Amos 4:1 - Katɔti Ɔku Kedee

¹ “Amii Samariaƒuɔ beleku bise atu na binu! Bise aani Basan ɔmantɛ bakɔ bani nélie lɛmwi, ɔsika bana balati bánu-ma lɛlɔ kaduɛ. Biláda bawabane edu munu munu. Na bani mɔɔyaki ala ni, bísusu-ma geen kalɛ na bakpa bayii bakya. Na bɛɛwia ka bina bagya beteete-mii ntɛ na bitaani uwi biala.

Amos 4:1 ပူးပေါင်းရင်းမြစ်များ

Baga 1 16:24

Ɔmmɔ kama ni, Omri úye kalɔ kadi na Samaria Kɔbi lɛlɔ. Na úye kalɔ kammɔ sika ɔƒualadi antabi akyami avlaatɛ unu ɔ́siku ɔnana ɔdi baalɔ-nwu Semer kudɔ. Na Omri ɔ́da ɔma unengudi ɔdi na kɔbi kɔmmɔ eli. Na úti kalɔ kammɔ ɔlati udeedi lɛnyi lɛni ndi Semer ɔ́sia ɔma ɔmmɔ na baalɔ mmɔ Samaria.

Hiob 20:19

Ɔsika bawabane na bánya bákya bákɛ lɛkɛ lɛmmɔ, na béƒie lɛtɔ lɛni na ɔɔɔdi ama nátu-ni báƒɔ bekyuli bammɔ kudɔ.

Hiob 24:4

Na baanya bawabane taakya, na baabɔku-ma taalɛku bana kɔlɔ kemmo.

Kɔgya 12:5

Nsu Unwoti ɔnini, “Ɔƒɛni amu ndubɔta lɛda lɛlɛ bekyuli bamɛni lɛlɔ, ɔsika bawabane beebó abi. Na bekyuli bani na baanya taakya lɛnɔ beedumo. Na ndubute-ma kagyumana kani na baasia anu.”

Kɔgya 140:12

Unwoti, ngyi nwaa ka eekpó teete bawabane na ɔgbankpi kemmo. Na aanu bani mɔɔyaki ala lɛlɔ.

Kɔgya 22:12

Bekisine pii benye kesi kesii bámana-mi aani bakɔ. Na bebo ɔkplu geen aani bakɔ bani nási Basan kalɔ lɛlɔ.

Agba 22:7

Kalɛ na balakɛne baadi bawabane lɛlɔ ni, lɛni na bekyuli bani muuvó ala bekyuli kudɔ beenwíni kabla bablane teete-ma.

Etemila 4:1

Lɛ́nu lɛla bamba lɛnɔ lɛ́ka lɛ́mana na lɛ́nu ulikplu ku kalala kani udu na bekyuli baabla bekyuli na kalɔ lɛlɔ. Na keku buwulo sɔɔn kani nda, nsu kɔnu ɔsiane ɔdi uuubo. Na bani mɔɔbla udu ɔmɛni lɛnɔ bebo ɔkplu geen.

Etemila 5:8

Si ánu ka baanya bekyuli bani na bese kpɛtɛ taakya na ƒula kalɔ lɛlɔ, na ala tabla ulu lɛlɔ búti ala bɔbla siin kenye ni, utabla-a dɛye dɛye, ɔsika bekyuli bani nkya lɛlɔ badine kalɔ ni, ɔlɛka benu bana batɔnkune litemi.

Yesaia 28:1

Bɔbuɛ beete Eƒraim ntɛ banine bani nti lɛlɔtina lɛka aani kagabwa, na lɛkɛ ku ala abuni ani na baanu ka Israel ubo ɔsu. Baasíku ala amɛni na ɔkwalɛ ɔni nélie lɛmwi na kesii kani na baabla-nya mmɔ, na baaní ntɛ bɔmmɔ teekpi. Nsu ala ammɔ aayii udu, aani kalɛ na egyii anwula aayɛyɛ kalɛ.

Yesaia 5:8

Bɔbuɛ ute amii bani muuyé lɛtɔ taasia kama na bɛ́bɛbɛ bina kɔlɔ kuyedi bísela anumi ƒui. Bekyuli bamba basɔ beeebo keliekɔ kana kemmo mmomu kénwini amii lɛti keliekɔ.

Yesaia 56:12

Na bɔsu kani na bɛɛsu lɛlɔ bɛnini, “Bɛya na bɔni-mu na bukpi-mu! Na kɔnaadi lɛnɔ ɔsia-nwu lɛlɔ lɛni kani, na bɔkya lɛlɔ ebiti.”

Yesaia 58:6

“Kudii, mmomu lɛla lɛni mɔɔyɔ́ Unwoti kaƒɔ ndi kalɛ na bɛya na bekyuli bani na baanya taakya bakɛ bɔnwuna na belie bete lɛlɔ. Na kalɛ na bekyuli baládi litemi lɛlɔ siin teete bekyuli na únwini aani kɔgba na kɔda bekyuli ɔkwɛ ni, bidie-ku bana ɔkwɛ na bikulo kɔbuli kɔmmɔ ƒui bana lɛlɔ.

Yeremia 50:11

Unwoti ɔnini, “Lɛlɔ lɛ́yɔ-mii ka bíyu mina bekyuli. Bítuku lɛlɔ ku kudu momoomo aani bapɔnkɔ na bɛɛƒulu taavi ɔmantɛ bakɔ bakɔdi bani muuwila edula ebi.

Yeremia 50:27

Uwi údu ka bani Babilon bekpone bammɔ kɔtu, anwuɔsu bɛdu-ma ƒui.

Yeremia 51:34

“Yerusalem, bɛsu bɛnini, ‘Ɔga Nebukadnesar ɔ́ya na bɔ́gyini. Liƒu kebweyi kammɔ kéti-bu ku bula akɛla kése lɛlɔ lɛmwi na abu bɔ́sɔ bɔkya ukpludi. Úti-bu ala ani na ɔɔwia úbweli na útuo akladi úwi.

Yeremia 6:6

“Ami ndi Unwoti Ɔyikune Ƒui na ndubo lɛdi budie bute bekpone bammɔ na bada egyii bava kalɔ na benyimi ligyii lɛmmɔ babla kakɔkɔ bamana Yerusalem awodu ammɔ ƒui kesii kani na badubunye bekpo ɔma ɔmmɔ. Ndubo amii Yerusalemƒuɔ kɔtu bɔni na bina etemila tatɛ ulu siin lɛlɔ ɔsu.

Yeremia 7:6

Bɛda kasiakɔ bɔkɛ na baƒɔ ku bekpinebi ku bekpinele lɛlɔ bɛya. Na bɛda bekyuli bani na bátabla-mii lɛla lɛdi bɔdu bɛya. Na bɛda baƒiɔ bɔkpa bɛya.

Esekiel 18:12

Na ɔɔnya bawabane taakya, na uuyú bekyuli. Ɔƒɛni lɛnɔ ni, ala ani na bekyuli béti bése lɛlɔ kama béte-nwu ni, ulásɔku teete-ma. Na ɔɔkpá baƒiɔ, na ɔɔbla ala ani muusé lɛlɔ.

Esekiel 22:12

Bina badi bɛɛƒɔ́ egulabi ka bɛdu ukyuli. Na biivó egulabi teete bina Israelƒuɔ banwani taaƒɔ́ kuvonsia bonwu na bɛɛsia ɔmmɔ lɛlɔ taawia lɛkɛ teese lɛlɔ. Na ɔni nébie utulo ƒui ndi ka bɛ́yiƒala ami Unwoti Katɔti.

Esekiel 22:27

“Israel kadi benengu bese aani beƒukutu bani anumi négyie na ebuo ɔni na beƒie lɛlɔ na baaduli-nwu teegyingya si báda-nwu. Na beelie ngba ngba bukpidi taakya bekyuli ɔlɛ na baadú-ma.

Esekiel 22:29

Na bekyuli bammɔ beeyu ama alati bana lɛlɔ na baanya bekyuli taakya. Na beedumi bawabane na baanya bawabane ku baƒɔ taakya taakɛ-ma lɛlɔ kɔsia.

Esekiel 22:7

Bina akɔ ɔdi biala ulabu nwuna bawɔne. Na bɛɛnya bekyuli bani ndi baƒɔ lɛnɔ taakyaku bekpinebi ku bekpinele.

Esekiel 34:16

Na ndubɔsia bani náyii ku bani négyingya bakya lɛnɔ kama na linyimi bani náƒɔ lɛlɔ alɛbi na bani lɛgyumana bani nse kpɛtɛ kpɛtɛ. Na bani nélie lɛmwi na bebo ɔlɔkplu ni, ndubɔdu ama, ɔsika lɛla lɛni ndi lɛbuni na mɔɔbla uwi biala.’ ”

Esekiel 39:18

Badubo bekpone ku baƒɔ lɛlɔ badine lɛna bɔkun. Bekyuli bammɔ na ndubo bɔdu bɔbla akpala aani kalɛ na baadú baƒonu ku bese ku ɔmantɛ bakɔ taabla akpala.

Yoel 3:3

na bátu akunkpa bánu bana ɔni meti mina bekyuli menwini anwu badi. Na béti bananabi bávumanaku bayalɛ na béti belekubi béye báƒɔ ntɛ báni.

Amos 3:1

“Israelƒuɔ, ami nékpo na lɛ́ƒɔ-mii lɛ́siku Egyipteƒuɔ enu kemmo. Nsu bise atu na binu bɔdɔnku bɔni na mɔɔdɔnku-mii.

Amos 3:3

Nkyuli inyɔ belesie taasala na bana kasusu kalábla kenwi.

Amos 5:11

Na bɛɛnya bawabane taakya na bɛɛƒɔ́ eyi bonwu bonwu ku edula na bana kudɔ. Bɛ́tu lɛtɔ libendi bíte lɛlɔ, nsu bɛɛɛdubo-ni kemmo bulie. Na bíse adingyii mmo, nsu bɛɛɛdubo ntɛ bɔkɛ bɔsiku egyiibi ammɔ kemmo.

Amos 6:1

Bɔbuɛ ute amii bani nli-nwu ƒaa na Sion ku amii bani nli kɔbi lili na Samaria na bɛɛkali ka bɛ́gyi ɔban bɛ́mana bina lɛlɔ. Amii ndi lɛlɔ badine na Israel kalɔ kani náƒɔ lɛnyi ketulo mmɔ. Na Israel kadi bekyuli beebo-mii kudɔ teebevele-mii ala na beebó kalɔ teegyele-mii!

Amos 6:6

Na si ntɛ bɔkya wɛ bɛdubo bɔya na beti-mu beboku-mii na bɛni-mu ɔdivo kemmo bɛsia kama. Na bɛɛwɛɛ ligyulo ƒɛƒɛɛ lidu lidu lɛni náƒɔ kuye na bɛɛɛdaku-ni si bɔbwɛ Israel kalɔ kemodi kammɔ kaabwɛ.

Malakai 3:5

Unwoti Ɔyikune Ƒui ɔnini, “Lɛ́ɛsi ndubo mbatɛku-mii litemi na lɛdu kɔtɔ kɔnakunwi. Ama ndi bani mɔɔdú kabɔ, na baalɛ́ bana bagya ku bele kama, iye baanyi ɔkɔ na litemi katɛkɔ, iye beeyú bana kabla bablane na baláƒɔ-ma kayu ulu lɛlɔ, na baabla bekpinebi ku bekpinele kalala, iye beeyú baƒɔ bani nkya-ma kudɔ ala, na béni banii balabu-mi ƒui.

Bumomo Bɔka 21:33

Ɔmmɔ kama bénwini na bátásia ulu ɔni úti úsela Basan. Amu na Og ɔni ndi Basanƒuɔ ɔga úti nwuna bekpone ka betékpoku Israelƒuɔ na Edrei.

Lɛkpa Ulu 24:14

Tanya Israelni ɔwabane iye ɔƒɔ ɔwabane ɔni nkya-mii akɔ takya si éti-nwu anii ubabla kabla na limeyi lɛyuƒɔla kenye ute-ɔ.

Lɛkpa Ulu 28:33

Na ɔgyu kakaaka kadi bekyuli badubo na babaƒɛ bina edula ani bíbo abi bɛ́va batɔlɔku, nsu baaadubo-mii kayu kadi bɔƒɔ. Lɛbibo kama lɛbibo na bɛdubɔnu.