Amos 4:12 - Katɔti Ɔku Kedee

¹² “Ɔƒɛni amu ami ku-mii alati ndubo bɔsa. Anwuɔsu ni, Israel, bɛklibi lɛlɔ na amii ku ami bina Unwoti anumi abla enwi!

Amos 4:12 ပူးပေါင်းရင်းမြစ်များ

Yesaia 32:11

Amii beleku bani na bulie kani na bilie na bilábla kasusu taasiku lɛla lɛdi lɛlɔ ni, bɛya na lɛlɔ litaatɔ-mii kpakpaakpa ku liƒu! Bidie bina adala bise na binyimi ala ani mɔɔtina ka biiwulo kɔnyana.

Yesaia 47:3

Bekyuli badubo-ɔ kasɔngya bɔnu na kɔƒa kukpo-ɔ, ɔsika adubo bɔvi ku kasɔngya. Na ndubo kasi budie na ɔdi ulébu iye ukeli.

Yesaia 64:2

Na lɛla biala lɛbla aani kalɛ na baatu ogya taakya alakpi na aada. Na aya na ntu ƒui buteeƒuƒuo. Yu bo na aya na ƒula bekisine ƒui banu kalɛ na ƒula lɛnyi lɛɛda liƒu. Na aya na kadi bekyuli ƒui bayia-a, na benye-ɔ anumi bataatɔ kpakpaakpa!

Yeremia 5:22

Bi ɔsu na útalɛka lɛlɔ litaatɔ-mii na bitaayia-mi ku ɔbu? Ami násia ubili líte ɛpu na ɔ́bala ntu bɔmmɔ. Ntu bɔmmɔ buubó taababwɛ teewi ubili kowodu kɔmmɔ, nsu bulávia teebo kama teetulo kesii kani na lɛ́sia-mu ɔmii.

Esekiel 13:5

Balálɛ bekyuli bammɔ kpakplaa taasu-ma ɔgbankpi ɔni ndubo-ma lɛlɔ iye lɛbibo lɛni na ekpidi ani na baabla taaƒiɔ-mi adanku.

Esekiel 22:30

“Lɛ́sia anu nnii makɛ ukyuli ɔni medie ɔma unengudi ɔmɛni na ɔgyumana-nwu kalɛ na naaakyula-nwu na mina kɔnyi ɔsu. Nsu ńtakɛ ukyuli ɔdi.

Hosea 13:8

Na lɛduli-mii ligyingya aani kegidi kani bebi na béƒie bátɔlɔku. Na ndubo-mii ekubi bɔbwɛ aani eƒiebuo bamba ɔdi kalɛ.

Amos 2:14

Ina dɛ na bina lɛgba lɛɛta ni, bilakana bukeli. Na ina dɛ na bibo ɔlɔkplu ni, ndubutile-mii ala na libile-mii ɔlɔkplu ɔmmɔ na bikpi muedi, na ina dɛ na adi ukpone ni, alakana lɛlɔ budie.

Mateo 24:44

Lɛni kani na ɔlɛka amii lɛnɔ bilie kagyumana, ɔsika ami Ukyuli Ɔyawine Ubi ndububo mbeyu-mii lɛtu.

Mateo 5:25

“Si ukyuli ɔdi ɔnii uuti-ɔ usienku litemi katɛkɔ ni, wia uwi na awɔ ku-nwu bɛka-ni bɔklibi. Si ɔɔɔdi lɛni asa na bísie bítéduo litemi katɛkɔ mmɔ ni, ukyuli ɔmɛni ɔdubuti-ɔ ute litemi ɔtɛne. Na anwu lɛnɔ ɔdubuti-ɔ ute beƒiene na bakya-a ɔtɔ.

Budie Taatina 3:3

Ɔmɛni ɔsu ni, binyimo lɛla lɛni na bátina-mii na bínu lɛnɔ, na bɛda-ni kaduɛ na bina ekpidi eduo-mii na binwini kama bɛkya-nya. Nsu si bítagyinya ni, ndubo-mii kudɔ aani uyune kalɛ na biláti uwi ɔni kemmo na meti mada malɛ-mii lɛlɔ.