Amos 3:12 - Katɔti Ɔku Kedee

¹² Kalɛ na si gyata úƒie koƒonu na kakɛ blii kani na baƒonu ɔdane ɔɔnu taaƒɔ́ ni, lɛni geen na ɔdubo bɔlɛku Samariaƒuɔ, na bana ɛlɛɛ kani ndubo bukeli na bakɛ ngba ku bana ala ekuku ani na badububile bebu.

Amos 3:12 ပူးပေါင်းရင်းမြစ်များ

Baga 1 20:30

Na bani nébu békeli bésie Aƒek ɔma, na mmɔ lɛnɔ ɔma ɔmmɔ awodu áƒɛ áyu Siriaƒuɔ bekpone mpim aavlanyɔ-maatɛ na békpi. Nsu Ben-Hadad úkeli útéduo ɔma ɔmmɔ kemmo na útábɛ ɔtɔ ɔdi katɔma.

Baga 1 20:34

Amu na Ben-Hadad ɔ́su Ahab ɔnini, “Lɛma lɛni ƒui mina ɔti ɔ́ƒɔ ɔ́siku ƒula ɔti kudɔ ni, ndubɔsɔku-ni lite-ɔ. Na akana atu kuye kubendi kɔdi na Damasko ete lɛlɔ aani kalɛ na mina ɔti ɔ́tu ɔdi na Samaria.” Amu na Ahab údie kenye ɔnini, “Lɛla lɛni na ásu mɛni ɔsu ni, ndubɔnyonu-ɔ na atɔlɔ kusɛ kusɛ.” Ɔmmɔ ɔsu bana inyɔ bábla unwi bɔbla kakunkɛ na bákya kɔnu nwuna kalɔ, na Ahab ɔ́ya na Ben-Hadad ɔ́tɔlɔ.

Baga 1 22:25

Amu na Mikaia údie kenye ɔnini, “Limeyi lɛdi lɛdubo na adubo bɔnu ka ɔlɛka abɛla lɛlɔ na ɔtɔ ɔdi kama kesii kadi.”

Baga 2 16:9

Na ka Asiriaƒuɔ ɔga únu litemi lɛmɛni ni, útiku nwuna bekpone na bétékpoku Damaskoƒuɔ. Na bádu Ɔga Resin. Na béti bekyuli bakladi bammɔ bésienku Kir, batɔntɛne kalɛ.

Ester 1:6

Na bákya kadikɔ kammɔ akya ku aduni abuni aƒualadi ku egyiedi. Na béti linwo lɛni náƒɔ kuye litulo ƒui bávili sika ɔƒualadi asikpɛɛ ani ndanku kesii kani bene na asɛɛ ebi ani náƒɔ kuye geen ada aduni ammɔ lɛlɔ. Na bése sika ugyiedi ku ɔƒualadi eboku bése kesii kani na bákya asɛɛ ebi ku ketu kemmo atabi aƒualadi ani muukeye kalɔ ku akya bun bun.

Ester 7:8

Na ɔni kani na Haman ɔɔyu ɔɔlɛ akɔnkɔ na liboku lɛni kemmo na beleku ɔga ɔmmɔ ukpo kudɔ kani na Ɔga Ahasweros ɔ́si úbeduo. Mmɔ kani na ɔga ɔmmɔ ɔ́va ku lɛdi momoomo ɔnini, “Buƒie muedi na asɔ adubo mina uleku buƒie na mina anumi mɛni na ami ɔlati kaduli?” Ɔga ɔmmɔ útawɔlɔ tɔ kenye kammɔ bɔsu asa na nwuna beleku lɛlɔ banune báka bámana Haman, na béti ala bébi-nwu lili.

Kɔgya 132:3

“Lɛɛɛdubo mina ɔtɔ buduo. Na lɛɛɛdubo busie butátɛ lɛnɔ.

Yesaia 17:7

Uwi ɔmmɔ ni, bekyuli badubunwini banu bana Udiene Israel Katɔti ɔni nse kedee.

Yesaia 31:4

Lɛni na Unwoti Ɔyikune Ƒui ɔ́su ɔnini, “Ndubo bɔkwanyi na libo lɛdi aani gyata ɔni na ulayia lɛla ndi lɛla, na lɛtu ntébi kebweyi kani na mɔɔwia liƒie lɛlɔ. Na baƒonu badane kɔvanu kɔdi kulakana-mi bɔbɔku bɔtɔlɔku na neeeƒie lɛla lɛni na mɔɔwia. Udu ɔmmɔ ɔnwa na ndubuti libo mbekpo na Sion Kɔbi lɛlɔ.

Yesaia 8:4

Na asa na ubi ɔmmɔ ɔdubɔti bɔsu ɔnii, ‘Mina Ati’ iye ‘Nna’ ni, Asiriaƒuɔ ɔga úuti Damasko lɛlakɛ ku ala ani na ɔdubuƒie ɔƒɔ na Samaria ɔ́tɔlɔku uwi ɔmmɔ.”

Amos 6:4

Amii balakɛne, biwi bina atɛla mɔmɔɔmɔ ani na béti ɔtunkpɛ bánwi nina ligyii lɛlɔ ku eboku bonwu bonwu kemmo, na baadú baƒonu ku ɔmantɛ bakɔ bebi bakɔdi bani nélie lɛmwi teeboku-mii na bɛɛdi taaní!

Amos 9:8

Ami ɔlati néti mina anumi lɛ́nu ekpidi ani udu na amii kadi kamɛni bekyuli bɛɛbla. Anwuɔsu na ndubo bina ƒui udu bɔyila na kalɔ kammɔ ƒui lɛlɔ, na kebu Yakob kaba kemmo bebi ɛlɛɛ badi kani. Ami Unwoti násu!