Amos 3:8 - Katɔti Ɔku Kedee

⁸ Liƒu lɛɛda ukyuli biala si gyata ɔɔkwanyi. Na si Katɔti ɔ́su lɛla lɛdi ni, usi na ukyuli biala ɔkɛ na ɔdubo-ni lɛsa bɔkɔ.

Amos 3:8 ပူးပေါင်းရင်းမြစ်များ

Yesaia 21:10

O amii, mina bekyuli, bésusu-mii aani kalɛ na beewiile edula ebi teewi kakpa, na mɔɔsu-mii lɛla lɛni na Unwoti Ɔyikune Ƒui, Israel Katɔti, ɔ́su-mi ɔnii mbasu-mii.

Yesaia 31:4

Lɛni na Unwoti Ɔyikune Ƒui ɔ́su ɔnini, “Ndubo bɔkwanyi na libo lɛdi aani gyata ɔni na ulayia lɛla ndi lɛla, na lɛtu ntébi kebweyi kani na mɔɔwia liƒie lɛlɔ. Na baƒonu badane kɔvanu kɔdi kulakana-mi bɔbɔku bɔtɔlɔku na neeeƒie lɛla lɛni na mɔɔwia. Udu ɔmmɔ ɔnwa na ndubuti libo mbekpo na Sion Kɔbi lɛlɔ.

Yeremia 20:9

Na ɔɔbla-mi uwi ɔdi aani nda ƒula lɛlɔ kasusu buti iye ƒula lɛnyi muedi bɔlɔ nnya. Nsu ƒula litemi lɛɛdu-mi lɛlɔ kemmo aani ogya na naaakana na libile kenye lɛsɔ lilie kpoo.

Yeremia 26:12

Ɔmmɔ ɔsu ni, lɛ́su litemi batɛne bammɔ ku ukyuli biala ɔni na ɔkya mmɔ nnii, “Unwoti ɔlati nátala-mi ɔnii mbasu-mii agyala ani na ɔdubo-mii bɔbla ku Yerusalem ku kakpakɔ kammɔ ƒui. Nsu si bɛ́vumana udu na biinú Unwoti litemi ni, ɔdubɔvumana nwuna kasusu.

Esekiel 29:21

“Esekiel, si uwi ɔni na lɛ́ya na bádi Egyipte kalɔ lɛlɔ báwɔlɔ ni, ndubɔya na Israelƒuɔ bakɛ ɔyikun na lɛya na ndubute-ɔ ɔyikun ɔni na atɛmi ete-ma. Na ɔmmɔ ɔdubɔya na bati ka ami Unwoti nábla ala amɛni.”

Amos 1:2

Nwuna kenye kammɔ ndi ɔnini, “Unwoti ɔɔkwanyi taasiku Sion na kudu kɔni mɔɔsí Yerusalem mmɔ kɔ́ya na bebuo kadikɔ livo lɛmmɔ ƒui lɛ́yɛyɛ. Na livo lɛni na liwi Karmel Kɔbi lɛlɔ ƒui líkpi.”

Amos 2:12

Nsu bítile kenye bediene bammɔ kuƒi ka batasu mina kenye. Na bínye Nasareƒuɔ bammɔ lɛlɔ ka bataani ntɛ bɔni na lítile-ma kuƒi ka batani.

Amos 3:4

Gyata ulakwanyi na lɛku kemmo si úteƒie tɔ ebuo. Lɛni kani gyata ɔkɔdi ulebo lɛdi na nwuna lɛtakpɛ ubu kemmo si útakɛ lɛla lɛdi ulákun.

Batalane Kabla 4:20

Lɛla lɛni na bɔ́nu na búnu ni, bulakana kenye bubile na bɔsɔ bulie kpoo.”

Batalane Kabla 5:20

Amu na ɔ́su-ma ɔnini, “Biteesie Yudaƒuɔ kakpakɔ na bitátaasu etemila taasiku ngba bɔwɔdi bɔmɛni lɛlɔ!”

Batalane Kabla 5:29

Mmɔ na Petro ku batalane bammɔ bédie kenye banini, “Ɔlɛka bɔka Unwoti bɔbu asa bɔbu bekyuli bayawine.

Korintoƒuɔ 1 9:16

Liiibo kuƒi kɔni na ntaakun lɛmɛnɛ ka mɔɔkɔ́ litemi buni lɛmmɔ lɛsa ɔsu. Blɔti ɔdubɔni-mi kɔtu si ńtakɔ litemi buni lɛmmɔ lɛsa ńtete bekyuli!

Budie Taatina 5:5

Amu na benengu bammɔ akɔ unwi ɔ́su-mi ɔnini, “Sɔ tewulo. Nu! Yesu ɔni baalɔ banii Gyata ɔni nási Yuda kaba kemmo na ɔdi Dawid Kugyii Ugyiitu ni, ɔ́di lɛlɔ. Anwu námanku ka ɔƒɛnimi kɔma kɔni na béti bábala ekpo maatɛ ammɔ.”