Amos 3:10 - Katɔti Ɔku Kedee

¹⁰ Unwoti ɔnini, “Bekyuli bamɛni baaagyi kalɛ na baabla lɛbuni. Béyu bekyuli, na béƒie ani báƒɔ ɔkplu kemmo bénwini bana lɛlakɛ.”

Amos 3:10 ပူးပေါင်းရင်းမြစ်များ

Hiob 20:21

Ɔƒɛni ka bɔnwanɛ na baanwanɛ teemu taadi ɔsu ni, si ala ani na bánwanɛ mmɔ ása ni, na beenwíni bekyuli bekpludi.

Kɔgya 14:4

Amii alaekpidi bablane bamɛni, bíni bɛnii bɛɛɛdubo lɛla lɛdi bɔtɛya! Bi ɔsu na bɛ́yila mina bekyuli udu aani kalɛ na baadi adila, na bíni bɛnii bilakpali Unwoti lɛnyi?

Agba 1:13

Na bana ala abuni ani na búƒie bɔ́ƒɔ ni, bɔdubuyile bula lɛtɔ ku-nya!

Agba 11:16

Beleku bani mbo lɛƒɔndia baakɛ́ ɔbu teetulo banana bani mbo ulikplu na baakɛ́ egulabi.

Agba 28:5

Bekyuli bekpidi belenu ala bɔbla ulu lɛlɔ kalɔ. Nsu bani mɔɔsiaku Unwoti kama geen ni, beenú ɔmɛni kalɔ nwaa.

Etemila 4:1

Lɛ́nu lɛla bamba lɛnɔ lɛ́ka lɛ́mana na lɛ́nu ulikplu ku kalala kani udu na bekyuli baabla bekyuli na kalɔ lɛlɔ. Na keku buwulo sɔɔn kani nda, nsu kɔnu ɔsiane ɔdi uuubo. Na bani mɔɔbla udu ɔmɛni lɛnɔ bebo ɔkplu geen.

Yeremia 4:22

Línu ka Unwoti ɔɔsu ɔnini, “Mina bekyuli béni-mi. Bebi badɔlɔdi na badi na baaagyi banii kɔtu bɔni bɔdubo-ma lɛlɔ. Lɛla lɛni kani na bagyi ndi ka belie bataabla ekpidi.”

Yeremia 5:4

Na lɛ́bla kasusu nnini, “Bekyuli keeke bani mɔɔyaki ala na bádɔlɔ badi. Na balanu lɛla lɛni na bana Unwoti Katɔti ɔɔwia taasiku-ma kudɔ bati.

Esekiel 18:7

Na ulanya ukyuli taakya iye uyu ɔdi lɛnɔ. Na lɛla biala na ukyuli ɔdi úti úse lɛlɔ kama úte-nwu asa na úvo lɛla lɛdi ni, ɔɔsɔku-ni teete-nwu. Na uleyu bekyuli. Na uute bawabane adila. Na bani nkɛ ku kasɔngya ni, uute-ma adala.

Esekiel 22:29

Na bekyuli bammɔ beeyu ama alati bana lɛlɔ na baanya bekyuli taakya. Na beedumi bawabane na baanya bawabane ku baƒɔ taakya taakɛ-ma lɛlɔ kɔsia.

Esekiel 8:17

Mmɔ na Katɔti ɔ́su-mi ɔnini, “Ɔdi likpidi geen ka Yuda kadi bekyuli benye baabla ala ani muuƒí livo mɛni udu. Na ɔɔɔdi amɛni lɛti mmomu etemila tatɛ ulu lɛlɔ ku kalala káaƒɔ Israel kalɔ kemodi kammɔ lɛlɔ ƒui kesi kesii na bákya-mi kɔnyi geen. Na ulu ukpidi ƒui ɔni lɛlɔ na badubɔsia na bakya-mi kɔƒa na bedumi-mi na ɔdi mɛni.

Hosea 7:1

“Na uwi biala na nnii mɔɔbwi mina kadi bekyuli Israelƒuɔ lɛsiku bana lɛlɛ lɛni na beeƒi kudɔ ni, kalala ku ɔkɔ bɔnyi ku ekpidi lidu bamba kani na mɔɔnu. Na beyune baabwɛ teeduo bekyuli kɔduli na bakɛ lilu lɛlɔ ƒui baaví.

Amos 4:1

“Amii Samariaƒuɔ beleku bise atu na binu! Bise aani Basan ɔmantɛ bakɔ bani nélie lɛmwi, ɔsika bana balati bánu-ma lɛlɔ kaduɛ. Biláda bawabane edu munu munu. Na bani mɔɔyaki ala ni, bísusu-ma geen kalɛ na bakpa bayii bakya. Na bɛɛwia ka bina bagya beteete-mii ntɛ na bitaani uwi biala.

Amos 5:7

Amii bani mɔɔtu litemi geen teenwini na biiƒú ala taakya na bilábla ala ulu lɛlɔ siin ni, amii ɔdi ɔ́sa.

Amos 6:12

Nka ɔpɔnkɔ ulakɛ taaƒulu na atakpɛ lɛlɔ, na ɔmantɛ bakɔ balada bana anwami bonwu bonwu ammɔ teegulu ɛpu anumi. Nsu amii bɛ́tu litemi geen lɛmmɔ lɛlɔ bɔdi bínwini ugyulo ukpidi, na bíti lɛbuni bɔbla bínwini likpila.

Amos 6:3

Bɛ́yiƒala ka kalɛ na bilie bɛɛdi bekyuli lɛlɔ kalala kemmo ndubo bɔya Unwoti uyile bubo bubatɛku-mii litemi.

Amos 6:8

Unwoti Katɔti Ɔyikune Ƒui ɔ́kpali anwu ɔlati lɛnyi úse kenye ɔnini, “Amii Yakob kaba kemmo bebi, bɛɛkya-mi kɔnyi geen na bina lɛlɔ katɔ bɔkɔliku ɔsu, na muukisi bina ɔma agbanya ani na bɛ́tu bínyene mmɔ ƒui. Anwuɔsu ndubo-mii atu budie na lɛnyonu-mii ku bina ɔma lɛkya bina bekisine enu kemmo ku bina akɛla ƒui.”

Mika 6:10

“Ala eyudi ndi akɛla ani na bɛ́klibi bíse lɛlɔ. Na bɛda akɔkula ani nátamanku biiyé ala taanya bekyuli taakya.

Seƒania 1:9

Amii bani nsiaku kadi bamba baƒiɔ kama bɛɛkpá-ma, na bɛsiaku baga kesii bakutine belikplune bani néti bana kenyekɔ baabla likyulikpi ala kama ni, ndubo-mii kɔtu bɔni.

Petro 2 3:5

Na bagyi ƒui nsu béni kalɛ na Katɔti útemi na úti údie katɔ ku kalɔ. Ɔ́bla na kalɔ kákɔ kálɛ ntu kemmo.