Amos 3:7 - Katɔti Ɔku Kedee

⁷ Na Katɔti ulábla lɛla lɛdi ntu ɔ́ka nwuna kenye udiene bɔsu.

Amos 3:7 ပူးပေါင်းရင်းမြစ်များ

Ala Kalɔ Buse 18:17

Mmɔ ni, Unwoti úye lɛlɔ ɔnini, “Ɔdia si líti lɛla lɛni na nnii mɔɔbla lɛ́bala Abraham?

Ala Kalɔ Buse 6:13

ɔsu ni, ɔ́su Noa ɔnini, “Ndubo bekyuli ƒui udu bɔyila. Ɔsika ɔda bubo lɛlɔ tadi kani náƒɔ kayawi na bekyuli bammɔ ɔsu. Ɔmɛni ɔsu ndubo bekyuli bammɔ ku kalɔ kammɔ ƒui udu bɔyila, na nsɔ naaavumana mina kasusu.

Baga 2 22:13

“Bisie na bitánu Unwoti bite ami ku Yudaƒuɔ ƒui lili ku ala ani na ɔku ɔmɛni kemmo etemila aasu. Ɔsika Unwoti úti kɔnyi ɔ́kya-bu ka bula bati kuuku bátabla bátasiaku ala ani na ɔku ɔmɛni kemmo etemila aasu ka bɔbla.”

Baga 2 22:20

Na kɔtu kɔni ndubo Yerusalem bɔni mmɔ ni, kɔdububo ƒula kekpima. Na ndubɔya na ekpi ku atubɔyɔ.’ ” Amu na bekyuli bammɔ bénwini bésie Ɔga Yosia kudɔ na bátásu-nwu kenye kammɔ.

Baga 2 6:12

Amu na bana kabla bablane bammɔ kemmo unwi údie kenye ɔnini, “Bula ɔdi biala uuunye ɔga ɔmmɔ kama. Mmomu Elisa, Katɔti Kenye Udiene ɔni nkya Israel mmɔ, mɔɔsu Israelƒuɔ ɔga ɔmmɔ kɔtɛ kɔni na aatɛmi na ƒula katɔma muedi.”

Kɔgya 25:14

Katɔti ɔɔdiku bekyuli bani mɔɔbu-nwu kɔkpana na uunyimene-ma bunyimi bɔni nkya anwu ku-ma ntɛ.

Yesaia 18:4

Lɛni na Katɔti ɔ́su-mi ɔnini, “Ndubulie mina keliekɔ ntaanu kpoo, aani kalɛ na ɔƒɛ ɔɔyá na kadi kaabi, iye edula ɔƒɛwi liwulu lɛɛyá na amii aayu.”

Yeremia 23:22

Si bɔkya na bákya katɔ mmɔ na mina kelisa kasusu betine akɔ ni, nka badubɔsu amii Yudaƒuɔ na binwini kama bɛkya bina ekpidi na binwini bibo-mi kudɔ.

Esekiel 29:21

“Esekiel, si uwi ɔni na lɛ́ya na bádi Egyipte kalɔ lɛlɔ báwɔlɔ ni, ndubɔya na Israelƒuɔ bakɛ ɔyikun na lɛya na ndubute-ɔ ɔyikun ɔni na atɛmi ete-ma. Na ɔmmɔ ɔdubɔya na bati ka ami Unwoti nábla ala amɛni.”

Daniel 10:21

Nsu kudeedi ni, ndubo-ɔ bɔsu lɛla lɛni na bénweni bákya Litemi Geen Ɔku ɔmmɔ kemmo. Na litemi lɛmmɔ lɛɛtina ka ukyuli ɔdi uuubo na unye-mi kama si ɔɔɔdi Mikael ɔni ndi Israel kadi ɔtu kani.”

Daniel 11:2

“Lɛla lɛni na ndubo-ɔ bɔsu mɛni lɛdi lɛla lɛni nsia ulu lɛdubo, na lɛdubo bɔlɛ na lɛla lɛdi liletile-ni kuƒi. Baga ine badi badubo lɛga bɔdi na Persia kalɔ lɛlɔ atɔ asia, nsu unedi ɔdubo lɛkɛ bɔkɛ butulo bani ntɔ-nwu ƒui. Na geen ni, na nwuna lɛkɛ ɔsu ɔdubo ɔyikun bɔkɛ geen, na ɔya na bekyuli ƒui bata benye Grikiƒuɔ lɛga kadikɔ lɛlɔ.

Daniel 2:47

Na ɔga ɔmmɔ ɔ́su ɔnini, “Ɔƒɛni na lɛ́ti ka ƒula Katɔti utulo baƒiɔ bayikune bani ƒui nkya. Ɔsika anwu néte-ɔ ɔyikun na édie abɛla amɛni kalɔ.”

Yohane 15:15

Nsɔ naaalɔ-mii mina kabla bablane ɔƒɛni, ɔsika ukyuli ɔni mɔɔbla ukyuli bamba kabla ni, ɔɔɔgyi lɛla lɛni na nwuna unwoti ɔɔbla. Mmomu mɔɔlɔ-mii nnii bakpana. Ɔsika lɛla biala na línu lɛ́siku mina Ɔti kudɔ ni, ani na lɛ́su-mii.

Budie Taatina 1:1

Ɔku ɔmɛni ndi ala ani na Katɔti údie ɔ́tina nwuna kabla bablane ɔkɛnku Yesu Kristo lɛlɔ ka adubo bɔlɛ na uwi klukui kemmo. Báti ɔmɛni ɔkɛnku Katɔti ɔtu ɔni na Kristo ɔ́tala ɔ́kya nwuna kabla ɔblane Yohane na ala ani na údie ɔ́tina-nwu kemmo.

Budie Taatina 1:19

Anwuɔsu ala ani na ánu ku ala ani nkya ɔƒɛni ku ani ndubo bɔlɛ lɛnɔ ni, nweni-nya se.

Budie Taatina 10:7

Kabla kabɛdi kani na ɔ́su nwuna kenye bediene bani ndi nwuna kabla bablane ka kadubɔlɛ ni, kadubo kete lɛni si Katɔti ɔtu maatɛdi ɔmmɔ ɔ́vwi nwuna kakpɛɛ.”

Budie Taatina 4:1

Ɔmɛni kama ni, Katɔti údie kɔyu kemmo ala adi ɔ́tina-mi. Na lɛ́nu kayakun kadi ka bálɛmi-ka na katɔ. Amu na lɛdi lɛni na lɛ́ka bunu aani kakpɛɛ ni, línu ka lɛsɔ lɛɛtɛmiku-mi lɛnini, “Bo katɔ kakɛ mɛni na lɛtina-a lɛla lɛni ndubo bɔlɛ na ɔmɛni kama.”

Samuel 1 9:15

Na limeyi lɛni ntɔ asa na Saul úbo úbasiaku Samuel mɛni ni, Unwoti údie ala ammɔ ƒui ɔ́tina Samuel.