Amos 5:11 - Katɔti Ɔku Kedee

¹¹ Na bɛɛnya bawabane taakya na bɛɛƒɔ́ eyi bonwu bonwu ku edula na bana kudɔ. Bɛ́tu lɛtɔ libendi bíte lɛlɔ, nsu bɛɛɛdubo-ni kemmo bulie. Na bíse adingyii mmo, nsu bɛɛɛdubo ntɛ bɔkɛ bɔsiku egyiibi ammɔ kemmo.

Amos 5:11 ပူးပေါင်းရင်းမြစ်များ

Hiob 20:19

Ɔsika bawabane na bánya bákya bákɛ lɛkɛ lɛmmɔ, na béƒie lɛtɔ lɛni na ɔɔɔdi ama nátu-ni báƒɔ bekyuli bammɔ kudɔ.

Yesaia 16:10

Egyiibi mmo bɔmmɔ bɔsɔ buláda kubiti, na elénu ka ɔdi ɔɔtu ɔnu ɔdi iye lɛlɔyɔ kɔvanu kɔdi, na ɔdi uuubo ntɛ kebulokɔ uláka egyiibi adi ntu, ɔsika lɛlɔyɔ ƒui kenye kékulo.

Esekiel 26:12

“Bekpone bammɔ badubo bina ala ani náƒɔ-mii kuye mmɔ ƒui buyu bɔtɔlɔku. Na bebo-mii lɛtɔ lɛbuni lɛmmɔ ƒui babwɛ. Na egyiiku ku atabi ani nébu ewi kalɔ mmɔ ƒui badubo-nya bubo buwi ɛpu kemmo.

Esekiel 34:21

Ɔsika amii bani lɛlɔ mbo ɔkplu bɛɛtu bani nse kpɛtɛ kpɛtɛ ku bina ese kpakplaa kalɛ na adila edu amii lɛti.

Hosea 9:2

Nsu binyimo ka kamu ku antabi ammɔ adubo abasa na ntɛ bɔmmɔ lɛnɔ bɔsa.

Lewiƒuɔ Ɔda Bubo 26:16

ala ani ndubo mɛni na ndubo-mii bɔbla. Ndubɔya na liƒu ala ada alɛ-mii lɛlɔ kɔnakunwi na lɛya na lɛlɛ buɛ lidu ku lɛlɔ ogya bɔƒɔ buteekpoku-mii na anumi abwɛ-mii na biteekpi. Bɛdubo bina edula bɔva keeke, ɔsika adubunwini bina bekisine adi.

Amos 2:6

Unwoti ɔnini, “Ndubo Israelƒuɔ kɔtu bɔni na bana ekpidi pii ani ɔsu na lɛɛɛdubo mina kasusu bɔvumana. Béti mina bekyuli babuni bani mɔɔdi mina litemi lɛlɔ béye báƒɔ egulabi. Na béye bani mɔɔyaki ala na lɛgbanvuo kuye kenye.

Amos 2:7

Na bébo bawabane báva kalɔ na bédi bani na mɔɔwia kebunku bése kɔmadɔ. Na báya na bekyuli balábu mina lɛnyi lɛni nse kedee, ɔsika ubi ku ɔti ƒui baatɛ ugblebi unwi kudɔ na baayá na mina lɛnyi liisé lɛlɔ.

Amos 3:15

Ndubo bina kɔyɔ ku kaƒɛndi uwi lɛtɔ ƒui bɔbwɛ buwi kalɔ. Na bina lɛtɔ lɛni na bíti ɔtunkpɛ bɛ́kya-ni bɔdia ku lɛgbanya libendi lɛmmɔ ƒui ndubo-ni bɔbwɛ ƒui. Ami Unwoti násu!”

Amos 3:9

Bɛkɔ litemi lɛmɛni lɛsa bite batɔnkune bani na beli kɔgyumanakɔ kɔni na bátu na Asiria ku Egyipte kɔlɔ lɛlɔ bɛnii, “Bɛsala lɛlɔ na Samaria abi eli na bɛnu ɔda bubo lɛlɔ tadi ku ekpidi lidu bamba lɛni udu na bekyuli baabla na mmɔ.”

Amos 4:1

“Amii Samariaƒuɔ beleku bise atu na binu! Bise aani Basan ɔmantɛ bakɔ bani nélie lɛmwi, ɔsika bana balati bánu-ma lɛlɔ kaduɛ. Biláda bawabane edu munu munu. Na bani mɔɔyaki ala ni, bísusu-ma geen kalɛ na bakpa bayii bakya. Na bɛɛwia ka bina bagya beteete-mii ntɛ na bitaani uwi biala.

Amos 6:11

Ɔsika si Unwoti údie lɛdi ni, kaduli kenengudi o-o kebliidi o-o ni, ɔdubo-ku bugyingya ƒui kpɛtɛ kpɛtɛ.

Amos 6:12

Nka ɔpɔnkɔ ulakɛ taaƒulu na atakpɛ lɛlɔ, na ɔmantɛ bakɔ balada bana anwami bonwu bonwu ammɔ teegulu ɛpu anumi. Nsu amii bɛ́tu litemi geen lɛmmɔ lɛlɔ bɔdi bínwini ugyulo ukpidi, na bíti lɛbuni bɔbla bínwini likpila.

Amos 8:4

Ɔ́sɔ ɔ́su lɛnɔ ɔnini, “Amii bani mɔɔkɔ́ taanya bekyuli bani mɔɔyaki ala lili na bɛɛyila bawabane udu na kalɔ kammɔ kemmo ni, binu.

Amos 9:14

Ndubɔya na ala asɔ adianku Israel. Na bɛsɔku bina lɛma bɛtu na bilie-ni kemmo. Na bɛdubɔkɛ ntɛ buni bɔni bɔsiku bina adingyii mmo egyiibi ani muudie-mii ntɛ kemmo. Na bɛdi amii alati adingyii ebi ani na bɛ́tuma.

Mika 1:6

Anwuɔsu na Unwoti ɔdubunye ɔnu na Samaria ɔyii udu na lɛla biala libie lɛbla aani kebu alakpi. Na ɔdubɔta ɔbla aani kesii kani na bálɛ adingyii. Na ɔdubugyingya nwuna lɛtɔ atabi ƒui na ɔgbala-nya utákya ɔkwalɛ na ugyingya awodu ammɔ ɔka ɔni nkya kalɔ kemmo ƒui.

Mika 2:2

Biiƒie mmo ku lɛtɔ lɛni na bɛɛwia taaƒɔ. Bɛɛnya bekyuli taakya na bɛɛƒɔ́ bana kɔduli ku kalɔ.

Mika 6:15

Bɛdubo bɔtuma, nsu bɛɛɛdubo edula ammɔ bɔƒɛ. Na ndubɔya na bidie nnɔ kaduɛ, nsu amii alati bileti-mu bilabla lɛla lɛdi. Na bɛdubo egyiibi bubulo na bidie ntɛ, nsu bilákɛ-mu biláni.

Seƒania 1:13

Badubo-ma ala buƒie bɔƒɔ na bana kɔduli kɔbwɛ kɔbla aani kebu alakpi. Na baaadubo lɛtɔ lɛni na bátu kemmo bɔkɛ bulie. Na adingyii ani mmo bése lɛnɔ ni, baaadubo ebi bude babla ntɛ bani.”

Hagai 1:6

Bɛɛkya edula, nsu biláƒɛ-nya kalɛ na bɛ́kya-nya kenye. Na bilakɛ taadi teemo, na bilakɛ ntɛ lɛnɔ taani na budu-mii ɔkwɛ. Na bina adala lɛnɔ elebunku-mii na lɛlɔ lɛbla-mii gugungu. Na bina lɛyuƒɔla lɛni na bɛɛkɛ́ ni, kɔvumi kɔni náƒuala kemmo na bɛɛkya bina egulabi ammɔ.

Malakai 1:4

“Esau bebi ku bawɔ badubɔkana na basu banini, ‘Ina ka bula Edom kalɔ káyii udu ni, bɔdubɔsɔku-ka bɔtu.’ “Nsu ami, Unwoti Ɔyikune Ƒui, líse kenye ka lɛla biala na bátu ni, ndubudi-ni lɛbwɛ liwi kalɔ na bekyuli ƒui banu ka lɛɛɛdubo kɔnyi bɔda buti taakya-ma bɔya na uwi ɔni kemmo na bamu benye bana ekpidi bɔbla lɛlɔ ɔsu.

Lɛkpa Ulu 28:30

Bɛdubɔnu beleku na bɛbla-ma elila, nsu banana bamba ndubukpeli-ma bɔƒɔ na beti-ma beti. Bɛdubɔtu lɛtɔ, nsu bilelie-ni kemmo. Bɛdubɔbla adingyii mmo, nsu bilákɛ egyiibi ammɔ biladi.

Yakobo 2:6

Nsu bilábu bawabane. Na balakɛne bamɛni mɔɔdi-mii lɛlɔ. Na beeti-mii teesienku litemi katɛkɔ.