Amos 4:11 - Katɔti Ɔku Kedee

¹¹ “Lɛ́yila bina bekyuli pii udu aani kalɛ na lɛ́bla Sodom ku Gomora. Bɔkywi na nka bina ɛlɛɛ bani nébu bɛda aani ugyii na ogya kemmo asa na lídie-mii. Nsu ɔmɛni ƒui bítenwini. Ami Unwoti násu!

Amos 4:11 ပူးပေါင်းရင်းမြစ်များ

Yesaia 13:19

Babel lɛgakadikɔ, lɛkɛ lɛni muukeye ƒui kesekɔ, kesii kani lɛlɔ lɛmɛnɛ baakun, Unwoti ɔdubo-nwu bunwini bubi na ɔyila-nwu udu aani Sodom ku Gomora.

Yesaia 7:4

Na asu-nwu anii, ‘Da kayi bukpoku ya, na utalɛka ayia Ɔga Resin ku Ɔga Peka, ku bana bekpone kɔnyi momoomo kɔni na béti. Ɔsika bese aani ogya egyukwii ani mɔɔkywí na adubo bɔsa.

Yesaia 9:12

Na Siriaƒuɔ badubɔsi ɔƒɛ katukɔ, na Ƒilistiƒuɔ basi ɔƒɛ kanukɔ na bebebweli-ma aani eƒiebuo kalɛ. Nsu ina ɔmmɔ ƒui ni, Unwoti kɔnyi kútayɔ tɔ, mmomu ɔ́mu únene kɔnu unye ka ɔƒiɛmi-ma.

Yeremia 23:14

Na amii kenye bediene bani nkya Yerusalem ɔdi ɔsɔ utulo bana ɔdi ƒui. Bɛɛlɛ́-mi kama taatásiaku ala bamba kama na bilásu litemi geen lɛdi. Na bɛɛtɔnku bekyuli bamba muedi na baabla likpidi na uwi ɔni na nka bibunku-ma na benwini na bana ekpidi kama na bebo-mi kudɔ. Amii ku Yerusalemƒuɔ ƒui bɛdi bekyuli bekpidi aani Sodom ku Gomora kadi bekyuli.

Yeremia 49:18

Lɛ́kyula Sodom ku Gomora ku lɛma lɛni na lide-ma ƒui. Na lɛni kani na ndubo Babilon lɛnɔ bɔkyula kede kede. Na ukyuli biala ɔdi ɔsɔ ɔɔɔdubo mmɔ bulie.

Yeremia 5:3

Mmɔ na lɛ́su nnini, “Geen ni, ngyi ka awɔ Unwoti aawia ka butaasu litemi geen. Na ɔkɔ bɔnyi bɔmmɔ ɔsu na áni ƒula bekyuli kɔtu, nsu ɔmɛni ƒui atu ɔkplu kani na baabla teebu na bébulo ka bani bede-ɔ.”

Yeremia 50:40

Lɛ́kyula Sodom ku Gomora ku lɛma lɛni na lide-ma ƒui. Na lɛni kani na ndubo Babilon lɛnɔ bɔkyula kede kede. Na ukyuli biala ɔdi ɔsɔ ɔɔɔdubo mmɔ bulie.

Esekiel 24:13

“ ‘Ekpidi ku likyulikpi lɛ́bɔ Yerusalem lɛlɔ ɔni na líidie-mii ala amɛni lɛ́nɔ na ulu biala lɛlɔ na bɛnii bíni. Anwuɔsu likpidi lɛmmɔ kemmo na bɛdubo bɔkya wetédu ka lɛ́ya na mina kɔnyi ablala ébo-mii lɛlɔ kalɛ na ɔ́manku.

Hosea 11:5

“Béni ka bani bede-mi, anwuɔsu ɔlɛka basɔ benwini besie Egyipte kalɔ lɛlɔ, na Asiria ɔdubɔdi-ma lɛlɔ.

Hosea 11:8

“Israelƒuɔ, naaakana-mii bɔnyonu lɛni iye lidie-mii atu. Na naaakana makyula-mii aani kalɛ na lɛ́bla Adma ku Seboim. Oowo, uladia-mi bɔbla lɛni, ɔsika mina kayi kelete-mi kuƒi na kalɛ na mɔɔyɔ́-mii ɔsu.

Amos 4:6

“Ami náya na kɔka kúbo na lɛma lɛmmɔ ƒui kemmo. Nsu ɔmɛni ƒui bitenwini, mmomu bɛ́mu bíni-mi.

Hagai 2:17

Ami nébo-mii na líbile-mii kabla ƒui lɛni ɔni na liwulu ɔƒɛƒɛɛ ku etubankɛ áya na bina edula ákwɛ kuyii na ébulo bɔdia. Nsu ɔmɛni ƒui bíni ka binwini bibo-mi kudɔ.

Sakaria 3:2

Nsu Unwoti ɔ́su-nwu ɔnini, “Satan, awɔ ɔdi mmomu nátatɛ. Mina ɔma unengudi ɔƒunadi ndi Yerusalem. Na ukyuli ɔmɛni ni, budie na bédie-nwu aani ugyii bálɛku ogya livongu kemmo.”

Romaƒuɔ 9:29

Na ɔdubɔlɛ aani kalɛ na Yesaia ɔ́su dii ɔnini, “Si Blɔti Ɔyikune Ƒui útebu bula bawɔ badi útese kama ni, bɔdubo udu bɔyii aani kalɛ na Sodom ku Gomora lɛma lɛ́yii udu!”

Korintoƒuɔ 1 3:15

Nsu si ɔdi atula ani na úti ɔ́tu ɔtɔ ɔmmɔ ákywi ni, ulákɛ lɛyuƒɔla lɛdi. Nsu anwu ɔlati ɔdubɔkɛ bɔƒɔ aani si úkeli ɔ́lɛ ogya ɔmmɔ kemmo.

Lɛkpa Ulu 28:24

Uwi ɔni na binye bɛɛnu ɔnantu anumi ni, Unwoti ɔdubuti ɔƒɛƒɛɛ ku kɔnwinimi uyile kayaa uti utédu ka ɔyila-mii udu ƒui.

Lɛkpa Ulu 29:23

Bina kɔlɔ ƒui kɔdubɔkywi na kabla aani mma ku kɔnu. Na si bɛkya edula adi biala ni, aaadubo bɔdia. Na livo muedi lɛɛɛdubo-nya lɛlɔ bɔkwɛ. Na bina kɔlɔ kɔdubɔbla aani Sodom ku Gomora ku Adma ku Sebiom lɛma lɛni na Unwoti úti kɔnyi na ɔ́kyula mmɔ.

Petro 2 2:6

Na Sodom ku Gomora lɛnɔ ni, Katɔti ɔ́du-ma kɔtɔ na ɔ́kyula-ma ku ogya úti-ma ɔ́tina-bu na bɔnu bɔtɛya lɛla lɛni ndubo bekyuli bani naaabu Katɔti lɛlɔ.

Yuda 1:23

Na bidie babambadi lɛnɔ ɔkplu kemmo na beleduo lɛgyavonku lɛmmɔ kemmo. Na bakladi ni, bitaanu-ma kɔnyana. Nsu bɛgyumana bina lɛlɔ kalɛ na bana lɛyalɛ udunkpi ɔni náƒɔ-ma lɛlɔ aani adala kalɛ alávi-mii.

Yuda 1:7

Na Sodom ku Gomora ku lɛma lɛni náka lɛ́mana-ma lɛnɔ ni, bátakana lɛlɔ bɔda na bábla lɛyalɛ ku ala ekpidi bamba. Katɔti úti ogya ɔ́kyula-ma kalɛ na abu bɔnu bɔtɛya.

Budie Taatina 9:20

Bekyuli bakladi bani ƒui nétekpi na alakpa atɛ ani ndanku kukpi mmɔ kemmo ni, béténwini kama bátákya ala ani na ama alati béti bana enu bábla bése béte lɛlɔ ka bataakpa. Ala amɛni adanku ayu ekpidi ku bana baƒiɔ bani na béti sika ugyiedi ku ɔƒualadi bávɔ ku kalɔ kemmo abuala ku atabi ku egyii ani na bánwi. Nsu ala amɛni ƒui ni, alánu na elenu na elesie muedi!