Amos 4:8 - Katɔti Ɔku Kedee

⁸ Bekyuli baata bana lɛma teesie lɛma bamba taatáwia ntu, na kesii kani na badubɔkɛ bɔdi bani, nsu buledu-ma. Nsu ɔmɛni ƒui bítenwini. Ami Unwoti násu.

Amos 4:8 ပူးပေါင်းရင်းမြစ်များ

Baga 1 18:5

Mmɔ ni, Ɔga Ahab ɔ́su Obadia ɔnini, “Ya na busie na butávi bɔwia livo lɛdi na abiɔ kɔtu ku awɛ ammɔ kemmo bɔnu. Ɔƒɛni kalɛ bɔdubɔkɛ kesii kani na livo lɛdi lɛ́kwɛ linye na bɔkɛ bute bula bapɔnkɔ ku bula bebuo ala betine na belie ngba kalɛ na buládu bula bebuo bammɔ badi.”

Yesaia 9:12

Na Siriaƒuɔ badubɔsi ɔƒɛ katukɔ, na Ƒilistiƒuɔ basi ɔƒɛ kanukɔ na bebebweli-ma aani eƒiebuo kalɛ. Nsu ina ɔmmɔ ƒui ni, Unwoti kɔnyi kútayɔ tɔ, mmomu ɔ́mu únene kɔnu unye ka ɔƒiɛmi-ma.

Yeremia 23:14

Na amii kenye bediene bani nkya Yerusalem ɔdi ɔsɔ utulo bana ɔdi ƒui. Bɛɛlɛ́-mi kama taatásiaku ala bamba kama na bilásu litemi geen lɛdi. Na bɛɛtɔnku bekyuli bamba muedi na baabla likpidi na uwi ɔni na nka bibunku-ma na benwini na bana ekpidi kama na bebo-mi kudɔ. Amii ku Yerusalemƒuɔ ƒui bɛdi bekyuli bekpidi aani Sodom ku Gomora kadi bekyuli.

Yeremia 3:3

Anwuɔsu na ami Unwoti lítile kayaa na ketudi ɔnantu úbulo bɔna bute-mii. Nsu ɔmɛni ƒui muedi kɔƒa kulekpo-mii na bina ɔbladu ɔsu aani kalɛ na kɔƒa kulekpo ɔyalɛ na nwuna lɛsɔnɔdi ablala lɛlɔ.

Yeremia 3:7

Lɛ́nu ɔmɛni lɛ́ti ka Israel lɛga kadikɔ kammɔ ƒui bálɛ-mi kama na bábla ekpidi pii, nsu ina amu mina anu asia ka badubunwini na bana ɔbladu buɛ kama bebo-mi kudɔ na bébulo, anwuɔsu ami lɛnɔ lɛ́nyonu-nwu na lídie-nwu ulu na ɔ́lɛ-mi kesii. “Na ɔnwani ulekubi Yuda lɛnɔ ɔ́nu ɔmɛni, nsu útabla-nwu lɛla lɛdi iye ukpoku-nwu muedi. Mmomu mɔɔnu ka anwu lɛnɔ úse kalɔ uulie ngba bukpidi bɔmɛni na ɔɔlɛ́-mi kama.

Yeremia 5:3

Mmɔ na lɛ́su nnini, “Geen ni, ngyi ka awɔ Unwoti aawia ka butaasu litemi geen. Na ɔkɔ bɔnyi bɔmmɔ ɔsu na áni ƒula bekyuli kɔtu, nsu ɔmɛni ƒui atu ɔkplu kani na baabla teebu na bébulo ka bani bede-ɔ.”

Hosea 11:5

“Béni ka bani bede-mi, anwuɔsu ɔlɛka basɔ benwini besie Egyipte kalɔ lɛlɔ, na Asiria ɔdubɔdi-ma lɛlɔ.

Hosea 7:10

Israelƒuɔ lɛlɔ katɔ bɔkɔliku muudie-ma teete, na balatuna banii beenwíni bebo ami bana Unwoti Katɔti kudɔ iye bawia-mi kama ulu na lɛƒɔ-ma.

Amos 4:6

“Ami náya na kɔka kúbo na lɛma lɛmmɔ ƒui kemmo. Nsu ɔmɛni ƒui bitenwini, mmomu bɛ́mu bíni-mi.

Mika 6:14

Bɛdubo bɔdi bɔsia kama, nsu bilémo. Na bɛdubɔklibi ala abuni bise lɛlɔ, nsu aaadubo ami adi bunwini. Ɔsika kuwii kenye na ndubɔya na beƒie-nya baƒɔ batɔlɔku na kekpo kemmo.

Hagai 1:6

Bɛɛkya edula, nsu biláƒɛ-nya kalɛ na bɛ́kya-nya kenye. Na bilakɛ taadi teemo, na bilakɛ ntɛ lɛnɔ taani na budu-mii ɔkwɛ. Na bina adala lɛnɔ elebunku-mii na lɛlɔ lɛbla-mii gugungu. Na bina lɛyuƒɔla lɛni na bɛɛkɛ́ ni, kɔvumi kɔni náƒuala kemmo na bɛɛkya bina egulabi ammɔ.

Hagai 2:17

Ami nébo-mii na líbile-mii kabla ƒui lɛni ɔni na liwulu ɔƒɛƒɛɛ ku etubankɛ áya na bina edula ákwɛ kuyii na ébulo bɔdia. Nsu ɔmɛni ƒui bíni ka binwini bibo-mi kudɔ.