sika ɔsu kani na bɛɛtina ala na bɛɛsu Katɔti litemi lɛmmɔ. Na ɔmɛni ƒui kama bɛɛsu bɛnini, “Unwoti unye-bu kama na likpidi lɛdi lɛɛɛdubo-bu bɔlɛku.”

Mika 7:3

Bekyuli baasála lɛlɔ taabla unwi ka babla alaekpidi na bana ablala ɔsu. Litemi batɛne ku bana benengu baawia ka baƒɔ ala basiku bekyuli kudɔ na bɔbɛ kemmo. Na lɛlɔ badine baanya bekyuli taakya na litemi katɛkɔ.

Malakai 3:5

Unwoti Ɔyikune Ƒui ɔnini, “Lɛ́ɛsi ndubo mbatɛku-mii litemi na lɛdu kɔtɔ kɔnakunwi. Ama ndi bani mɔɔdú kabɔ, na baalɛ́ bana bagya ku bele kama, iye baanyi ɔkɔ na litemi katɛkɔ, iye beeyú bana kabla bablane na baláƒɔ-ma kayu ulu lɛlɔ, na baabla bekpinebi ku bekpinele kalala, iye beeyú baƒɔ bani nkya-ma kudɔ ala, na béni banii balabu-mi ƒui.

Batalane Kabla 7:52

Katɔti kenye udiene ɔmani na bina bati kuuku bátawia ka badu? Bádu Katɔti kenye bediene bani muedi násu ka Ukyuli Ɔƒunadi ɔni nse siin webo. Na Ukyuli Ɔƒunadi ɔmmɔ lɛnɔ bídie-nwu bíte na bádu.

Lɛkpa Ulu 16:18

Bidie litemi batɛne ku bakutine na ɔma biala kemmo. Na bekyuli bamɛni banu ka baatɛ bekyuli etemila na ulu lɛlɔ.

Lɛkpa Ulu 31:21

Na ndubɔya na ɔgbankpi lidu lidu libo-ma lɛlɔ na batu ɔnu ɔmɛni beti benyimene lɛlɔ kalɛ na báƒiɔ-mi. Ɔsika bana bawɔ muedi ƒui kani na bakya beeti balayiƒala-nwu. Ɔƒɛni ngyi-ma kasusu ƒui asa na ndubɔsu ka líiti-ma líselaku kalɔ kani na lɛ́su líse ka ndubute-ma lɛlɔ.”

Yakobo 5:4

Bɛnu! Kabla bablane bani nkya bina mmo ni, bíni na bítaƒɔ-ma kayu. Binu kalɛ na beewulo kɔnyana momoomo. Na bana keku kédu Katɔti, Bula Unwoti Ɔyikune Ƒui kudɔ.

Yakobo 5:6

Bɛ́du bekyuli bani na bátaƒiɔ-mii kɔtɔ. Na bɛ́du-ma ina ka bátata bétenye-mii lɛlɔ.

Rut Keliela Ɔku 4:1

Amu na Boas ɔ́ta úsie ulie ɔma ɔmmɔ bekyuli kasakɔ kani nkya kabanye. Na ɔ́nu ukyuli ɔni lɛlɔ kɔtɛ na ɔ́tɛmi ku Rut ka ɔlɛka ɔdi Elimelek ala. Amu na Boas ɔ́kpali-nwu ɔnini, “Mina ɔkpana, bo na ebelie-mi kudɔ mɛni.” Amu na ɔnana ɔmɛni lɛnɔ úsie útélie-nwu kudɔ mmɔ.

Samuel 1 8:3

Nsu bebi bamɛni balabla ala siin na Unwoti ulu lɛlɔ. Mmomu bénwini kama bákya-nwu na baabla bekyuli ulikplu ala na baaƒɔ́-ma ala taadi na bɔbɛ kemmo. Na balábla lɛla lɛdi ulu lɛlɔ.