Amos 2:12 - Katɔti Ɔku Kedee

¹² Nsu bítile kenye bediene bammɔ kuƒi ka batasu mina kenye. Na bínye Nasareƒuɔ bammɔ lɛlɔ ka bataani ntɛ bɔni na lítile-ma kuƒi ka batani.

Amos 2:12 ပူးပေါင်းရင်းမြစ်များ

Yesaia 30:10

Amii mɔɔsu Katɔti kenye bediene ku nwuna batalane bɛnii, “Bitakɔ litemi buni lɛdi lɛsa bitete-bu, na bitasu-bu kenye kabuni kadi kani na Unwoti úbo-mii ɔda ɔnii bɛsu-bu lɛnɔ. Mmomu bɛsu-bu bula kayi lɛyɔla ku ala abuni ani ana na buugyé.

Yeremia 11:21

Unwoti ɔnini, “Yeremia, bekyuli badi bási ƒula ɔma Anatos bani násu ka badubo-ɔ bɔdu si amu enye eedie-mi kenye.

Yeremia 35:5

Amu na lɛ́gyu ntɛ ku lɛkyami bonwu lɛdi lɛ́lɛ-ma anumi na liti lɛɛƒɛɛ lɛnɔ líse-mu kudɔ na lɛ́su Rekabiƒuɔ bammɔ nnini, “Bɛni ntɛ bɔmmɔ bɔdi.”

Amos 7:13

Sɔ tasu ƒula kenye kadi na mɛni, ɔsika mɛni kadi kakpakɔ ute ɔga ku nwuna lɛga kadikɔ bekyuli bammɔ ƒui.”

Amos 7:16

“Na ɔƒaani ni, nu lɛla lɛni na Unwoti ɔɔsu ina ka awɔ eebó-mi ɔda anii nda kenye budi nya na lɛda Unwoti litemi bɔsu taadɔnku Israelƒuɔ lɛya.

Mika 2:6

Na si mɔɔsu-mii lɛla lɛdi ni, bɛsɔ bitasu bɛnii lɛsa na mɔɔkɔ́ teewi-mii ndubɔya na kɔƒa kukpo-mii. Bitasu bɛnii Katɔti uláya na kɔƒa kukpo-mii.

Bumomo Bɔka 6:2

“Kɔ lɛsa na asu Israelƒuɔ anini, ‘Si ɔnana ɔdi iye uleku ɔdi ɔɔyɔ́ ka use kenye kadi na kenye kammɔ kaatina ka ɔɔyɔ́ ka udie lɛlɔ lɛti sɛsɛɛ use ute Unwoti na bataalɔ-nwu banii, Nasareni ni,

Bumomo Bɔka 6:3

ɔlɛka ɔda lɛlɔ udie ntɛ bɔni mbo ɔkplu bɔni kemmo. Na utalɛka ɔni egyiibi ntɛ bɔni na bébulo, na utalɛka ɔni lɛla lɛni mɔɔda kenye, iye egyiibi lidu biala ntu bɔni na bámana ebi ammɔ bédie iye ɔdi-nya muedi.