Amos 4:3 - Katɔti Ɔku Kedee

³ Badubo-mii bɔni bɔvinku bina ɔma unengudi awodu eƒi ani ntɛ-nya kemmo na ɔdi ulébu. Na bebo-mii batáva Harmon kakɛ. Ami Unwoti násu!

Amos 4:3 ပူးပေါင်းရင်းမြစ်များ

Baga 2 25:4

Ɔmmɔ ɔsu ka bekpone báƒɛ awodu ammɔ ni, Yudaƒuɔ ɔga ku nwuna bekpone báwia kasiakɔ na békeli bátɔlɔ usien ɔmmɔ. Na ina ka Babilonƒuɔ báka bámana ɔma ɔmmɔ ni, bakɛ bagadine ɔƒɛƒɛɛ kaƒɔkɔ, na bátásia kayakun kani na awodu anyɔ ammɔ aasa. Na bakɛ mmɔ báda bálɛ Yordan Ketu kɔwɛ kemmo.

Baga 2 7:15

Na batalane bammɔ bésie laa bétédu Yordan Ketu na lɛwu ku ala ani na Siriaƒuɔ bekpone bakya baada teewi ulu lɛlɔ uwi ɔni békeli bésela kani na bánu na ulu lɛlɔ. Ɔmmɔ kama bénwini na bábasu ɔga ala ani nálɛ.

Yesaia 2:20

Na limeyi lɛmmɔ ni, sika ɔƒualadi ku ugyiedi baƒiɔ bani na bávɔ bése lɛlɔ baakpá ni, badububo-nwu bewi baƒiamu ku bagyina.

Yesaia 31:7

Ɔsika limeyi lɛdi lɛdubo lɛni na bɛdubuti bina sika ugyiedi ku ɔƒualadi baƒiɔ bani na bíti bina enu ani likpidi bɔbla bɔ́ƒɔ na bɛ́vɔ mmɔ ƒui biwiakun.

Yeremia 52:7

Ɔmmɔ ɔsu bekpone bammɔ báƒɛ awodu ammɔ na bana ƒui báwia kasiakɔ na békeli bátɔlɔ usien ɔmmɔ. Na ina ka Babilonƒuɔ báka bámana ɔma ɔmmɔ ni, bakɛ bagadine ɔƒɛƒɛɛ kaƒɔkɔ na bátásia kayakun kani na awodu anyɔ ammɔ ása na bakɛ mmɔ báda bálɛ Yordan Ketu kɔwɛ kemmo.

Esekiel 12:12

Na Yerusalem ɔtɔnkune ɔdubuti nwuna obo ɔsia lɛmangba useyi uwi na ɔsia kowodu liƒi lɛni na bekyuli bamba bédie na nwuna ɔtɔ awodu kemmo. Na ɔdubuti lɛla lɛdi ubi nwuna anumi na uláti ɔmii ɔni lɛlɔ na úsela.

Esekiel 12:5

Ya na ukyuli biala unye utaanu-ɔ asa na edie liƒi na ƒula ɔtɔ kowodu kɔdi kemmo na eti ƒula obo ada na akpɛ alɛ kowodu liƒi lɛmmɔ kemmo.

Amos 6:7

Anwuɔsu amii ndubɔdi bekyuli bedeedi bani na kekpo kadubo buƒie bɔtɔlɔku na bina ebiti ku lɛlɔyɔ kenye kekulo.

Seƒania 1:18

Uwi ɔni na ami, Unwoti, ndubɔkɛ kɔnyi na mbada lɛlɛ-mii lɛlɔ mmɔ ni, bina sika ɔƒualadi ku sika ugyiedi ƒui muedi ulakana-mii bɔƒɔ na limeyi lɛmmɔ lɛlɔ. Ndubo kɔnyi bɔkɛ geen na libile ala aani kalɛ na ogya ɔɔda momoomo teekeyi lɛla biala ku bekyuli.”

Mateo 16:26

Bi kɔsia na ukyuli ɔdubɔkɛ si ɔ́kɛ kayawi ala ƒui na ɔ́yila ngba geen bɔmmɔ. Munuu bi na ukyuli ubo na uti ɔvumana na ɔkɛ ngba geen bɔmmɔ?

Litemi Batɛne 5:17

Na Gad kɔdua bélie Yordan ɔƒɛ kanukɔ. Na Dan kɔdua ama básɔ bakya ɔkɔlɔ bonwu ɔmmɔ kemmo. Na Aser kɔdua bélie ɛpu kɔtu, na básɔ bakya ɛpu amadɔ mmɔ.