Amos 4:2 - Katɔti Ɔku Kedee

² Ami Unwoti nkɛnku mina lɛnyi lɛni nse kedee lɛlɔ líse kenye ka uwi ɔdi ɔdubo ɔni na badubo-mii ɔbuli enwu bɔkya aani ɔdaa na bani-mii batɔlɔku na ɔdi ulébu.

Amos 4:2 ပူးပေါင်းရင်းမြစ်များ

Kɔgya 89:35

Ka nse kedee ɔsu ni, líse kenye ka naaakana Dawid bɔtɔlɔ.

Kɔgya 89:36

Na nwuna kaba kemmo bebi lɛgadi lɛdubuse úsela uwi ƒui. Na kalɛ kani na ɔƒɛ ɔɔtu ni, lɛni kani na nwuna lɛga kadikɔ kammɔ kadubunye na mina anumi.

Yesaia 37:29

Na ka áta ásiaku-mi ku kɔnyi, ku ƒula ukyuli tabu bɔni na línu ku mina atu ɔsu ni, ndubɔkya-a ɔdaliwa enwu, na liti kenye kabuli lɛbala-a kenye, na lɛya na enwini asia ulu ɔni lɛlɔ na ásia ébo.

Yeremia 16:16

“Nsu ɔƒaani ni, ndubuti bekisine bani ndubo-mii buƒie limene-mii na beƒie-mii aani kɔbɛ na ketu na babwi-mii na badu-mii aani alakpi akɔ bebuo na abi eli ku atakpɛ libu kemmo.

Esekiel 29:4

Ndubo ɔdaliwa bubo bɔda-a kenye na lɛni-ɔ lidie ntu bɔmmɔ kemmo na ƒula bebunkune bani lɛnɔ nse aani kɔbɛ mmɔ ƒui badu bada-a ɔlɔna ku akpa ammɔ lɛlɔ.

Esekiel 34:16

Na ndubɔsia bani náyii ku bani négyingya bakya lɛnɔ kama na linyimi bani náƒɔ lɛlɔ alɛbi na bani lɛgyumana bani nse kpɛtɛ kpɛtɛ. Na bani nélie lɛmwi na bebo ɔlɔkplu ni, ndubɔdu ama, ɔsika lɛla lɛni ndi lɛbuni na mɔɔbla uwi biala.’ ”

Esekiel 38:4

Na ndubo ƒula ɔyikun ƒui udu bɔyila na liti ɔdaliwa lɛkya-a ɔnungla na lɛni awɔ ku ƒula bekpone lisu bonwu lɛmmɔ. Awɔ muudie lɛdi teete bekpone bapɔnkɔ beliene bani nkya ekpola bonwu bonwu na bada kekpo agyumanala ku kuwii na bana enu kemmo.

Amos 6:8

Unwoti Katɔti Ɔyikune Ƒui ɔ́kpali anwu ɔlati lɛnyi úse kenye ɔnini, “Amii Yakob kaba kemmo bebi, bɛɛkya-mi kɔnyi geen na bina lɛlɔ katɔ bɔkɔliku ɔsu, na muukisi bina ɔma agbanya ani na bɛ́tu bínyene mmɔ ƒui. Anwuɔsu ndubo-mii atu budie na lɛnyonu-mii ku bina ɔma lɛkya bina bekisine enu kemmo ku bina akɛla ƒui.”

Amos 8:7

Unwoti úse kenye ɔkɛnku kalɛ na Israelƒuɔ baabu-nwu kenye ɔnini, “Lɛɛɛdubo ala ani udu na bábla mɛni bɔyiƒala.