Amos 2:9 - Katɔti Ɔku Kedee

⁹ “Israel, Amoriƒuɔ lɛnɔ benye mmɔ uwi ɔni na bíduo Kanaan. Bekyuli bammɔ badi bekyuli bani na bákuku aani egyii enengudi ani na ebo ɔkplu geen. Nsu lɛ́bɔku-ma lídie mmɔ ƒui lidu ku lidu.

Amos 2:9 ပူးပေါင်းရင်းမြစ်များ

Ala Kalɔ Buse 15:16

Uwi ɔni na ƒula bawɔ mmɔ bulie búdu akwa ammɔ ni, badubɔsɔ benwini bebo mɛni. Ɔsika Amoriƒuɔ ekpidi ani baabla ni, étedu tɔ kesii kani na lɛni-ma kɔtu kɔni meduku-ma.”

Ala Alɛdi 1 1:14

ku Yebusƒuɔ ku Amoriƒuɔ ku Girgasiƒuɔ

Hiob 18:16

Ɔdubukpi ku lidu ku lidu, na ɔkwii unye aani kugyii kɔkwiidi ku kɔgba.

Israelƒuɔ Bɔlɛ 3:8

Na ɔmɛni ɔsu na lɛ́yu líbo ka mbedie-ma lɛlɛku Egyipteƒuɔ enu ku bana kalɔ kammɔ kemmo. Na lɛya na betélie kalɔ kani na kana egyiibi ntu bɔɔyu emini aani uwɔ na kana lɛlɔ bebuo baayu anyi ntu pii. Na kalɔ kammɔ na Kanaanƒuɔ ku Hetiƒuɔ ku Amoriƒuɔ ku Perisiƒuɔ ku Hewiƒuɔ ku Yebusiƒuɔ belie.

Israelƒuɔ Bɔlɛ 34:11

Di ɔda ɔni muubó-ɔ ɔmwi mɛni lɛlɔ. Na ndubo Amoriƒuɔ ku Kanaanƒuɔ ku Hitiƒuɔ ku Perisiƒuɔ ku Hewiƒuɔ ku Yebusiƒuɔ bɔbɔku na ƒula anumi.

Yesaia 10:33

Nsu bɛnu! Unwoti Ɔyikune Ƒui ɔdubo kugyii bonwu ku kuna kɔgba bonwu bɔmɛnɛ buwi kalɔ ku nwuna ɔyikun bonwu. Egyii enengudi ani nákuku mmɔ na ɔdubo bɔƒɛ na uboku-nya kalɔ.

Yesaia 5:24

Anwuɔsu bana ƒui badubo bɔkywi bɔyii udu aani kalɛ na ogya ɔɔkyula livo ku keti. Bana ligyiitu lɛdubo bubun na bana anwula awiɛ. Ɔsika bekyuli bamɛni béni Unwoti Ɔyikune Ƒui ɔda bubo. Na béni banii belenu Israel Unwoti Kedee litemi.

Esekiel 17:9

“Na ɔƒɛni ni, Esekiel, su-mi ƒula kasusu. Aabu ka kugyii kabuli kamɛni kadubo ngba bulie? Munuu kɔdigbo aasɛ udeedi ɔmmɔ ɔdubo-ku bɔgyu budie mmɔ na ude ebi ammɔ udie-ku lɛlɔ na evete ani ƒui na ɔdaku budie mmɔ ayɛyɛ? Ɔsika kɔdigbo aasɛ ɔmmɔ ɔdubɔkana na ɔdu-ku kpɛtɛ kpɛtɛ ɔni na ɔɔɔdi bekpone pii badi na ɔdubo busie butétiku.

Malakai 4:1

“Litemi Bɔtɛ Limeyi lɛdubo ɔni na lɛla lɛdi liletile kuƒi kɔmmɔ. Na limeyi lɛmmɔ lɛdubuse aani lɛyu lɛni náƒɔ ogya ku ogya livongu bonwu lɛni muudie ogya linyemi lɛni ndubo alaekpidi bablane ƒui bɔkyula kede kede aani livo. Na kegyigba iye ugyitu ɔdi ulébu. Ami, Unwoti Ɔyikune Ƒui, násu!

Bumomo Bɔka 32:13

Na ɔmmɔ ɔsu Unwoti úti kɔnyi kpakplaa ɔ́kya Israelƒuɔ na ɔ́ya na bakɛ baaka taamana ketele kalɔ kakwiidi kammɔ kemmo akwa aavlene sɔɔn útédu ka kaba kani bekyuli nábla likpidi na Unwoti anumi békpi báyii udu.

Lɛkpa Ulu 1:28

Na bɛ́sɔ bɛ́su bɛnii, “Wɛ bɔdubusie ɔƒɛni? Ɔsika bekyuli bani na bɔ́tala mmɔ básu-bu ka bekyuli bani nkya mmɔ bebo ɔlɔkplu na bákuku betulo-bu. Na belie lɛma libendi lɛni nina awodu ákuku ésie kayaa. Na bɔ́nu bekyuli bani na baalɔ-ma Anakƒuɔ lɛnɔ ka bakya mmɔ.”

Lɛkpa Ulu 3:11

Na Raƒa bekyuli ƒui kemmo ni, Ɔga Og lɛti pɛ nébu. Na binu! Nwuna lɛla lɛni lɛlɔ na ɔɔtɛ ni, nwuna bune butulo lɛgba leevu-ɛtɛ. Na nwuna bɔbɛbɛ bɔbla aani lɛgba ɛku. Na abuala lɛti lɛti na béti bábla lɛla lɛmmɔ. Na kamu kese Arnonƒuɔ ɔma ubendi ɔni baalɔ banii Raba ɔmwi kadi.

Yosua 10:12

Limeyi lɛmmɔ ni, Unwoti Katɔti úti Amoriƒuɔ ɔkya Israelƒuɔ enu kemmo. Na únye-ma kama na badaku-ma lɛlɔ bɔdi. Na ka ɔƒɛ úsela bɔnu ni, Yosua ɔ́kpali Katɔti momoomo, na Israelƒuɔ bammɔ ƒui bénu ka ɔ́su ɔnini, “Bula Unwoti, ya na ɔƒɛ udi unye na Gibeon ɔma eli, na aya na kɔbuli lɛnɔ kɔsɔ kɔkya Ayalon Kɔwɛ.”

Yosua 3:10

Ɔni na bísela mɛni ni, Bina Unwoti Katɔti ɔdubo Kanaanƒuɔ ku Hetiƒuɔ ku Hewiƒuɔ ku Perisiƒuɔ ku Girgasiƒuɔ ku Amoriƒuɔ ku Yebusiƒuɔ bɔbɔku bɔlɛku kɔlɔ kɔmmɔ lɛlɔ. Na mmɔ bɛdubo bɔnu bɔti ka Katɔti ɔni nlie ngba mmɔ ɔkya-mii akɔ sɔsɔ.