Amos 2:4 - Katɔti Ɔku Kedee

⁴ Unwoti ɔnini, “Ndubo Yudaƒuɔ kɔtu bɔni na bana ekpidi pii ɔsu, na lɛɛɛdubo mina kasusu bɔvumana. Béni mina ala ani mɔɔtina-ma na banii baladi mina litemi lɛlɔ. Na baƒiɔ bani na bana bati kuuku bákpa na baaadi lɛla lɛdi bákpanku-ma na báyii ulu.

Amos 2:4 ပူးပေါင်းရင်းမြစ်များ

Baga 2 17:19

Nsu na ɔmɛni kama ƒui ni, Yudaƒuɔ bátadi bana Katɔti ɔda bubo lɛlɔ. Na básiaku Israelƒuɔ ɔbladu kama.

Ala Alɛdi 2 25:14

Uwi ɔni na Amasia úsie útádi Edomƒuɔ lɛlɔ na kekpokɔ ɔ́wɔlɔ ni, úti bana báƒiɔ ala anwidi ku avɔdi ɔ́tɔlɔku úboku Yerusalem. Mmɔ na úbese-ma na ɔɔkpá-ma na ɔɔkya lili kalɔ teete-ma.

Ala Alɛdi 2 30:7

Bitasiaku bina bati kuuku ku Israelƒuɔ lɛlɔ bekyuli bani na bakya kalɔ kammɔ kɔtɔ kakɛ mmɔ. Bátasiaku Unwoti kama siin, anwuɔsu na ɔ́ni-ma kɔtu geen.

Nehemia 1:7

Ɔsika bɔ́bla likyulikpi bɔ́kya-a. Na bútadi Mose ɔda bubo bɔni na éte-bu mmɔ lɛlɔ.

Nehemia 9:26

“Nsu báyu atuɔkplu na báta bénye-ɔ lɛlɔ. Na béti ƒula ɔda bubo bábala bana kama. Na bádu ƒula kenye bediene bani bákya-ma ɔkplu ka nka benwini bebo-ɔ kudɔ. Na bétemi enyekpi ani mɔɔda lɛƒu béwi-ɔ.

Yesaia 28:15

Bɛɛkun lɛmɛnɛ taasu bɛnini, “Abu ku kukpi bínyimi ka kɔsɔ kuládu-bu, na bɔsɔ buleduo kaƒiɔtɔ kemmo iye si lɛbibo ku kawɔlɔkɔ lɛbibo kpakplaa lɛmmɔ lídu ni, ɔdubɔvia-bu lili, ɔsika búti ɔkɔ bɔ́nyi búnwini katamikukɔ na búti katuala bɔ́bla kabɛkɔ.”

Yesaia 44:20

Bi ɔsu na ɔlɛka ukyuli ɔdɔlɔ laa lɛni utédu ka unye utaabu lɛla lɛni na bakana bakyula benwini ntɔ na ulanu taati ka ɔkɔ ala bɔbla na adi mmɔ, na ɔmmɔ uláƒɔ-ma ngba ka baaadi baƒiɔ bayikune ɔsu?

Yeremia 16:11

“Mmɔ ni, na asu-ma anini, ‘Amii Yuda kadi bekyuli, bina bati kuuku bénwini kama bákya-mi na béni mina ɔda bubo ku mina ala ani na mɔɔtina-ma na bése kalɔ baakpá baƒiɔ.

Yeremia 16:12

Na bɛ́bla ala ani na ásɔ ébie etulo amɛni! Bɛɛbla atuɔkplu kpakplakpa na ɔni na binu-mi litemi na bedi-ni lɛlɔ ni, ala ekpidi ani nébo-mii kasusu kani na bɛɛbla.

Yeremia 17:27

Nsu si bɛɛgyú ala teeti taasia kɔyakun kɔmɛni taalɛ na Lɛnwunameyi lɛlɔ na bɛɛla ala nina lɛlɔ aani limeyi keeke bamba biala ni, ndubo ogya bɔtu bɔkya kɔyakun kɔmmɔ na lɛkyula ɔma unengudi ɔmmɔ ƒui ku kɔgyumanakɔ kɔmmɔ ƒui.”

Yeremia 6:19

Mina bekyuli bédie-mi atu na béni mina ɔda bubo. Bábla kasusu ka bataabla likpidi. Na ɔƒaani ni, likpidi kɔkwɛ ala ani na bábla ala ndubo-ma bɔlɛku.

Yeremia 8:2

Na badubugyingya bana ekubi ammɔ bewi kalɔ mmɔ bamana na kesii kani na ɔƒɛ ku kɔbuli ku ayabi ammɔ ataalɛ teewi-nya, ɔsika anya na bátaakpa.

Yeremia 8:9

Bina banundane béni mina etemila ani na lɛ́su, anwuɔsu basɔ beeebo lɛnunda lɛdi. Na ala ényimi-ma na kɔƒa kuukpó-ma na basɔ baaagyi lɛla lɛni na babla.

Yeremia 9:14

Bábla atuɔkplu na bakya baakpá Baal baƒiɔ aani kalɛ na bana bati kuuku bábla.

Esekiel 13:22

“Baabla ala ani na ami lɛɛɛdubo bɔbla kudi kudii. Baatɔ́lɔ bekyuli babuni na baakya-ma ogya ka babla likpidi na baayá na kayi keelie bekyuli bekpidi kalɔ ka bataabla bana ekpidi na bayila bana ngba bumodi bɔmmɔ ƒui.

Esekiel 20:13

Nsu Israelƒuɔ báta bénye-mi lɛlɔ na ketele kalɔ kakwiidi kemmo mmɔ. Na béni banii baaadubo-mi litemi bunu na badi mina ɔda bubo ku ala ani mɔɔtina-ma mmɔ lɛlɔ. Na baabla Lɛnwunameyi lɛmmɔ kalɛ kalɛ aani limeyi keeke bamba biala kalɛ. “Mmɔ na lɛ́lɛ ugyii ka nka mɔɔyila Israelƒuɔ bammɔ ƒui udu na kalɔ kakwiidi kemmo mmɔ kɔnakunwi kani na ɔsa.

Esekiel 20:16

Na ɔɔɔdi ɔni na béni na baládi mina ala ani na lɛ́tina-ma ku mina ɔda bubo lɛnɔ lɛti pɛ ɔsu. Mmomu ka bákya mina Lɛnwunameyi kɔƒa na baakpá baƒiɔ ɔsu.

Esekiel 20:18

Anwuɔsu na lɛ́lɛ bana bebi bammɔ kpakplaa nnii ama batalɛ bana bati na basiaku bana ɔbladu buɛ ɔmmɔ kama iye bakpa baƒiɔ lɛnɔ.

Esekiel 20:24

ɔsika béni na bátadi mina ɔda bubo ku ala bɔtina lɛlɔ na bákya mina Lɛnwunameyi kɔƒa na bakya baakpá kadi bamba baƒiɔ bani na bávɔ mmɔ.

Esekiel 20:30

“Ɔmmɔ kama ni, ye Israelƒuɔ lɛla lɛni ɔsu na basiaku bana bati kuuku ulikplu ɔbladu ɔmmɔ kama,

Esekiel 22:28

“Na ɔmmɔ kama ni, Israelƒuɔ kenye bediene lɛnɔ beeti ala teebi bekyuli bamɛni ekpidi ani na bábla mɛni. Na baasu ɔkɔ ala ani na banii ami násu-ma.

Esekiel 22:8

Na kesii kani bene na nka bédie bése sɛsɛɛ ka use kedee ute-mi ni, biládi mmɔ lɛlɔ lɛni. Na mina Lɛnwunameyi lɛnɔ bɛɛbla-ni aani limeyi keeke bamba biala kalɛ.

Hosea 12:2

Unwoti údie Yudaƒuɔ bani ndi Yakob kaba bebi bɔƒiɔ. Na ɔdubo-ma kɔtu bɔni na bana ala bɔbla ɔsu.

Hosea 12:3

Kaƒɔ kemmo ƒui na Yakob úse kalɔ uukpóku ɔnwani. Na ɔni na ɔ́bi lɛlɔ lɛnɔ ni, anwu ku Katɔti bása kayi na békpoku lɛlɔ.

Hosea 6:11

“Na amii Yudaƒuɔ lɛnɔ ni, bina limeyi lɛsia ulu lɛdubo ɔni na ndubo-mii kɔtu bɔni. Na mɔɔwia ka lɛsɔku mina kadi bekyuli Israelƒuɔ mbenyene bana kenyekɔ.”

Amos 1:3

Unwoti ɔnini, “Ndubo Siriaƒuɔ kɔtu bɔni na bana ekpidi pii ɔsu na lɛɛɛdubo mina kasusu bɔvumana. Ɔsika béminime ligyigba lɛni lɛlɔ na bébo kɔbwɛlɛ bálɛ bávinku Gileadƒuɔ lɛlɔ.

Amos 3:2

Amii kani na lɛ́ƒuna na kayawi kadi bekyuli ƒui akɔ, anwuɔsu na ndubo-mii kɔtu bɔni na bina alaekpidi ɔsu.”

Mika 6:12

“Amii balakɛne bibo kalala na bina akɔ ɔdi biala ɔɔnyi ɔkɔ.

Habakuk 2:18

“Kɔsia kɔmani na baƒiɔ bebo? Ala avɔdi ku anwidi ekpludi ani na bekyuli béti bana enu bábla bálɛku ligyii ku abuala kemmo kani na adi. Na bi ɔsu na ɔlɛka ukyuli uti anu ɔsia ala ani naaatɛmi mɛni lɛlɔ?

Romaƒuɔ 1:25

Na bávumana Katɔti litemi geen lɛmmɔ ku ɔkɔ bɔnyi. Na baakpá ala ani na Katɔti údie. Nsu ɔlɛka bakpa Katɔti ɔlati ɔni námanku bumwi uwi ƒui. Ɔsia lɛni.

Tesalonikaƒuɔ 1 4:8

Anwuɔsu si bina akɔ ɔdi útadi ɔmɛni lɛlɔ ni, ɔɔɔdi bekyuli lɛlɔ na ɔ́ta únye. Mmomu Katɔti ɔni néti nwuna Kɔyu úte-mii lɛlɔ na ɔ́ta únye.

Petro 1 1:18

Ɔsika bɛgyi ka kayu kani na Katɔti ɔ́ƒɔ na bina lili asa na údie-mii ɔ́lɛku ngba bukpidi bɔni na bɛ́ƒɔ bɛ́siku bina bati kuuku kudɔ ni, ɔɔɔdi sika ugyiedi iye ɔƒualadi ɔni muutili na ɔdi.

Litemi Batɛne 10:6

Israelƒuɔ básɔ bábla likpidi na Unwoti anumi. Na likpidi lɛmmɔ ndi ka bésie bakya baakpá baƒiɔ Baal ku Astarot ku Aramƒuɔ baƒiɔ ku Moabƒuɔ baƒiɔ ku Amonƒuɔ baƒiɔ ku Ƒilistiƒuɔ baƒiɔ. Na ka Israelƒuɔ béni na báyu atuɔkplu ka basɔ balasiaku Unwoti ɔsu ni,