Amos 4:10 - Katɔti Ɔku Kedee

¹⁰ “Lɛ́ya na ɔgbankpi ala enengudi álɛku-mii aani kalɛ na lɛ́ya na álɛku Egyipteƒuɔ, na bina bakloƒu lɛnɔ békpi na kekpokɔ. Lɛ́ya na béyu bina bapɔnkɔ, na bina bekyuli pii békpi na beenwenyi na bina kuliekɔ. Nsu ɔmɛni ƒui bítenwini. Ami Unwoti násu!

Amos 4:10 ပူးပေါင်းရင်းမြစ်များ

Baga 2 10:32

Uwi ɔmmɔ kemmo ni, Unwoti úse kalɔ ɔɔyá na Israel kalɔ kaaƒana. Na Siriaƒuɔ Ɔga Hasael úkpo ɔ́di lɛlɔ na Israel kɔlɛkɛ kɔmmɔ ƒui kemmo,

Baga 2 13:3

Ɔ́si ɔmmɔ ɔsu ni, Unwoti úti kɔnyi ɔ́kya Israelƒuɔ na ɔ́ya na Siriaƒuɔ Ɔga Hasael ku ubidi Ben-Hadad békpoku-ma na bádi-ma lɛlɔ, na Israelƒuɔ bákya-ma kalɔ na uwi útu.

Baga 2 13:7

Na uwi ɔmmɔ kemmo ni, Yehoahas uuubo bekpone ƒelee badi. Na bani kani na ubo ndi bapɔnkɔ beliene liti ku bapɔnkɔ kɛɛkɛ leevu ku bekpone bani muusié lɛgba mpim leevu (10,000), ɔsika Siriaƒuɔ ɔga ɔ́yila Israelƒuɔ ɔga bekpone bakladi udu ƒui kede kede na útu-ma ɔ́bwɛ kpɛtɛ kpɛtɛ aani ɔtumu.

Baga 2 8:12

Amu na Hasael úye-nwu ɔnini, “Ati, bi ɔsu na eewulo?” Amu na Elisa údie kenye ɔnini, “Ɔsika ngyi kalala kani na adubo Israelƒuɔ bɔbla. Adubo ogya bɔtu bɔkya bana lɛma lɛni bátu awodu bamana, na adu bana bakloƒu na kuwii kenye, na eƒwimi bana banamu wɛlɛ wɛlɛ aƒiɛmi kalɔ, na aya na bawawa bana beleku baƒɔndane.”

Israelƒuɔ Bɔlɛ 10:27

Nsu ɔmɛni kama Unwoti ɔ́ya na Ƒarao kayi kásɔ káyu ɔkplu na útete kuƒi na Israelƒuɔ batɔlɔ.

Israelƒuɔ Bɔlɛ 10:3

Anwuɔsu Mose ku Aaron báta na bésie Ƒarao kaduli na básu-nwu banini, “Hebriƒuɔ Katɔti ɔnii, ‘Kɔlɛ sɔɔn na adubuni ka eboku lɛlɔ kalɔ ete-mi? Ya na mina kadi bekyuli batɔlɔ na batákpa-mi.

Israelƒuɔ Bɔlɛ 14:4

Na ami Unwoti ndubɔya na Ƒarao kayi kayu ɔkplu, na lɛya na ɔbi ɔsiaku-ma. Na ndubɔdi Ƒarao ku nwuna bekpone lɛlɔ. Na mmɔ na Egyipteƒuɔ badubɔnu ka ami ndi Unwoti.” Na bábla básiaku lɛni kani.

Israelƒuɔ Bɔlɛ 15:26

Ɔnini, “Si biinú ami bina Unwoti Katɔti litemi na bɛɛbla ala ani nse siin na mina anumi na bɛɛdi mina ɔda bubo ƒui lɛlɔ kpakplaa ni, lɛɛɛdubo bɔya na lɛlɛ lidu lidu lɛni na lɛ́ya na líbo Egyipteƒuɔ lɛlɔ ɔdi ubo-mii lɛlɔ kudii. Ɔsika ami ndi bina Unwoti ɔni mɔɔbwi-mii lɛlɛ.”

Israelƒuɔ Bɔlɛ 8:19

Mmɔ na Ƒarao bevone bammɔ báni béde Ƒarao na básu-nwu banini, “Lɛla lɛni mɔɔlɛ́ mɛni lɛ́si Katɔti kudɔ.” Nsu Ƒarao ɔ́mu ɔ́yu kayi ɔkplu na útenu-ma litemi kalɛ kani na Unwoti ɔ́su úse.

Israelƒuɔ Bɔlɛ 9:12

Nsu Unwoti ɔ́ya na Ƒarao ɔ́yu kayi ɔkplu na útenu Mose ku Aaron litemi kalɛ kani na Unwoti ɔ́su Mose úse.

Israelƒuɔ Bɔlɛ 9:17

Nsu ámu énye áda mina bekyuli na anii elete-ma kuƒi na batɔlɔ.

Yesaia 34:3

Na baaadubo ɔdi bɔva, mmomu bekpine bammɔ badubuwi mmɔ na bebun beteenwenyi, na bana ubugya ɔdubɔƒɔ abi lɛlɔ ƒui.

Yesaia 50:11

Ukpo ɔni na amii alati bɛ́tu bɛda ni, bɛda-nwu na uteekeye teete-mii, na bitaanu teesie. Nsu bɛti nwaa ka Unwoti ɔlati ndubo nwuna kɔnu budie bɔni-mii kɔtu na bibo abi geen.

Yesaia 9:12

Na Siriaƒuɔ badubɔsi ɔƒɛ katukɔ, na Ƒilistiƒuɔ basi ɔƒɛ kanukɔ na bebebweli-ma aani eƒiebuo kalɛ. Nsu ina ɔmmɔ ƒui ni, Unwoti kɔnyi kútayɔ tɔ, mmomu ɔ́mu únene kɔnu unye ka ɔƒiɛmi-ma.

Yesaia 9:13

Nsu bekyuli bamɛni belenu kalɔ ka benwini bebo ukyuli ɔni mɔɔní-ma kɔtu kudɔ, bana Unwoti Ɔyikune Ƒui kudɔ.

Yesaia 9:17

Anwuɔsu na lɛlɔ lilayɔ Unwoti Katɔti na bana bakɔdi lɛlɔ munu munu, na bekpinebi ku bekpinele basɔ baládu-nwu kaƒɔ, ɔsika bana ƒui basɔ balábla Unwoti lɛyɔla, na baabla kalala na baanyi ɔkɔ. Nsu ina ɔmmɔ ƒui Unwoti kɔnyi kútayɔ tɔ, mmomu ɔ́mu únene kɔnu unye ka ɔƒiɛmi-ma.

Yeremia 11:22

Nsu ndubo-ma kɔtu bɔni na lɛya na bana bakloƒu bekpi na kekpokɔ. Na kɔka kɔdubo bana bebi bɔdu na bekpi.

Yeremia 15:3

“Ndubo-mi kɔtu bɔni na lilu ine bun bun lɛlɔ. Badubo-mii bɔdu na kekpokɔ na bakpewe bani bina ɔlɔna ukpine batɔlɔku. Na baasɛ baduli-mii lɛna bebweli. Na bakumbweyi bababwɛ-mii ekubi.

Yeremia 16:4

Ɔlɛ ukpidi ɔdubo-ma bubo na bekpi. Na kekpo kadubo-ma bukpo na kɔka kɔda-ma geen. Ukyuli biala ɔɔɔdubo bɔkya na ɔva-ma iye ɔbla-ma kekwa. Mmomu bana ɔlɔna ɔdubunwini adila ute baasɛ ku bebuo. Na lɛla lɛni mebu lɛdubunwini adila lɛkya kalɔ kammɔ lɛmwi.

Yeremia 18:21

Nsu ɔƒaani anwu útulo-mi na muuvele-ɔ nnii ya na kɔka kɔdu bana bebi na bekpi iye badu-ma na kekpokɔ. Na aya na banana bekpi na bana beleku kudɔ na ɔlɛ ɔdu bana bebi na babla-ma kalala na bekpi.

Yeremia 48:15

Nsu ami ndi Unwoti Ɔga Ɔyikune Ƒui na muusé kenye ka bina bekisine badubo-mii lɛlɔ bɔdi. Na bina bekpone bani ndia ntulo ƒui badubukpi na kekpokɔ.

Yeremia 49:26

Ɔsika uwi ɔsɔ uletu asa na bina bekpone babuni ƒui muedi badubɔdu-ma bewi lɛblɔnu lɛmmɔ lɛlɔ. Ami Unwoti Ɔyikune Ƒui násu kenye kamɛni.

Yeremia 5:3

Mmɔ na lɛ́su nnini, “Geen ni, ngyi ka awɔ Unwoti aawia ka butaasu litemi geen. Na ɔkɔ bɔnyi bɔmmɔ ɔsu na áni ƒula bekyuli kɔtu, nsu ɔmɛni ƒui atu ɔkplu kani na baabla teebu na bébulo ka bani bede-ɔ.”

Yeremia 6:11

Ƒula kɔnyi kɔni na ákɛku Yudaƒuɔ ɔ́ya na mina lɛlɔ kemmo kaada aani ogya, na nsɔ naaakana ɔkplu bɔkya, na ɔmmɔ ɔsɔ ɔkya-mi lɛlɔ kemmo lɛni.” Unwoti ɔnini, “Tetile-mi kɔnyi ulu! Ya na kubo bekyuli ƒui lɛlɔ, banamu bani nli kaƒiakɔ ku benengu ku bakɔdi ƒui lɛlɔ.

Yeremia 9:22

Unwoti ɔ́su-bu ka bula bekyuli badubo bukpi buwi kalɔ ƒui bɔka bɔmana aani kalɛ na kamu kaayɛɛlɛ teewi kalɔ na bátanwa-ka iye alakpi ani na bébo béwi kalɔ na ute-ka lɛmwi.

Hosea 11:5

“Béni ka bani bede-mi, anwuɔsu ɔlɛka basɔ benwini besie Egyipte kalɔ lɛlɔ, na Asiria ɔdubɔdi-ma lɛlɔ.

Yoel 2:20

Bekpone badi bási kalɔ kammɔ katɔ kakɛ na bébekpo-mii, nsu ndubo-ma bɔbɔku butákya kalɔ kakwiidi kani náƒɔ ogya kemmo. Na bani ntɔ batáyii udu na ɛpu ɔmmɔ ɔƒɛ katukɔ na babambadi bawɔlɔ na ɛpu ɔmmɔ ɔƒɛ kanukɔ na bebun beteenwenyi.” Na Katɔti nábla ala enengudi amɛni.

Lewiƒuɔ Ɔda Bubo 26:16

ala ani ndubo mɛni na ndubo-mii bɔbla. Ndubɔya na liƒu ala ada alɛ-mii lɛlɔ kɔnakunwi na lɛya na lɛlɛ buɛ lidu ku lɛlɔ ogya bɔƒɔ buteekpoku-mii na anumi abwɛ-mii na biteekpi. Bɛdubo bina edula bɔva keeke, ɔsika adubunwini bina bekisine adi.

Lewiƒuɔ Ɔda Bubo 26:25

Na lɛya na bina bekisine beduo-mii lɛlɔ ku kuwii na bedie-mii kasi ka bítadi bunyimi bɔmmɔ lɛlɔ ɔsu. Na si uwi ɔni na bísie bitáwia kabɛkɔ na bina lɛma linengudi kemmo ni, ndubudie lɛlɛ likpidi lɛkya-mii na lɛya na biduo bina bekisine enu kemmo.

Amos 4:6

“Ami náya na kɔka kúbo na lɛma lɛmmɔ ƒui kemmo. Nsu ɔmɛni ƒui bitenwini, mmomu bɛ́mu bíni-mi.

Amos 8:3

Na ɔ́sɔ ɔ́su-mi ɔnini, “Na limeyi lɛmmɔ lɛlɔ ni, lɛnu lɛni na beedie na kakpakɔ mmɔ ƒui lɛdubo bunwini keku ku kɔnyana buwulo sɔɔn na bekpine badubɔƒɔ kesi kesii. Anwuɔsu awɔ bile kenye na asɔ elie kpoo ataanu!”

Hagai 2:17

Ami nébo-mii na líbile-mii kabla ƒui lɛni ɔni na liwulu ɔƒɛƒɛɛ ku etubankɛ áya na bina edula ákwɛ kuyii na ébulo bɔdia. Nsu ɔmɛni ƒui bíni ka binwini bibo-mi kudɔ.

Lɛkpa Ulu 28:21

Na ɔdubuti lɛlɛ lidu lidu uboku-mii lɛlɔ uti utédu ka ɔdi biala ɔsɔ uuuli ngba na kalɔ kani lɛlɔ na bísela bitélie mmɔ lɛlɔ.

Lɛkpa Ulu 28:22

Unwoti ɔdubuti lɛlɛ kpakplaa ukpoku-mii. Na ɔdubɔya na eƒula eteeƒu-mii na lɛlɔ bɔbi lɛnɔ buteekpoku-mii. Na ɔdubɔya na kaƒɛndi kekpidi kataalɛ, na ɔƒɛƒɛɛ ukpidi uteekpo kalɛ na ubie bina edula. Na ɔgbankpi ɔmɛni ɔdubɔkya-mii akɔ uti utédu ka bina ƒui bíkpi.

Lɛkpa Ulu 28:60

Na ɔdubɔya na lɛlɛ likpidi lɛni ƒui na ɔ́ya na líbo Egyipteƒuɔ lɛlɔ uwi ɔni na bɛ́kya Egyipte kalɔ lɛlɔ na bɛ́yia geen mmɔ libo-mii lɛlɔ na ɔdi ulákɛ-nwu kuvo.

Lɛkpa Ulu 7:15

Na Katɔti ɔɔɔdubo bɔya na ɔlɛ ɔdi ubo-mii lɛlɔ. Na uláya na lɛlɛ buɛ lɛni nébo na Egyipte kalɔ lɛlɔ mmɔ ɔdi webo-mii lɛlɔ. Mmomu kadi biala mekisi-mii ni, ɔdubɔya lɛlɛ lɛmmɔ udu libo bekyuli bammɔ lɛlɔ.