Amos 3:14 - Katɔti Ɔku Kedee

¹⁴ “Na limeyi lɛni lɛlɔ na ndubo Israelƒuɔ kɔtu bɔni na bana ekpidi ɔsu ni, ndubo Betel akpabi ammɔ ƒui bɔbwɛ na lɛƒɛ ese ani na bálɛ akpabi ammɔ lɛlɔ ƒui lɛva kalɔ na ɔtumu akɔ.

Amos 3:14 ပူးပေါင်းရင်းမြစ်များ

Baga 2 23:15

Na Ɔga Yosia ɔ́sɔ úgyingya akpabi ani lɛlɔ na baakpá na Betel na Nebat ubidi Ɔga Yerobeam ɔ́tu ɔ́lɛ mmɔ uwi ɔni na ɔ́kpanku Israelƒuɔ útákya likpidi kemmo. Ɔga Yosia ɔ́ƒɛ lɛkpa lɛmmɔ na ɔ́bwɛ atabi ammɔ na ɔ́kɔ-nya ɔ́bla ntɔ. Na ɔ́kyula Asera baƒiɔ bani bávɔ bálɛ mmɔ.

Ala Alɛdi 2 31:1

Ka bádi limeyi lɛmmɔ báwɔlɔ ni, bekyuli bammɔ bésie Yuda lɛma ƒui kemmo na bátábwɛ atabi baƒiɔ bani ƒui na bátu bálɛ lɛma lɛmmɔ kemmo. Na békulo lɛƒiɔgyii lɛni na bálɛ béte Asera baƒiɔ mmɔ ƒui béwi kalɔ. Na baƒiɔ lidu biala na bátu na abi eli ku bana akpabi ƒui ni, bábwɛ-ma na Yuda kalɔ lɛlɔ ƒui ku Benyamin ku Eƒraim ku Manase ɔƒɛ kanukɔ kakɛ ƒui béwi kalɔ na bátɔlɔ bésie bana kɔduli.

Israelƒuɔ Bɔlɛ 32:34

Nsu ɔƒaani ni, teesie na atákpanku bekyuli bammɔ esienku kesii kani lɛ́su-ɔ líse. Na enyimo ka mina ɔtu ɔdubo-ɔ bɔgyumana. Nsu uwi ɔdi ɔdubo ɔni na ndubo bekyuli bamɛni kɔtu bɔni ɔkɛnku likpidi lɛni bábla ɔsu.”

Amos 2:8

Na adala ani na báƒɔ ɔkpa básiku bekyuli kudɔ na kayu kenye na baavá taatɛ na kakpakɔ biala. Na kɔyu kɔni na bákya bekyuli ni, beeti egulabi ammɔ teeye ntɛ na baaní-mu muedi na Unwoti kakpakɔ mmɔ.

Amos 4:4

“Na kalɛ na bina kayi kaatina-mii si bɛɛyɔ́ ni, bisie Betel ku Gilgal na bɛbla bina ekpidi bɛsia kama kɔlɛ kɔlɛ na mmɔ. Na kadi biala megye na ɔmmɔ kama na bitábla bina akpala. Na emeyi atɛ biala kama na bitéte bina akɛla lɛkpa leevudi.

Amos 7:10

Mmɔ na Amasia ɔni ndi ɔkpane unengudi na Betel ɔ́tala na bátásu Yeroboam, Israelƒuɔ ɔga, ɔnini, “Amos unye ɔɔví-ɔ kalɔ momoomo ɔni na ɔɔɔdia na awɔ ɔlati ƒula kalɔ kemmo na Israel kalɔ lɛlɔ. Na mɔɔnu ka ɔmmɔ ɔdubo kalɔ kammɔ ƒui bubile na bekyuli bammɔ lɛnɔ balakana-nwu lɛlɔ bɔta búnye na beni lɛla lɛni na ɔɔsu.

Amos 7:13

Sɔ tasu ƒula kenye kadi na mɛni, ɔsika mɛni kadi kakpakɔ ute ɔga ku nwuna lɛga kadikɔ bekyuli bammɔ ƒui.”

Amos 7:9

Na ndubɔbwɛ Isak kaba kemmo bebi baƒiɔ kɔkpakɔ kɔmmɔ ƒui na lɛbwɛ Israelƒuɔ kɔkpakɔ kedee kɔmmɔ ƒui. Na lɛbwɛ Ɔga Yeroboam lɛga kadikɔ kammɔ.”

Amos 9:1

Lɛ́nu ka Unwoti unye lɛkpabi lɛmmɔ kudɔ na ɔ́su ɔnini, “Kunku akpa enengudi ammɔ momoomo útédu ka ɔtɔ ɔmmɔ ɔ́kunku útálɛ kowodu kalɔ ƒui. Na lɛsa limodi lɛmmɔ ligyingya na lɛta lɛmmɔ lɛƒɛ libayu bekyuli bammɔ lɛlɔ. Na si badi bébu ni, ndubo-ma bɔdu ku kuwii. Na ina ukyuli unwi muedi ulébu na ɔdi lɛnɔ ulakana bukeli.