Amos 2:6 - Katɔti Ɔku Kedee

⁶ Unwoti ɔnini, “Ndubo Israelƒuɔ kɔtu bɔni na bana ekpidi pii ani ɔsu na lɛɛɛdubo mina kasusu bɔvumana. Béti mina bekyuli babuni bani mɔɔdi mina litemi lɛlɔ béye báƒɔ egulabi. Na béye bani mɔɔyaki ala na lɛgbanvuo kuye kenye.

Amos 2:6 ပူးပေါင်းရင်းမြစ်များ

Baga 2 18:11

Asiriaƒuɔ ɔga úƒie Israelƒuɔ úsienku Asiria kalɔ lɛlɔ, na ɔ́ya na bétélie Hale na Gosan kalɔ kemmo na Habor Ketudɔ ku Media lɛma kemmo.

Baga 2 18:12

Békpo bádi Samariaƒuɔ lɛlɔ, ɔsika Israelƒuɔ bátadi bana Unwoti Katɔti litemi lɛlɔ. Na ɔda ɔni na úbo-ma ɔ́siaku Mose ɔni ndi Unwoti kabla ɔblane lɛlɔ ni, bátadi ɔdi biala lɛlɔ. Na béni muedi ka benu ɔda bubo bɔmmɔ na badi-nwu lɛlɔ.

Yesaia 10:2

Na balátɛ litemi ulu lɛlɔ teete bawabane ku bekpinele ku bekpinebi kalɛ kɔnu kutuku-ma bana ala lɛlɔ.

Yesaia 29:21

Na ɔkɔ kenye bediene bani mɔɔnyi ɔkɔ teedie ala kenye kalɛ na badu bekyuli bani na nka bátaƒiɔ kɔtɔ lɛ́nɔ badubo bɔyii ƒui.

Esekiel 22:13

“ ‘Ndubo mina ɔvu ɔni na líkene buƒwimi bɔkya kayaa bɔtina kalɛ na líti kɔnyi lɛ́kya bina kalala ala ani na bɛɛbla ɔsu.

Yoel 3:3

na bátu akunkpa bánu bana ɔni meti mina bekyuli menwini anwu badi. Na béti bananabi bávumanaku bayalɛ na béti belekubi béye báƒɔ ntɛ báni.

Yoel 3:6

Na bíƒie Yudaƒuɔ ku Yerusalemƒuɔ bíye bíte kadi bamba bekyuli bani naaadi Yudaƒuɔ na bɛ́bɔku-ma bɛ́tɔlɔku bana lɛma kakaaka ƒui.

Sakaria 11:5

Bekyuli bani muuyé-ma taatádu bakɛ ƒaa ɔni na balani ɔdi kɔtu. Na bani lɛnɔ muuti-ma teeye mmɔ ama enu na baakɔliku katɔ taasu banini, ‘Bɔɔgyá Unwoti enu ka bɔ́kɛ egulabi.’ Na baƒonu bammɔ baládu bana badane muedi kaƒɔ.